సీక్రెట్‌గా వివాహం చేసుకున్న కంగనా రనౌత్?.. ఆ మంగళసూత్రం వెనుక అసలు నిజం ఇదే..

Kangana Marriage: బాలీవుడ్ స్టార్ నటి, ఎంపీ కంగనా రనౌత్ ఎప్పుడూ ఏదో ఒక విషయంతో వార్తల్లో నిలుస్తూనే ఉంటారు. తాజాగా ఆమెకు సంబంధించిన ఒక వీడియో సోషల్ మీడియాలో తెగ వైరల్ అవుతోంది. అందులో కంగనా మెడలో మంగళసూత్రం, చేతులకు పచ్చటి గాజులు, లేత గులాబీ రంగు సల్వార్ సూట్ ధరించి సాంప్రదాయబద్ధంగా కనిపించారు. ఈ వీడియో చూసిన నెటిజన్లు, అభిమానులు ఒక్కసారిగా షాక్‌కు గురయ్యారు. “కంగనా రనౌత్ ఎవరికీ తెలియకుండా రహస్యంగా పెళ్లి చేసుకున్నారా?” అంటూ సామాజిక మాధ్యమాల్లో పెద్ద ఎత్తున చర్చ మొదలైంది.

అయితే, ఈ వైరల్ వీడియో వెనుక ఉన్న అసలు నిజం ఏమిటనేది ఇప్పడు తెలుసుకుందాం. కంగనా రనౌత్ రహస్యంగా వివాహం చేసుకున్నారనే వార్తల్లో ఎలాంటి నిజం లేదు. ఆమె ఇప్పటికీ అవివాహితురాలనేది వాస్తవం. మరి అంతలా వైరల్ అవుతున్న ఆ వీడియో వెనుక ఉన్న కథేంటంటే, అది కేవలం ఒక సినిమా షూటింగ్ లుక్ మాత్రమే.

కంగనా రనౌత్ తన కెరీర్‌లో బ్లాక్‌బస్టర్ హిట్‌గా నిలిచిన ‘క్వీన్’ సినిమాకు సీక్వెల్‌గా రాబోతున్న ‘క్వీన్ 2’ (Queen 2) షూటింగ్‌లో ప్రస్తుతం పాల్గొంటున్నారు. ఈ చిత్రానికి ‘క్వీన్ ఫరెవర్’ అనే వర్కింగ్ టైటిల్‌ను కూడా పరిశీలిస్తున్నారు. ఆ సినిమాలో ఆమె పోషిస్తున్న పాత్ర కోసమే కంగనా ఈ మంగళసూత్రం ధరించిన లుక్‌లో కనిపించారు. ముంబైలో జరుగుతున్న ఈ సినిమా షూటింగ్ ముగించుకుని, ఆమె తన భద్రతా సిబ్బందితో కలిసి కారు వైపు వెళ్తుండగా మీడియా ఫోటోగ్రాఫర్లు ఆ దృశ్యాలను కెమెరాలో బంధించారు.

సినిమా సెట్స్‌లో తీసిన ఈ వీడియో కాస్తా, సోషల్ మీడియాలోకి వచ్చేసరికి “కంగనా రహస్య వివాహం” అంటూ తప్పుడు ప్రచారానికి దారితీసింది. కాబట్టి, వైరల్ అవుతున్న వీడియో కేవలం సినిమా షూటింగ్‌కు సంబంధించింది మాత్రమేనని, కంగనా రనౌత్ వివాహం చేసుకోలేదని స్పష్టమైంది.

Kangana Ranaut was seen wearing a mangalsutra today.

Has Kangana secretly got married? pic.twitter.com/wBCoNCZVLL

— Mr SP (@Lonely_prabh) May 21, 2026