Uday Kiran: ఉదయ్ కిరణ్ చనిపోయిన తర్వాత ఏం జరిగిందో తిలిస్తే బిత్తెర పోరారు!.. మరీ ఇంత దారుణమా?

Uday Kiran: ప్రస్తుత రోజుల్లో సినిమా పరిశ్రమలో అవకాశాల కోసం ఆర్టిస్టులు దర్శకుల చుట్టూ తిరగాల్సి వస్తుంది. తాజాగా ఇదే విషయం గురించి సీనియర్ నటుడు అశోక్ కుమార్ ఒక ఇంటర్వ్యూలో దివంగత హీరో ఉదయ్ కిరణ్ మరణానికి గల కారణాల గురించి పరిశ్రమలోని పరిస్థితుల గురించి ఆసక్తికరమైన విషయాలను పంచుకున్నారు. తాజాగా దీనికి సంబంధించిన వీడియో సోషల్ మీడియాలో తెగ వైరల్ అవుతోంది. నటుడు అశోక్ కుమార్ ఉదయ్ కిరణ్ మరణాన్ని ప్రస్తావిస్తూ, సినిమా పరిశ్రమలో ప్రస్తుతం ఉన్న బాండింగ్ తగ్గిపోవడంపై తీవ్ర ఆందోళన వ్యక్తం చేశారు. ఉదయ్ కిరణ్ మరణానికి ప్రధాన కారణం ఆయనకు సరైన సమయంలో అవకాశాలు రాకపోవడమేనని అశోక్ కుమార్ పేర్కొన్నారు. ఒకప్పుడు వరుస విజయాలతో స్టార్‌డమ్ చూసిన హీరో, ఆ తర్వాత అవకాశాలు లేక తీవ్రమైన ఫ్రస్ట్రేషన్‌కు (నిరాశకు) లోనయ్యారని ఆయన వివరించారు.

అప్పుడు మాత్రమే గుర్తొస్తాయి!

ఉదయ్ కిరణ్ చనిపోయిన తర్వాత జరిగిన కండోలెన్స్ (సంతాప) సభలో చాలా మంది దర్శకులు, నిర్మాతలు, రచయితలు మాట్లాడుతూ.. “అవకాశాల కోసం మమ్మల్ని అడగొచ్చు కదా, మేమంతా లేమా?” అని అన్నారని అశోక్ కుమార్ గుర్తు చేశారు. అయితే, ఆ మాటలు కేవలం వ్యక్తి చనిపోయిన తర్వాతే వస్తాయని, బ్రతికున్నప్పుడు ఎవరూ పట్టించుకోరని ఆయన ఆవేదన వ్యక్తం చేశారు. కేవలం ఉదయ్ కిరణ్ మాత్రమే కాదు, నేడు పరిశ్రమలో ఎంతోమంది ప్రతిభావంతులైన నటులు సరైన అవకాశాలు లేక ఫ్రస్ట్రేషన్‌లో ఉన్నారని అశోక్ కుమార్ హెచ్చరించారు. నటులకు అవకాశాలు లేనప్పుడు వారి పరిస్థితి చాలా దారుణంగా ఉంటుందని ఆయన తెలిపారు.

బాండింగ్ లోపించడం

పాత రోజుల్లో నటీనటులు, దర్శకుల మధ్య ఒక బలమైన అనుబంధం ఉండేదని, ఇప్పుడు అసిస్టెంట్ డైరెక్టర్‌గా కూడా అనుభవం లేకుండా నేరుగా కోర్సులు చేసి వస్తున్న దర్శకుల వల్ల ఆ బాండింగ్ మిస్ అవుతోందని ఆయన అన్నారు. నటులు ఆఫీసులకు వస్తే కనీసం మర్యాద ఇచ్చి మాట్లాడే పరిస్థితి కూడా కొన్ని చోట్ల లేదని ఆయన విమర్శించారు. నటీనటులు కేవలం డబ్బు కోసం మాత్రమే కాకుండా ప్యాషన్ (అభిరుచి) తో పరిశ్రమకు వస్తారని, అలాంటి వారికి అవకాశాలు ఇవ్వాల్సిన బాధ్యత దర్శకులు, నిర్మాతల మీద ఉందని అశోక్ కుమార్ ఈ వీడియోలో స్పష్టం చేశారు. ఉదయ్ కిరణ్ లాంటి పరిస్థితి మరో నటుడికి రాకూడదంటే పరిశ్రమలో మార్పు రావాలని ఆయన కోరారు.