Jatadhara Trailer: మంత్ర బంధనాలతో ‘జటాధర’.. ఆకట్టుకుంటున్న ట్రైలర్!

Jatadhara Trailer: సుధీర్ బాబు హీరోగా నటిస్తున్న తాజా చిత్రం “జటాధర”(Jatadhara). వెంకటేష్ కళ్యాణ్ అభిషేక్ జైస్వాల్ దర్శకత్వంలో తెరికెక్కిన ఈ సినిమా నవంబర్ 7వ తేదీ ప్రేక్షకుల ముందుకు రావడానికి సిద్ధమవుతున్న నేపథ్యంలో ప్రమోషన్లను కూడా మొదలుపెట్టారు. ఇందులో భాగంగానే తాజాగా ఈ సినిమా నుంచి ట్రైలర్ విడుదల చేశారు. ఈ ట్రైలర్ చూస్తుంటే మాత్రం ఈసారి కచ్చితంగా సుధీర్ బాబు(Sudheer Babu) హిట్ కొడతారని స్పష్టం అవుతుంది. ఈ సినిమా తెలుగు హిందీ భాషలలో ప్రేక్షకుల ముందుకు రాబోతున్న నేపథ్యంలో బాలీవుడ్ సెలబ్రిటీలు కూడా ఈ సినిమాలో భాగమయ్యారు.

ధనపిశాచిగా సోనాక్షి సిన్హా..

ఈ సినిమా ద్వారా నటి సోనాక్షి సిన్హా(Sonakshi Sinha) తెలుగు ప్రేక్షకులకు పరిచయం కాబోతున్నారు. ఈ సినిమాలో ఈమె ధన పిశాచి పాత్రలో ఎంతో అద్భుతంగా నటించారనే చెప్పాలి. ఇక ఈ సినిమా ట్రైలర్ విషయానికి వస్తే.. పూర్వం దనాన్ని దాచిపెట్టే మంత్రాలతో బంధనాలు వేసేవాడు అనే డైలాగులతో ఈ ట్రైలర్ ప్రారంభమవుతుంది అలాగే ధనపిశాచిగా సోనాక్షి సిన్హా తన నటనతో అదరగొట్టారని చెప్పాలి. ఇక శిల్పా శిరోద్కర్(Shilpa Shirodkar) నటన కూడా హైలెట్ గానే నిలిచింది ఈ సినిమా ట్రైలర్ చూస్తుంటే మైథాలాజికల్ , సూపర్ నాచురల్ థ్రిల్లర్ సినిమాగా ఈ చిత్రం ప్రేక్షకుల ముందుకు రాబోతుందని తెలుస్తుంది.

తెలుగు,హిందీ భాషలో విడుదల..

ఈ సినిమాలో శుభలేఖ సుధాకర్, అవసరాల శ్రీనివాస్ వంటి వారి పాత్రలు కూడా అందరిని ఆకట్టుకుంటున్నాయి. ఈ సినిమా ట్రైలర్ చూస్తుంటే మాత్రం ఖచ్చితంగా సుధీర్ బాబు హిట్ కొడతారని తెలుస్తోంది. ఇక ఈ సినిమాని ఎంతో ప్రతిష్టాత్మకంగా జీ స్టూడియో సమర్పణలో ఉమేశ్‌ కె.ఆర్‌.భన్సాల్, ప్రేరణ అరోరా నిర్మిస్తున్నారు. ఏకకాలంలోనే ఈ సినిమా తెలుగుతోపాటు హిందీలో కూడా ప్రేక్షకుల ముందుకు రాబోతుంది. ఈ సినిమా ట్రైలర్ లాంచ్ కోసం సూపర్ స్టార్ మహేష్ బాబు(Mahesh Babu) రంగంలోకి దిగడంతో ట్రైలర్ వీడియోకి మంచి ఆదరణ లభిస్తుంది.

ఇటీవల కాలంలో నటుడు సుధీర్ ఎన్నో విభిన్నమైన సినిమా కథలను ఎంపిక చేసుకుంటూ ప్రేక్షకుల ముందుకు వస్తున్నారు అయితే ఈ సినిమాలు మాత్రం అనుకున్న విధంగా ప్రేక్షకులను ఆకట్టుకోలేకపోతున్నాయి. మరి సరికొత్త కాన్సెప్ట్ తో జటాధర అనే సినిమా ద్వారా ఈయన ప్రేక్షకుల ముందుకు రాబోతున్నారు. మరి ఈ సినిమాతో ఎలాంటి సక్సెస్ అందుకుంటారో తెలియాల్సి ఉంది. ఇదివరకే ఈ సినిమా నుంచి విడుదల చేసిన అప్డేట్స్ ఇతర పోస్టర్లు కూడా సినిమాపై మంచి అంచనాలను పెంచేశాయి. నవంబర్ 7వ తేదీ విడుదల కాబోతున్న ఈ సినిమా సుధీర్ బాబుకు ఎలాంటి సక్సెస్ అందిస్తుందో తెలియాల్సి ఉంది.

Also Read: Varalakshi -Sarath Kumar: కూతురి విషయంలో గర్వపడుతున్న హీరో..ఆ మాట చాలంటూ!