Ranabaali First Documentary: విజయ్ దేవరకొండ రష్మిక మందన్న హీరో హీరోయిన్లుగా నటిస్తున్న పీరియాడిక్ యాక్షన్ డ్రామా రణబాలి(Ranabaali). ఈ సినిమా దసరా పండుగను పురస్కరించుకొని అక్టోబర్ 16వ తేదీ ప్రేక్షకుల ముందుకు రాబోతున్న సంగతి తెలిసిందే ఈ నేపథ్యంలోనే ప్రమోషన్లను కూడా మొదలుపెట్టారు. అయితే ఈ సినిమాకు డాక్యుమెంటరీలను విడుదల చేస్తూ సరికొత్తగా ప్రమోషన్లను నిర్వహించబోతున్న సంగతి తెలిసిందే ఇలా నాలుగు డాక్యుమెంటరీలుగా ఈ సినిమా కథ ఏంటో ప్రేక్షకులకు ముందుగానే చెప్పే ప్రయత్నం మేకర్స్ చేస్తున్నారు.
ఇందులో భాగంగానే ఈ సినిమాకు సంబంధించి నాలుగు భాగాలలో మొదటి భాగం ” ది ఫెమిన్ వుయ్ ఫర్గాట్” (The Famine we Forgot)అని భాగాన్ని విడుదల చేశారు. ఇందులో భాగంగా ఈ సినిమా కథకు మూలం ఏంటి విషయాల గురించి డైరెక్టర్ రాహుల్ సాంకృత్యన్, రష్మిక మందన్న (Rashmika Mandanna),విజయ్ దేవరకొండ (Vijay Devarakonda) పలు ఆసక్తికరమైన విషయాలను పంచుకున్నారు. అయితే ఈ సినిమా సుమారు 150 సంవత్సరాల క్రితం జరిగిన ఒక నిజ జీవిత కథ ఆధారంగానే ప్రేక్షకుల ముందుకు తీసుకురాబోతున్నట్లు డైరెక్టర్ రాహుల్ సాంకృత్యన్ (Rahul Sankrityn)తెలిపారు.
ఈ సినిమా కోసం తాము ఎన్నో ప్రాంతాలకు వెళ్ళామని బళ్ళారి మద్రాస్ వంటి ప్రదేశాలకు వెళ్లి రీసర్చ్ చేశామని, అలాగే ఎన్నో కలెక్టర్ ఆఫీసులకు వెళ్లి పాత రికార్డులను పరిశీలించిన అనంతరం ఈ కథను సిద్ధం చేశామని డైరెక్టర్ తెలిపారు. ఈ సినిమా కథ 1876- 78 మధ్య బ్రిటిష్ పాలన కాలంలో రాయలసీమ పరిధిలో జరిగిన భయంకరమైన కరువు, ప్రజల ఆకలి కేకలు, వలస పాలకుల దోపిడీ వంటి యదార్ధ సంఘటనల ఆధారంగా ఈ ఎపిసోడ్ రూపొందించారు. ఇలా ఈ సినిమాకు సంబంధించి నటీనటులతో పాటు డైరెక్టర్ పలు విషయాలు తెలిపారు.
A manmade famine.
That was consciously buried in history.They took the grain.
We paid the price.#Ranabaali Never Forget.
Truth 1 : THE FAMINE WE FORGOT▶️ https://t.co/NxMCTShX44#Ranabaali GRAND RELEASE WORLDWIDE ON 16.10.26.#NeverForget#RanabaaliOnOct16th… pic.twitter.com/93Gb9Q15qV
— Mythri Movie Makers (@MythriOfficial) September 28, 2026
ఇలా ఈ సినిమా నుంచి మొదటి డాక్యుమెంటరీగా విడుదల చేసిన ఈ సిరీస్ కు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది. ఇక మిగిలిన మూడు సిరీస్ లను వరుసగా యూట్యూబ్ ఛానల్ ద్వారా మేకర్స్ విడుదల చేయబోతున్నారు. ఈ పీరియాడిక్ యాక్షన్ డ్రామాని మైత్రి మూవీ మేకర్స్ వారు ఎంతో ప్రతిష్టాత్మకంగా ప్రేక్షకుల ముందుకు తీసుకురాబోతున్నారు. దసరా పండుగ సందర్భంగా విడుదల కాబోతున్న ఈ సినిమా విజయ్ దేవరకొండకు ఎలాంటి సక్సెస్ అందిస్తుందనేది తెలియాల్సి ఉంది. పెళ్లి తర్వాత విజయ్ దేవరకొండ రష్మిక మొదటిసారి ఈ సినిమా ద్వారా ప్రేక్షకుల ముందుకు రాబోతున్నారు. ఇప్పటివరకు విడుదల చేసిన అప్డేట్స్ సినిమాపై భారీగా అంచనాలను పెంచేశాయి. ఈ సినిమాలో రష్మిక జయమ్మ పాత్రలో కనిపించగా విజయ్ దేవరకొండ సింగనమల బొబ్బిలి రణబాలి పాత్రలో కనిపించబోతున్నారు.
Also Read: నెట్ ఫ్లిక్స్ లోకి రాబోతున్న ‘రోమాంచకం’ .. స్ట్రీమింగ్ ఎప్పుడంటే?
Share
జియో యూజర్లకు గుడ్ న్యూస్.. పొరపాటున రాంగ్ రీఛార్జ్ చేశారా? టెన్షన్ పడకుండా ఇలా చేసేయండి!
ఇండస్ట్రీలోకి రాకపోయుండుంటే చైత్ర రాయ్ ఏం చేసేవారో తెలుసా?
