Nagabandham Trailer: టాలీవుడ్లో విజువల్ వండర్స్, మిస్టరీ థ్రిల్లర్స్కు ఎప్పుడూ క్రేజీ డిమాండ్ ఉంటుంది. కార్తికేయ-2, కాంతార, హనుమాన్ వంటి సినిమాలు క్రియేట్ చేశాయో తెల్సిందే. ఇప్పుడు అదే కోవలో ఇండియన్ సినిమా బాక్సాఫీస్ను షేక్ చేయడానికి మరో మైథలాజికల్ యాక్షన్ అడ్వెంచర్ సిద్ధమైంది. విరాట్ కర్ణ హీరోగా నటిస్తున్న హై-బడ్జెట్ పాన్ ఇండియా మూవీ ‘నాగబంధం’. అడ్వెంచరస్ కాన్సెప్ట్తో వస్తున్న ఈ సినిమాపై ఇప్పటికే ఇండస్ట్రీలోనూ, ప్రేక్షకుల్లోనూ భారీ అంచనాలు నెలకొన్నాయి. ఇందుకు తగ్గట్టుగానే తాజాగా విడుదలైన ఈ చిత్ర ట్రైలర్ సోషల్ మీడియాను ఊపేస్తోంది.
ఈ చిత్రంలో విరాట్ కర్ణ సరసన నభా నటేశ్, ఐశ్వర్య మేనన్ కథానాయికలుగా నటిస్తున్నారు. ‘ఇస్మార్ట్ శంకర్’ సినిమాతో మాస్ ఆడియన్స్కు దగ్గరైన నభా నటేశ్, ‘స్పై’ చిత్రంతో మెప్పించిన ఐశ్వర్య మేనన్ ఈ ప్రాజెక్ట్లో భాగం కావడంతో గ్లామర్ అండ్ పర్ఫార్మెన్స్ పరంగా సినిమా నెక్స్ట్ లెవెల్లో ఉండబోతోందని స్పష్టమవుతోంది. వీరితో పాటు టాలీవుడ్ వర్సటైల్ యాక్టర్ జగపతిబాబు కీలకమైన, పవర్ఫుల్ పాత్రలో కనిపిస్తుండటం సినిమాకు మెయిన్ ఎసెట్.ఇక ఈ భారీ చిత్రాన్ని అభిషేక్ నామా డైరెక్ట్ చేస్తుండగా, కిషోర్ అన్నపురెడ్డి, నిషిత నాగిరెడ్డి సంయుక్తంగా అత్యంత ప్రతిష్టాత్మకంగా నిర్మిస్తున్నారు.
also read :పవన్ కళ్యాణ్ కాళ్లు కడిగినా మీకు ఆ అర్హత రాదు.. పేర్ని నానికి కిరాక్ ఆర్పీ లెఫ్ట్ అండ్ రైట్!
తాజాగా విడుదలైన ట్రైలర్ చూస్తుంటే సినిమాను ఒక విజువల్ వండర్గా తీర్చిదిద్దినట్లు అర్థమవుతోంది. పురాతనమైన రహస్యాలు, శతాబ్దాల నాటి నాగబంధం సంప్రదాయం, ఆ గూఢ చారిత్రక సత్యాల చుట్టూ తిరిగే కథాంశంతో ఈ చిత్రం రూపొందింది. గ్రాఫిక్స్, బ్యాక్గ్రౌండ్ స్కోర్, సస్పెన్స్ ఎలిమెంట్స్ సినిమా రేంజ్ను మరో లెవెల్ కి తీసికెళ్ళాయి.గతంలో వచ్చిన కల్కి 2898 AD,బాహుబలి వంటి భారీ విజువల్ ఎఫెక్ట్స్ చిత్రాల తరహాలోనే, ఈ నాగబంధం కూడా ప్రేక్షకులకు సరికొత్త థియేట్రికల్ ఎక్స్పీరియన్స్ను అందించేలా కనిపిస్తోంది. టీజర్తోనే క్యూరియాసిటీ పెంచేసిన మేకర్స్, ఇప్పుడు ట్రైలర్తో సినిమాపై ఉన్న అంచనాలను స్కై హైకి తీసుకెళ్లారు.
ఇకపోతే ఈ విజువల్ మిస్టరీ అడ్వెంచర్ రాబోయే జులై 3న ప్రపంచవ్యాప్తంగా గ్రాండ్గా థియేటర్లలోకి రానుంది. ఈ ఏడాది జులై నెలలో రాబోతున్న మోస్ట్ అవేటెడ్ మూవీస్లో ఇదొకటిగా ట్రెండ్ అవుతోంది.ఇక సినిమా ప్రమోషన్స్ కూడా విభిన్నంగా ప్లాన్ చేస్తున్నారు మేకర్స్. సౌత్ టూ నార్త్ అన్ని భాషల్లో ఈ చిత్రాన్ని భారీగా రిలీజ్ చేసేందుకు సన్నాహాలు జరుగుతున్నాయి. మిస్టరీ ఎలిమెంట్స్ను ఇష్టపడే సినీ ప్రియులకు నాగబంధం ఖచ్చితంగా ఒక ఐ-ఫీస్ట్ కానుందని చెప్పడంలో ఎలాంటి సందేహం లేదు.ఇక సినిమా రిలీజ్ డేట్ దగ్గరపడుతుండటంతో అటు ఇండస్ట్రీ వర్గాల్లోనూ, ఇటు కామన్ ఆడియన్స్లోనూ ఈ మిస్టరీ థ్రిల్లర్ ఎలాంటి వండర్స్ క్రియేట్ చేయబోతుందనే ఆసక్తి రోజురోజుకూ పెరిగిపోతోంది.చూడాలి మరి భారీ అంచనాలని ఈ సినిమా వాటిని అందుకుంటుందో లేదో !
Share
విడుదలకు ముందు టాటా సియెర్రా ఈవీ టీజర్ లాంచ్.. లుక్ చూస్తే మతిపోవడం పక్కా!
South Telangana: ఆ నాలుగు జిల్లాలపై గులాబీ దళం నయా స్కెచ్.. పట్టు కోసం కేటీఆర్ వేసిన స్కెచ్ ఇదే..?
