Niharika Konidela:మెగా డాటర్ నిహారిక కొణిదెల గురించి పరిచయాలు ప్రత్యేకంగా అవసరం లేదు. అందం, అభినయంతో హీరోయిన్ మెటీరియల్ అనిపించుకున్నప్పటికీ కూడా.. ఎందుకో హీరోయిన్ గా ఈమెకు వర్క్ అవుట్ కాలేదు. దాంతో క్యారెక్టర్ ఆర్టిస్ట్ పాత్రలతో సరిపెట్టుకున్న ఈమె.. ఆ తర్వాత నిర్మాతగా మారింది.
పింక్ ఎలిఫెంట్ పిక్చర్స్ బ్యానర్ అనే నిర్మాణ సంస్థను స్థాపించి, ఈ చిత్రం ద్వారా పలు చిత్రాలను నిర్మిస్తూ దూసుకుపోతోంది. కమిటీ కుర్రోళ్ళు చిత్రాన్ని నిర్మించి, నేషనల్ అవార్డు కూడా అందుకున్న ఈ ముద్దుగుమ్మ.. ఇప్పుడు తన సోదరుడు వరుణ్ తేజ్తో కలిసి బరి అనే చిత్రాన్ని నిర్మిస్తోంది.
మరోవైపు నిత్యం సోషల్ మీడియాలో యాక్టివ్ గా ఉంటూ ప్రేక్షకులను అలరించే ఈమె.. తాజాగా మరో డిఫరెంట్ అవుట్ ఫిట్ తో ఆడియన్స్ ముందుకు వచ్చింది. ఎమరాల్డ్ గ్రీన్ షరారా సెట్ లో కనిపించి తన అవుట్ ఫిట్ తో అభిమానులను మెస్మరైజ్ చేసింది నిహారిక కొణిదెల.
ఈమె ధరించిన ఈ అవుట్ ఫిట్ విషయానికి వస్తే.. ముదురు ఆకుపచ్చ రంగు సిల్క్ ఫ్యాబ్రిక్ తో డిజైన్ చేసిన షార్ట్ కుర్తీ ధరించింది. బంగారు రంగు జరీ, జర్దోసీ, గొట్టా పట్టీ వర్క్ తో కూడిన భారీ ఎంబ్రాయిడరీ డిజైన్ మరింత ఆకర్షణగా నిలిచింది. మోచేతికి కాస్త కింది భాగం వరకు ఉన్న చేతుల అంచులకు బంగారు రంగు ఎంబ్రాయిడరీ బోర్డర్ ఆకృతులు మరింతగా ఆకట్టుకుంటున్నాయి.
బాటమ్ విషయానికొస్తే కుర్తీకి జతగా గేరా కలిగిన ప్రింటెడ్ షెరార ప్యాంటును ఈమె ధరించింది. దీనిపై ఆకుపచ్చ, ఎరుపు రంగుల పువ్వుల డిజైన్లు, నిలువు వరుసలో బంగారు రంగు లేస్ వర్క్ తో చక్కగా డిజైన్ చేశారు. ఇక దీనికి తగినట్లుగా చెవులకు ముత్యాలు, కుందన్లతో కూడిన స్టడ్ ఇయర్ రింగ్స్ ను ఈమె ధరించింది. మొత్తానికి అయితే తన లేటెస్ట్ ఔట్ఫిట్ తో అభిమానులను ఆకట్టుకుంది నిహారిక.. ప్రస్తుతం ఈమె షేర్ చేసిన ఫోటోలు సోషల్ మీడియాలో వైరల్ గా మారుతున్నాయి.
also read:ఓటీటీలోకి ఫస్ట్ ఇండియన్ స్లాషర్ థ్రిల్లర్ కల్ట్.. స్ట్రీమింగ్ ఎప్పుడంటే?
Share
రూ.25 లక్షల లోపు బెస్ట్ ఫ్యామిలీ ఎలక్ట్రిక్ కార్లు.. రేంజ్, ఫీచర్లు అదుర్స్!
అనకాపల్లి జిల్లాలో విషాదం.. శారదా నదిలో గల్లంతైన ఇద్దరు రైతులు
