The Raja Saab First Song : చాలామంది ప్రభాస్ ఫ్యాన్స్ ఎంతో ఉత్సాహంగా ఎదురుచూస్తున్న సినిమా ది రాజా సాబ్. మారుతి దర్శకత్వంలో వస్తున్న ఈ సినిమా మీద విపరీతమైన అంచనాలు ఉన్నాయి. ఇప్పటికే ఈ సినిమాకి సంబంధించిన ట్రైలర్ కూడా విడుదల అయిపోయిన సంగతి తెలిసిందే. ఈ ట్రైలర్ కూడా ప్రేక్షకులను విపరీతంగా ఆకట్టుకుంది. సినిమా ఎప్పుడు విడుదలవుతుందా అనే క్యూరియాసిటీ ఈ ట్రైలర్ పెంచింది.
అయితే మామూలుగా ప్రతి సినిమా రిలీజ్ కి సిద్ధం అవుతున్నప్పుడు ఆ సినిమాకి సంబంధించిన పాటలు రిలీజ్ చేస్తారు. కానీ ది రాజా సాబ్ సినిమా నుంచి ఇప్పటివరకు ఒక్క పాట కూడా పూర్తిగా విడుదల కాలేదు. కొద్దిసేపటి క్రితమే ఈ సినిమాకి సంబంధించిన పాటను విడుదల చేశారు. ఈ సినిమా జనవరి 9న ప్రేక్షకులు ముందుకు రానున్న సంగతి తెలిసిందే. ఈ తరుణంలో ఫస్ట్ సాంగ్ విడుదలైంది.
ది రాజా సాబ్ సినిమా నుంచి విడుదలైన రెబల్ సాబ్ పాటను తమన్ అద్భుతంగా కంపోజ్ చేశాడు. పాట లేటుగా వచ్చినా కూడా ఫ్యాన్స్ ఎంజాయ్ చేసేలా ఉంది. రామ జోగయ్య శాస్త్రి ఈ పాటకి అద్భుతమైన సాహిత్యాన్ని అందించారు.
పాన్ ఇండియా నెంబర్ వన్ బ్యాచిలర్ అంటూ హాట్ టాపిక్ కూడా ఈ లిరిక్ లో యాడ్ చేశారు రామజోగయ్య శాస్త్రి. ముఖ్యంగా ప్రభాస్ పాత సినిమాల్లోని కొన్ని స్టిల్స్ ను ఈ సాంగ్ యాడ్ చేసి ఫ్యాన్స్ లో కొత్త ఉత్సాహాన్ని నింపారు. అన్నిటిని మించి ప్రభాస్ ని చూస్తుంటే చూడముచ్చటగా అనిపిస్తుంది.
మొత్తానికి ఈ పాట ఎప్పుడొస్తుందా అని కళ్ళు కాయలు కాచేలా ఎదురు చూశారు ప్రభాస్ అభిమానులు. వాళ్లందరికీ కూడా ఇప్పుడు కొంతమేరకు ఆశలు తీరిపోయాయి. సాంగ్ అదిరిపోయింది. ముఖ్యంగా ప్రభాస్ విజువల్స్ చూస్తుంటే చాలామందికి కడుపు నిండిపోయింది అని చెప్పొచ్చు. ఇంకా ఈ సినిమా నుంచి రాబోయే పాటలు ఏ రేంజ్ లో ఉంటాయో.
Also Read: Spirit : ప్రభాస్ ముహూర్తంలో కనిపించలేదు, కానీ సందీప్ హై ఇచ్చాడు
Share
Vijaya Sai Reddy: మళ్లీ రాజకీయాల్లో వస్తా.. కానీ..? విజయసాయి రెడ్డి సంచలన ప్రకటన
OTT Movie : వరుస హత్యలు... టీనేజ్ అమ్మాయిలే టార్గెట్... కల్లోనూ వెంటాడే హర్రర్ మూవీ మావా
