ఇరుముడి తర్వాత రవితేజ చేయబోయే సినిమాలివేనా ?

Ravi Teja Next Movies:శివ నిర్వాణ దర్శకత్వంలో రవితేజ హీరోగా వచ్చిన ఇరుముడి సినిమా బాక్సాఫీస్ వద్ద ఒక రేంజ్ లో ఇరగదీస్తోంది.ఇక వస్తున్న టాక్ ,నడుస్తున్న జోష్ చూస్తుంటే ఈ సినిమా ఈజీగా 150కోట్ల మార్క్ ని టచ్ చేసేలానే ఉంది.

వరుసగా ఆరేడు డిజాస్టర్స్ ని చూసిన రవితేజ కి ఈ సినిమా ఎంత ప్రత్యేకమో చెప్పక్కనక్కర్లేదు.ఓక రకంగా ఈ సినిమా మాస్ మహారాజ్ కెరీర్ కి డూ ఆర్ డై లాంటి సినిమా.అలాంటి పరిస్థితుల్లో సెన్సేషన్ హిట్ కొట్టిన ఈ సినిమా తర్వాత రవితేజ తర్వాత చేయబోయే సినిమాలు ఏమై ఉంటాయా అని క్యూరియస్ గా ఆరాలు తీసేపనిలో పడ్డారంతా.

హసిత్ గోలితో

అయితే వినిపిస్తున్న టాక్ ప్రకారం ఈ సినిమా తర్వాత రవితేజ హసిత్ గోలితో జతకట్టబోతున్నాడని తెలుస్తుంది.హసిత్ గోలి ఎవరంటారా ..రాజరాజచోర సినిమా తో మంచి పేరు సంపాదించుకుని స్వాగ్ తో గుర్తింపు తెచ్చుకున్న కుర్ర డైరెక్టర్ ఈయనే.అయితే దిల్ రాజు నిర్మించబోయే ఈ క్రేజీ ప్రాజెక్ట్ లో కింగ్ ఆఫ్ ఎంటర్టైనర్ శ్రీవిష్ణు కూడా నటించబోతున్నాడని,ఇక సినిమా అక్టోబర్ లో మొదలు కాబోతుందని ఇన్ సైడ్ టాక్.

సంక్రాంతి బరిలోదిగేందుకు సిద్ధం

ఇక ఇప్పటికే చిరు,వెంకీ ,శర్వా ,నాగ్ అంటూ దాదాపు మెజారిటీ హీరోలు సంక్రాంతి బరిలోదిగేందుకు సిద్ధం అవుతుంటే రవితేజ,అదే పొంగల్ బరిలో దిగబోతుందని ఇండస్ట్రీలో జోరుగా టాక్ విపిస్తుంది .చూడాలి మేకర్స్ దీనిపై అఫీషియల్ గా ఏమైనా అనౌన్సమెంట్ ఇస్తారేమో !

Also read :సెంట్రల్ మినిస్టర్ కాల్ చేసి ..అసలు విషయం చెప్పేసిన సోనియా

వివేక్ ఆత్రేయ దర్శకత్వంలో

ఇక ఈ సినిమా తర్వాత అంటే సుందరానికి, బ్రోచేవారెవరురా సినిమాలతో సత్తా చాటిన వివేక్ ఆత్రేయ దర్శకత్వంలో రవితేజ కనిపించనున్నాడని టాక్.అయితే కురుక్షేత్రం అనే కథతో బాలయ్య వద్దకి వెళ్లిన వివేక్ కి అక్కడ మొండి చేయి ఎదురవడం తో ఇలా రవితేజని లైన్లో పెట్టాడని ఫిలిం సర్కిల్స్ లో వినిపిస్తుంది.మరి ఆ కథ ఇదేనా లేక మరేదైనా అన్నది మేకర్స్ అఫీషియల్ గా అనౌన్స్ చేస్తే కానీ తెలీదు.

డైరెక్టర్ మారుతి ఇప్పటికే

ఇక రవితేజకి డైరెక్టర్ మారుతి ఇప్పటికే కథ చెప్పాడని సోషల్ మీడియాలో వార్తలు జోరుగా నడుస్తున్నాయి.మరి ఇరుముడి లాంటి సెన్సేషన్ హిట్ కొట్టిన రవితేజ,రాజసాబ్ లాంటి డిజాస్టర్ తీసిన మారుతికి అవకాశం ఇస్తాడా చూడాలి.