Hansika Motwani: సాధారణంగా పెళ్లయిన తర్వాత ప్రతి అమ్మాయి ఇంటిపేరు మారుతుంది అన్న విషయం అందరికీ తెలిసిందే. అందులో భాగంగానే చాలామంది హీరోయిన్లు వివాహం జరిగిన తర్వాత తమ భర్త పేరును లేదా భర్త ఇంటి పేరును తమ ఇంటి పేరుగా మార్చుకొని.. సోషల్ మీడియా ఖాతాలో చలామణి అవుతూ ఉంటారు. అయితే అనుకోకుండా ఆ ఇంటి పేరును తొలగిస్తే మాత్రం పలు రకాల రూమర్స్ వినిపిస్తాయన్న విషయం అందరికీ తెలిసిందే. ఈ క్రమంలోనే ఎవరైతే తమ భర్తల నుండి దూరం కాబోతున్నారో అలాంటివారు ముందస్తు హింట్ ఇస్తూ ఇంటిపేరు తొలగించి అందరినీ ఆశ్చర్యపరుస్తూ ఉంటారు.
ఇప్పటికే అలా ఎంతోమంది మొదట సోషల్ మీడియా ఖాతాలో ఇంటిపేర్లు తొలగించి.. విడాకులకు హింట్ ఇచ్చి ఆ తర్వాత కొంతకాలానికి నిజంగానే విడాకులు తీసుకున్నారు. అయితే ఇప్పుడు ప్రముఖ హీరోయిన్ హన్సిక మోత్వానీ కూడా ఇంస్టాగ్రామ్ నుండి ఇంటిపేరును మార్చడంతో.. ఇక ఈమె విడాకులకు సిద్ధమవుతోందా అంటూ సరికొత్త రూమర్ తెరపైకి వచ్చింది. మరి అసలు విషయం ఏమిటో ఇప్పుడు చూద్దాం.
అల్లు అర్జున్ (Allu Arjun) హీరోగా వచ్చిన ‘దేశముదురు’ సినిమాతో తొలిసారి హీరోయిన్ గా ఇండస్ట్రీకి పరిచయమైంది హన్సిక. మొదటి సినిమాలోనే అమాయకత్వంతో అందరి దృష్టిని ఆకట్టుకున్న ఈ సొట్టబుగ్గల సుందరి.. తెలుగు, తమిళ్లో వరుసగా హిట్ చిత్రాలలో నటించి మెప్పించింది. అతి తక్కువ సమయంలోనే భారీ పాపులారిటీ అందుకున్న ఈమె.. హిందీ సినీ రంగంలోకి కూడా అడుగుపెట్టి అక్కడ కూడా పలు చిత్రాలు చేసింది. కెరియర్ పీక్స్ లో ఉండగానే 2022లో వ్యాపారవేత్త సోహైల్ ఖతురియాతో ఏడు అడుగులు వేసింది. ఇదిలా ఉండగా గత కొంతకాలంగా వీరిద్దరి మధ్య విభేదాలు వచ్చాయని.. అందుకే హన్సిక ఒంటరిగా తన తల్లితో కలిసి జీవిస్తోంది అంటూ వార్తలు వినిపిస్తున్న వేళ ఇప్పుడు సడన్ గా ఈమె సోషల్ మీడియా ఖాతా నుండి ఇంటి పేరును కూడా తొలగించడంతో ఈ రూమర్స్ నిజమేనని అందరూ నమ్ముతున్నారు.
ALSO READ:Jabardast: 200 కోట్ల ఆస్తికి అధిపతి.. ఒక్క దెబ్బతో క్లారిటీ ఇచ్చి జబర్దస్త్ కమెడియన్!
అసలు విషయంలోకి వెళ్తే.. చాలామంది హీరోయిన్స్ న్యూమరాలజీ ప్రకారం తమ పేర్లను మార్చుకుంటున్న విషయం తెలిసిందే. అందులో భాగంగానే తన ఇంటి పేరులోని మోత్వానీ స్పెల్లింగ్ మార్చింది. న్యూమరాలజీ ఆధారంగా తన ఇంటిపేరులో స్పెల్లింగ్ మార్చుతూ.. Motwani నుంచీ Motwanni గా మార్చుకుంది. న్యూమరాలజీ ప్రకారం ఇప్పటికే ఎంతోమంది హీరోయిన్లు తమ పేర్లలో మార్పులు చేసుకున్న విషయం తెలిసిందే. ఇక అందులో భాగంగానే ఇప్పుడు ఈమె కూడా మార్పు చేసుకోవడం జరిగింది.
హన్సిక కెరియర్ విషయానికొస్తే.. చైల్డ్ ఆర్టిస్ట్ గా కెరియర్ మొదలుపెట్టిన ఈమె.. షక లక బూమ్ బూమ్ వంటి హిట్ సీరియల్స్ లో కూడా నటించింది. హృతిక్ రోషన్ నటించిన కోయి మిల్ గయా అనే చిత్రంలో కూడా చైల్డ్ ఆర్టిస్ట్ గా నటించిన ఈమె.. వరుస సినిమాలు చేస్తూ హీరోయిన్ గా భారీ పాపులారిటీ సొంతం చేసుకుంది.
Share
Airline Apology: జ్వరంతో చనిపోయిన ఎయిర్ హోస్టెస్.. లీవ్ లెటర్ అడిగిన విమాన సంస్థ.. నెటిజన్లు ఆగ్రహం!
Food Safety Raids: పండుగకు మీరు కొనేది స్వీట్లు కాదు.. పాయిజన్.. ఇవిగో ఆధారాలు..!
