‘ఇట్లు అర్జున’ కొత్త రిలీజ్ డేట్ ఫిక్స్.. ఈసారైనా విడుదలకు మోక్షం దక్కేనా?

Itlu Arjuna New Release Date: టాలీవుడ్ యువ నటుడు సాయి అనీష్ (Sai Aniesh), అందాల ముద్దుగుమ్మ అనస్వర రాజన్(Anaswara Rajan) హీరో హీరోయిన్లుగా నటించిన చిత్రం ‘ఇట్లు అర్జున'(Itlu Arjuna). బ్యూటిఫుల్ ఎంటర్టైన్మెంట్ గా ప్రేక్షకుల ముందుకు రాబోతున్న ఈ సినిమా ఇదివరకే ప్రేక్షకుల ముందుకు విడుదల కావాల్సి ఉండగా ఆదర్శ కుటుంబం సినిమా కారణంగా తరచు వాయిదా పడుతూ వస్తుంది. అక్టోబర్ రెండో తేదీ విడుదల కావాల్సిన ఈ సినిమా వెంకటేష్ సినిమా కారణంగా అక్టోబర్ 9 కి వచ్చింది. ఇలా అక్టోబర్ 9 నుంచి అక్టోబర్ 30న విడుదల కాబోతున్నట్లు నిర్మాతలు ప్రచార కార్యక్రమాలను కూడా నిర్వహించారు.

ఈసారైనా వస్తారా అర్జున..

ఇలా వరుసగా ఈ సినిమా విడుదల తేదీలను ప్రకటిస్తున్నప్పటికీ ఆదర్శ కుటుంబం సినిమా కారణంగా తరచు వాయిదా వేస్తూ వచ్చారు. ఇకపోతే ఆదర్శ కుటుంబం సినిమా విడుదల కావడంతో ఇట్లు అర్జున సినిమా కొత్త విడుదల తేదీని ప్రకటించారు. తాజాగా చిత్ర నిర్మాతలు ఈ సినిమా నవంబర్ 13వ తేదీ ప్రేక్షకుల ముందుకు రాబోతున్నట్లు తెలియజేశారు. ఈ విధంగా ఈ సినిమా కొత్త విడుదల తేదీన ప్రకటించడంతో అభిమానులు ఈ విషయంపై స్పందిస్తూ ఇప్పటికైనా ఈ సినిమా విడుదలకు మోక్షం దక్కేనా? లేకుంటే మరే సినిమా కారణం చేత అయినా వాయిదా పడుతుందా అంటూ కామెంట్లు చేస్తున్నారు.

నిర్మాణ బాగస్వామ్యంలో నాగార్జున..

ఇక ఈ సినిమాకు మహేష్ ఉప్పాల దర్శకత్వం వహించగా అన్నపూర్ణ స్టూడియోస్ బ్యానర్, హ్యాష్ ట్యాగ్ మీడియా, వాట్ నెక్స్ట్ ఎంటర్టైన్మెంట్స్ ఈ చిత్రాన్ని సంయుక్తంగా నిర్మించారు. ఈ సినిమా నిర్మాణంలో కింగ్ నాగార్జున(Nagarjuna) కూడా భాగస్వామ్యం కావడంతో ఈ సినిమాపై భారీగా అంచనాలు ఉన్నాయి. ఇదివరకు ఈ సినిమా నుంచి విడుదల చేసిన అప్డేట్స్ కూడా సినిమా పట్ల మంచి అంచనాలను పెంచేశాయి. మరి నవంబర్ 13వ తేదీ ప్రేక్షకుల ముందుకు రాబోతున్న ఇట్లు అర్జున ఎలాంటి ప్రేక్షకాదరణ సొంతం చేసుకుంటుందనేది తెలియాల్సి ఉంది.

ఇక ఈ సినిమా ప్రేమకథాచిత్రంగా ప్రేక్షకుల ముందుకు రాబోతున్న సంగతి తెలిసిందే. అయితే ఈ సినిమాలో హీరో అనీష్ మూగవాడి పాత్రలో నటించడం విశేషం.మాటలు లేకుండా, కేవలం సైగలు మరియు హావభావాల ద్వారానే తన ప్రేమను ఎలా వ్యక్తం చేస్తాడు అనేదే ఈ సినిమా కథ నేపథ్యం. ఇక ఈ సినిమాలో కీర్తి అనే పాత్రలో అనస్వర రాజన్ సందడి చేయబోతున్నారు. ఈ సినిమా ప్రేమ కథ సినిమా మాత్రమే కాకుండా ఎన్నో భావోద్వేగాలతో కూడుకున్న సినిమా అని, ఈ సినిమాలో ఊహించని ట్విస్టులు కూడా ఉండబోతున్నాయని తెలుస్తోంది. మరి అక్టోబర్ 13న విడుదల కాబోతున్న ఇట్లు అర్జున ప్రేక్షకులను ఎలా ఆకట్టుకుంటుందో వేచి చూడాలి.

Also Read: తల్లి కాబోతున్న బుల్లితెర నటి.. వైరల్ అవుతున్న బేబీ బంప్ ఫోటోలు!