Rashmika Injury:గత మూడు, నాలుగు రోజులుగా రష్మికకు ఏమైంది అని ఆందోళన పడుతున్న అభిమానులకు అసలు విషయం చెప్పుకొచ్చింది రష్మిక.”అవును.. గాయాలు అవడం అంటే నాకు అసలు ఇష్టం ఉండదు. ఈ విషయం ఎవరికీ తెలియకూడదు అనుకున్నా.. చివరికి తెలిసిపోయింది. నాకు ఇలాంటి గాయం కావడం ఇది మూడోసారి” అంటూ రష్మిక పెట్టిన ఇన్స్టాగ్రామ్ పోస్ట్ ఇప్పుడు సోషల్ మీడియాలో తెగ వైరల్ అవుతోంది.
మన శరీరంలో తుంటి భాగం నుంచి కాలును కలిపే టెండన్స్ చాలా ముఖ్యమైనవి.ఒకసారి అవి దెబ్బతింటే నడవడమే కాదు.. కాలు పైకి ఎత్తడం కూడా కష్టమవుతుంది.అలాంటి టెండన్స్లో ఒకటి పూర్తిగా ఊడిపోయిందని చెప్పుకొచ్చింది రష్మిక.
“నా తుంటి భాగంలో కాలును కలిపే నాలుగు టెండన్స్లో ఒకటి ఊడిపోయింది. ఇప్పుడు నేను కాలు పైకి ఎత్తాలి అనుకున్నా అది మళ్లీ అతుక్కోవాలి. డాక్టర్లు పూర్తిగా విశ్రాంతి తీసుకోమన్నారు” అంటూ అసలు విషయం వెల్లడించింది.
ఈ ప్రమాదం ఎలా జరిగిందన్న విషయాన్ని కూడా రష్మిక వెల్లడించింది.తన కొత్త సినిమా ‘మైసా’ షూటింగ్లో డ్యాన్స్ చేస్తుండగా ఈ గాయం అయిందని తెలిపింది.ఒక డ్యాన్స్ స్టెప్ వేస్తున్న సమయంలో ఒక్కసారిగా నొప్పి ఎక్కువ కావడంతో వెంటనే షూటింగ్ ఆపేసినట్లు చెప్పింది.
మొదట చిన్న గాయం అనుకున్నప్పటికీ.. స్కాన్ చేసిన తర్వాత అసలు విషయం బయటపడిందని, వెంటనే చికిత్స ప్రారంభించామని వివరించింది.
సినిమా గురించి మాట్లాడుతూ..తాను ఇప్పటివరకు చేసిన సినిమాల్లో ‘మైసా’నే చాలా కష్టమైన సినిమా అని, శరీరాన్ని పూర్తిగా పరీక్షించే సినిమా ఇదేనని చెప్పుకొచ్చింది.ఫిజికల్ ట్రైనింగ్ ప్రతిరోజూ ఒక కొత్త ఛాలెంజ్లా అనిపించిందని, ఈ సినిమా కోసం తన లిమిట్స్ కూడా దాటిపోయానని వెల్లడించింది.
“బహుశా నేను కొంచెం విశ్రాంతి తీసుకోవాలని దేవుడే ఇలా అవకాశం ఇచ్చాడేమో. ఎప్పుడూ షూటింగ్లు, ట్రావెలింగ్, ఈవెంట్స్ అంటూ గ్యాప్ లేకుండా పరుగులు తీస్తున్నాను. ఇకపై నా బాడీని మిషన్లా కాకుండా మనిషిలా చూసుకోవాలని ఈ గాయం నాకు నేర్పించింది” అంటూ రష్మిక చెప్పిన మాటలు అభిమానులను ఎమోషనల్కు గురిచేస్తున్నాయి.
రష్మిక పోస్ట్ బయటకు వచ్చిన వెంటనే అభిమానులు భారీగా స్పందిస్తున్నారు.”ముందు ఆరోగ్యం… తర్వాత సినిమా”, “త్వరగా కోలుకోండి” అంటూ సోషల్ మీడియాలో కామెంట్ల వర్షం కురిపిస్తున్నారు.మరోవైపు సినీ ప్రముఖులు కూడా ఆమె త్వరగా కోలుకోవాలని శుభాకాంక్షలు తెలియజేస్తున్నారు.
ఈ సినిమాలోని యాక్షన్ సీక్వెన్స్ల కోసం రష్మిక నెలల తరబడి ప్రత్యేక శిక్షణ తీసుకుందట.డూప్ లేకుండా చాలా సన్నివేశాలను తనే చేయాలని నిర్ణయించుకోవడంతో, ఆ రిస్క్ కారణంగానే ఈ గాయం జరిగి ఉండొచ్చని ఇండస్ట్రీలో ప్రచారం జరుగుతోంది.
పూర్తిగా కోలుకుని త్వరలోనే మళ్లీ యాక్టివ్ అవుతానని రష్మిక చెబుతోంది.మరి అభిమానులు ఎదురుచూస్తున్నట్టుగా ఆమె ఎప్పుడు పూర్తిగా కోలుకుని మళ్లీ సినిమా సెట్స్పైకి అడుగుపెడుతుందో చూడాలి.
Share
నిషేధిత మాయా విద్యతో ప్రేమ, ప్రతీకారం... ఫాంటసీ లవర్స్ అస్సలు మిస్ కాకూడని కొరియన్ సిరీస్
దౌల్తాబాద్లో షాకింగ్ ఘటన.. గడ్డి మందు పిచికారీతో 8 ఎకరాల వరి పంట ధ్వంసం!
