Ranveer Singh: బాలీవుడ్ స్టార్ హీరో రణవీర్ సింగ్ నటిస్తున్న భారీ యాక్షన్ థ్రిల్లర్ ‘ధురంధర్ 2: ద రివెంజ్’ విడుదల కావడానికి ముందే పెద్ద వివాదంలో చిక్కుకుంది. ఈ చిత్రానికి సంబంధించిన ఒక పోస్టర్ సోషల్ మీడియాలో వైరల్ కావడంతో సిక్కు సమాజం తీవ్ర అభ్యంతరం వ్యక్తం చేసింది. ఈ వివాదం చివరకు లీగల్ నోటీసుల వరకు వెళ్ళింది. అయితే, ఈ గొడవ అంతా ఒక ‘ఫేక్’ పోస్టర్ వల్ల జరిగిందని తెలియడం ఇప్పుడు చర్చనీయాంశంగా మారింది.
Read also-Dhurandhar 2: ‘ధురంధర్ 2’పై ఆర్జీవీ రివ్యూ చూస్తే మతిపోతుంది.. మరో రికార్డు ఖాయమేనా?
సోషల్ మీడియాలో ప్రత్యక్షమైన ఒక పోస్టర్లో రణవీర్ సింగ్ సిక్కు వేషధారణలో, అంటే తలపాగా (Dastaar) ధరించి కనిపిస్తున్నారు. అయితే ఆ చిత్రంలో ఆయన చేతిలో సిగరెట్ పట్టుకుని ఉండటం సిక్కు మతస్థులను ఆగ్రహానికి గురిచేసింది. ‘ప్రళయ్’ అనే పాట కోసం ఈ పోస్టర్ను రూపొందించినట్లు ఆ ప్రచార చిత్రంలో పేర్కొన్నారు. సిక్కు మత సంప్రదాయాల ప్రకారం పొగాకు సేవించడం అనేది తీవ్రమైన నిషిద్ధం. పవిత్రమైన తలపాగా ధరించి సిగరెట్ తాగడం తమ మత విశ్వాసాలను కించపరచడమేనని ఢిల్లీ శిరోమణి అకాలీదళ్ అధ్యక్షుడు పరమజిత్ సింగ్ సర్నా, ఇతర ప్రతినిధులు మండిపడ్డారు. ఈ విషయంపై సిక్కు సంఘం ప్రతినిధులు చిత్ర నిర్మాతలు, హీరో రణవీర్ సింగ్, సెన్సార్ బోర్డ్ (CBFC)తో పాటు కేంద్ర సమాచార ప్రసార మంత్రిత్వ శాఖకు కూడా లీగల్ నోటీసులు పంపారు. వివాదాస్పదంగా ఉన్న ఆ దృశ్యాలను, ప్రచార చిత్రాలను వెంటనే తొలగించాలని, అలాగే బహిరంగంగా క్షమాపణలు చెప్పాలని వారు డిమాండ్ చేశారు. ఒకవేళ చర్యలు తీసుకోకపోతే సినిమా విడుదలపై ప్రభావం చూపిస్తామని హెచ్చరించారు.
ఈ వివాదం ముదురుతున్న సమయంలో నెటిజన్లు, చిత్ర విశ్లేషకులు అసలు విషయాన్ని వెలుగులోకి తెచ్చారు. ఆ వివాదాస్పద పోస్టర్ చిత్ర బృందం అధికారికంగా విడుదల చేసింది కాదు. అది ఒక AI (ఆర్టిఫిషియల్ ఇంటెలిజెన్స్) ద్వారా లేదా ఎవరో అభిమాని సృష్టించిన ‘ఫేక్’ పోస్టర్ అని తేలింది. సినిమాలో ‘ప్రళయ్’ అనే పాట లేదని, పోస్టర్పై ఉన్న మ్యూజిక్ లేబుల్ వివరాలు కూడా తప్పుగా ఉన్నాయని గుర్తించారు. కేవలం టెక్నాలజీని తప్పుగా ఉపయోగించడం వల్ల చిత్ర బృందం అనవసరంగా ఇబ్బందుల్లో పడాల్సి వచ్చింది. ఆదిత్య ధర్ దర్శకత్వంలో రూపొందుతున్న ‘ధురంధర్ 2’ చిత్రంలో రణవీర్ సింగ్తో పాటు సంజయ్ దత్, ఆర్ మాధవన్, అర్జున్ రాంపాల్ వంటి భారీ తారాగణం నటిస్తున్నారు. ఇది ఒక స్పై థ్రిల్లర్ నేపథ్యంలో సాగే హై-వోల్టేజ్ యాక్షన్ మూవీ. ఈ సినిమా మార్చి 19, 2026న థియేటర్లలో విడుదల కావడానికి సిద్ధంగా ఉంది. ఏది ఏమైనా, బాధ్యతారహితంగా సోషల్ మీడియాలో షేర్ చేసే ఇలాంటి AI చిత్రాలు సినిమా ఇండస్ట్రీకి ఎంతటి తలనొప్పులు తెస్తాయో ఈ ఘటన మరోసారి నిరూపించింది.
The poster of the Pralay song from the film Dhurandhar 2 depicts a turbaned Sikh character holding a cigarette. This portrayal is deeply offensive and a serious violation of Sikh religious principles.
In Sikh tradition, tobacco is strictly prohibited and regarded as a Bajjar… pic.twitter.com/ZoThF3K5Vp
— Paramjit Singh Sarna (@ParamjitSSarna) March 12, 2026
Share
Hanumakonda Murder: హనుమకొండలో ఘోరం.. భార్య, మామను సజీవ దహనం చేసిన కిరాతకుడు
Trisha Krishnan: రాజకీయాల్లో చక్రం తిప్పుతున్న త్రిష.. పొత్తులో కీలకం కానుందా?
