Mamitha Baiju : మూవీ కోసం రాత్రంతా ప్రాక్టీస్… అలిసిపోయాను అంటున్న మమిత బైజు..

Mamitha Baiju : ప్రదీప్ రంగనాథన్, మమిత బైజు జంటగా నటిస్తున్న తాజా చిత్రం డ్యూడ్.. కీర్తిశ్వరన్ దర్శకత్వంలో ఈ మూవీ తెరకెక్కుతుంది. ప్రముఖ నిర్మాణ సంస్థ మైత్రి మూవీ మేకర్స్ ఈ సినిమాని ఎంతో ప్రతిష్టాత్మకంగా భారీ బడ్జెట్ తో తెరకెక్కిస్తున్నారు. అక్టోబర్ 17న దీపావళి సందర్భంగా ఈ మూవీ పాన్ ఇండియా మూవీగా ఐదు భాషల్లో రిలీజ్ కాబోతుంది. ఈ సినిమా నుంచి ఇప్పటివరకు వచ్చిన ప్రతి అప్డేట్ సినిమాపై భారీ అంచనాలను క్రియేట్ చేస్తున్నాయి. ప్రస్తుతం చిత్ర యూనిట్ ఈ సినిమా ప్రమోషన్స్ లో బిజీగా ఉంది. ఇక హీరో హీరోయిన్లు పలు చానల్స్ కి ఇంటర్వ్యూ లిస్తూ వస్తున్నారు. ఈ క్రమంలో హీరోయిన్ మమిత బైజు ఓ షాకింగ్ న్యూస్ ను బయటపెట్టింది. ప్రస్తుతం అది సోషల్ మీడియాలో హాట్ టాపిక్ గా మారింది..

రాత్రంత కష్టపడి అలిసిపోయాను..

‘ప్రేమలు’ సినిమాతో ఒక్కసారిగా స్టార్ హీరోయిన్ గుర్తింపు తెచ్చుకుంది మమిత బైజు.. చిన్న స్టోరీ తో ఎటువంటి అంచనాలు లేకుండా థియేటర్లోకి వచ్చిన ఆ మూవీ బాక్స్ ఆఫీస్ వద్ద భారీ విజయానన్ని సొంతం చేసుకుంది.. ఆ తర్వాత ఈమె క్రేజ్ ఒక్కసారిగా పెరిగిపోయింది. ప్రస్తుతం ఈమె డ్యూడ్ సినిమాలో నటిస్తుంది.. అన్ని కార్యక్రమాలను పూర్తి చేసుకున్న ఈ మూవీ దీపావళి సందర్భంగా థియేటర్లలోకి రాబోతుంది. ఈ క్రమంలో ఏర్పాటు చేసిన విలేకరుల సమావేశంలో మమిత సినిమా గురించి ఆసక్తికర విషయాలను పంచుకుంది.. ఆమె మాట్లాడుతూ.. ఈ సినిమా కోసం చాలా కష్టపడ్డాను అని చెప్పుకొచ్చింది. ఈ సినిమాలో కొన్ని ఎమోషనల్ సీన్స్ తనకు సవాలుగా అనిపించాయని, వాటి కోసం రాత్రంతా డైలాగ్స్‌ ప్రాక్టీస్‌ చేసి, షూట్ సమయంలో కంగారుపడకుండా సీన్ పై మాత్రమే ఫోకస్ చేశానని ఆమె చెప్పింది.. అందుకే ఈ పాత్ర ఒకేసారి సవాలుగా, ఉత్సాహంగా అనిపించిందని పేర్కొన్నారు..

Also Read : నిహారిక – విశ్వక్ సేన్ రొమాంటిక్ సీన్.. ఇదేం ట్విస్ట్ రా అయ్యా..

ఈ మూవీ స్టోరీ విషయానికొస్తే..

లవ్ టుడే, డ్రాగన్‌ల వంటి రెండు వరుస హిట్‌లను అందించిన ప్రదీప్ రంగనాథన్ ‘డ్యూడ్’ సినిమాతో ప్రేక్షకుల ముందుకు వస్తున్నారు. ఈ మూవీ స్టోరీ డిఫరెంట్ గా ఉంటుందని చిత్ర యూనిట్ చెబుతున్నారు. గతంలో ఎన్నడూ చూడని విధంగా ఆడియన్స్ ఈ సినిమాను చూస్తూ థ్రిల్ అవుతారని అంటున్నారు. ఇందులో కురల్ చాలా నిజాయితీ గల పాత్ర. తన భావోద్వేగాల పట్ల నిబద్ధతగా ఉంటుంది, చుట్టూ ఉన్న వారందరితో స్నేహంగా ఉంటుంది. మొత్తానికి ఈ సినిమాలో కొత్తగా కనిపించబోతున్నట్లు తెలుస్తుంది. ఈ మూవీ నుంచి వచ్చిన ప్రతి అప్డేట్ ఇప్పటివరకు ప్రేక్షకులను ఆకట్టుకున్నాయి. ప్రేమలు సినిమాతో యూత్ క్రష్ గా మారిపోయిన మమిత ఈ సినిమాతో ఎలాంటి క్రేజ్ ను అందుకుంటుందో చూడాలి.. దీపావళి సందర్భంగా బోలెడు సినిమాలు థియేటర్లలోకి రాబోతున్నాయి. మరి ఈ మూవీ ఏ విధమైన రెస్పాన్స్ ని అందుకుంటుందో చూడాలి..