Tholisari Mimmalni Choosindi Modalu:కన్నడ చిత్ర పరిశ్రమలో ‘సుప్రీమ్ స్టార్’గా గుర్తింపు తెచ్చుకున్న భార్గవ్ బి.వి. ఇప్పుడు తెలుగులో తన అదృష్టాన్ని పరీక్షించుకోబోతున్నారు. ‘తొలిసారి మిమ్మల్ని చూసింది మొదలు’ అంటూ సరికొత్త సినిమాతో తెలుగు ప్రేక్షకుల ముందుకు వస్తున్నారు. ఈ సినిమాలో హీరోగా నటించడమే కాకుండా.. దర్శకత్వ బాధ్యతలు కూడా భార్గవ్ చేపడుతుండటం విశేషం.
ఈ సినిమాలో మీనాక్షి జైస్వాల్, ఆరియా మీనన్ హీరోయిన్లుగా నటిస్తున్నారు. ఈ మూవీ హైదరాబాద్లో శుక్రవారం పూజా కార్యక్రమాలతో ఘనంగా ప్రారంభమైంది.
ఈ మూవీ ప్రారంభోత్సవ కార్యక్రమానికి పలువురు సినీ ప్రముఖులు హాజరయ్యారు. ప్రముఖ నిర్మాత చదలవాడ శ్రీనివాసరావు ముహూర్తపు సన్నివేశానికి క్లాప్ ఇవ్వగా.. ఫిలింఛాంబర్ సెక్రటరీ కె. అశోక్ కుమార్ కెమెరా స్విచ్ఛాన్ చేశారు.దర్శకుడు దశరథ్ తొలి షాట్కు గౌరవ దర్శకత్వం వహించగా.. డైరెక్టర్ వీరశంకర్ స్క్రిప్ట్ అందించారు.
‘తొలిసారి మిమ్మల్ని చూసింది మొదలు’ సినిమాను విలేజ్ బ్యాక్డ్రాప్లో సాగే ఎమోషనల్ థ్రిల్లర్గా తెరకెక్కిస్తున్నారు.
ప్రేమ, కుటుంబ భావోద్వేగాలతో పాటు సస్పెన్స్, థ్రిల్ అంశాలు కూడా కథలో ఉండబోతున్నట్లు తెలుస్తోంది. ‘కేరాఫ్ కంచరపాలెం’, ‘ఉప్పెన’ వంటి సినిమాల్లో కనిపించే పల్లెటూరి వాతావరణం, ప్రేమ, ఎమోషన్స్ తరహాలో ఈ సినిమా కూడా ఉండే అవకాశం కనిపిస్తోంది.అయితే దర్శకుడిగా భార్గవ్ ఈ కథను ఎంత కొత్తగా చూపిస్తారనేదే ఇప్పుడు ఆసక్తికరంగా మారింది.
ఈ సినిమాలో ఆరియా మీనన్ తన పాత్ర గురించి మాట్లాడుతూ.. తనది చాలా బబ్లీగా, సరదాగా ఉండే విలేజ్ అమ్మాయి పాత్ర అని తెలిపారు.మరో హీరోయిన్ మీనాక్షి జైస్వాల్ కూడా భార్గవ్తో కలిసి పనిచేయడం మంచి అవకాశంగా భావిస్తున్నట్లు చెప్పారు.
ఇక సీనియర్ నటుడు కాదంబరి కిరణ్ హీరోయిన్ తండ్రి పాత్రలో కనిపించనుండటం కూడా సినిమాకు ప్రత్యేక ఆకర్షణగా నిలవనుంది.
సినిమా షూటింగ్ను సెప్టెంబర్ మొదటి వారంలో ప్రారంభించాలని చిత్రబృందం ప్లాన్ చేస్తోంది. బెంగళూరులోని ఓ విలేజ్లో తొలి షెడ్యూల్ను మొదలుపెట్టనున్నారు.ఆ తర్వాత హైదరాబాద్, బెంగళూరులో మిగతా చిత్రీకరణ జరపనున్నారు. మొత్తం రెండు షెడ్యూల్స్లో సినిమాను పూర్తి చేయాలని టీమ్ ప్లాన్ చేస్తోంది.
అన్నీ అనుకున్నట్టుగా జరిగితే అక్టోబర్ నాటికి సినిమా షూటింగ్ పూర్తి చేయాలన్నది మేకర్స్ టార్గెట్గా తెలుస్తోంది.
ఈ సినిమాకు మ్యూజిక్ డైరెక్టర్ పెద్దపల్లి రోహిత్ సంగీతం అందిస్తున్నారు. ఇప్పటికే నాలుగు పాటలను సిద్ధం చేస్తున్నట్లు తెలుస్తోంది. సినిమాలో పాటలకు కూడా మంచి ప్రాధాన్యం ఉంటుందని టీమ్ చెబుతోంది. దీంతో లవ్, ఎమోషన్స్తో పాటు మ్యూజిక్ కూడా సినిమాకు ప్లస్ అయ్యే అవకాశం ఉంది.
కన్నడలో ఇప్పటికే గుర్తింపు తెచ్చుకున్న భార్గవ్.. ఇప్పుడు తెలుగులో కొత్త కథతో ప్రేక్షకుల ముందుకు వస్తున్నారు.
అయితే ఈ సినిమాతో హీరోగా మాత్రమే కాకుండా దర్శకుడిగా కూడా తన సత్తా చూపించాల్సి ఉంటుంది. హీరోగా తనను తాను ఎలా చూపించుకుంటారు? దర్శకుడిగా కథను ఎలా నడిపిస్తారు? అనేది ఆసక్తికరంగా మారింది.
కొత్త హీరో, కొత్త దర్శకుడి కాంబినేషన్లో వస్తున్న ‘తొలిసారి మిమ్మల్ని చూసింది మొదలు’ సినిమాపై ఇప్పుడే కాస్త క్యూరియాసిటీ మొదలైంది.విలేజ్ బ్యాక్డ్రాప్, లవ్, ఫ్యామిలీ ఎమోషన్స్తో పాటు థ్రిల్లింగ్ ఎలిమెంట్స్ కూడా ఉండటంతో సినిమాపై ఆసక్తి పెరుగుతోంది.
ALSO READ:రక్తంతో తడిసిన ప్రభాస్.. ‘ఫౌజీ’ పోస్టర్ మామూలుగా లేదుగా!
మరి భార్గవ్ ఈ సినిమాతో తెలుగులో ఎలాంటి ఇంపాక్ట్ క్రియేట్ చేస్తారో.. ‘తొలిసారి మిమ్మల్ని చూసింది మొదలు’ ప్రేక్షకులను ఎంతవరకు మెప్పిస్తుందో చూడాలి!
Share
మేడ్చల్ పీహెచ్సీలో దారుణం.. ప్రసవం కోసం వస్తే గాంధీ ఆస్పత్రికి రిఫర్..!
పుతిన్ వెనుక ఉన్న ఆ మాంత్రికుడు ఇతనేనా ? రష్యా పవర్ గేమ్ వెనకున్న మాస్టర్ మైండ్ కథ
