అవార్డు వేడుకకు పింక్ చీరలో వచ్చిన నిహారిక.. వెనుక అసలు కథ ఇదే!

Niharika Konidela:నిహారిక కొణిదెల..మెగా కుటుంబం నుండి హీరోయిన్ గా ఎంట్రీ ఇచ్చిన ఈ ముద్దుగుమ్మ ఇపుడు ప్రొడ్యూసర్ అవతారం ఎత్తింది.ఈ క్రమంలోనే పింక్ ఎలిఫెంట్ పిక్చర్స్ పై కమిటీ కుర్రాళ్ళు , రాకాస అనే సినిమాలని తెరకెక్కించిన సంగతి తెల్సిందే. ఇక కమిటీ కుర్రాళ్ళు సినిమాకి జాతీయ అవార్డు వచ్చింది కూడా.

అయితే జాతీయ అవార్డు అందుకున్న తర్వాత నిహారిక కొణిదెల సోషల్ మీడియాలో షేర్ చేసిన ఫోటోలు ఇప్పుడు తెగ వైరల్ అవుతున్నాయి. ముఖ్యంగా పింక్ కలర్ చీరలో సింపుల్‌గా కనిపిస్తూ ఆమె పెట్టిన పోస్ట్‌ ఫాలోవర్స్ ని మెస్మరైజ్ చేస్తుంది. తనకు వచ్చిన ఈ అవార్డు ఒక్క తనది కాదని, ‘పింక్ ఎలిఫెంట్ పిక్చర్స్’ టీమ్ మొత్తానిదని నిహారిక చెప్పిన తీరు అందరిని కట్టి పడేస్తుంది.

‘కమిటీ కుర్రోళ్లు’ సినిమా విషయానికి వస్తే ..యదు వంశీ దర్శకత్వంలో వచ్చిన ఈ సినిమాకి బెస్ట్ తెలుగు ఫిల్మ్‌గా జాతీయ అవార్డు దక్కిన విషయం తెలిసిందే. 72వ నేషనల్ ఫిల్మ్ అవార్డ్స్‌లో ఈ సినిమాకు రెండు అవార్డులు వచ్చాయి. ఒకటి బెస్ట్ తెలుగు ఫిల్మ్ అవార్డు కాగా, మరోటి బెస్ట్ మేకప్ అవార్డు. ఈ సినిమాను నిహారిక కొణిదెలకు చెందిన పింక్ ఎలిఫెంట్ పిక్చర్స్, శ్రీ రాధా దామోదర స్టూడియోస్ కలిసి నిర్మించాయి.మొత్తానికి నేషనల్ వైడ్ గా ఈ సినిమాకి గుర్తింపు రావడంతో సినిమా టీమ్ మొత్తం ఆనందంలో మునిగిపోయింది.

పెద్ద స్టార్ హీరోలు, భారీ బడ్జెట్, భారీ సెట్స్ వంటి కమర్షియల్ హంగులు లేకుండా కథ పై నమ్మకంతో అంతా కొత్తవాళ్ళతో తెరకెక్కిన ఈ సినిమా ఆడియన్స్ నుండి మంచి అప్లాజ్ మూట గట్టుకుంది. ఇప్పుడు అదే సినిమా జాతీయ అవార్డు వరకు వెళ్లడంతో నిహారికకు ఇది ఎంతో స్పెషల్ మూమెంట్‌గా మారిందని చెప్పాలి.

అయితే అవార్డు అందుకున్న తర్వాత నిహారిక తన ఇన్‌స్టాగ్రామ్‌లో చేసిన పోస్ట్ లో “ఈ అవార్డు మా పింక్ ఎలిఫెంట్ పిక్చర్స్ టీమ్ మొత్తానికి చాలా ప్రత్యేకం” ఆ రోజు తనతో పాటు టీమ్‌లోని ప్రతి ఒక్కరూ స్టేజ్‌పై ఉండాలని అనిపించిందని, కానీ అందరూ తనతో లేకపోయినా వాళ్లను తనతో తీసుకెళ్లినట్టుగా ఫీల్ అయ్యానని చెప్పడం బట్టి చూస్తే మూవీ టీమ్ ని నిహారిక ఎంత మిస్ అయిందో అర్థం అవుతుంది. అందుకే తన లుక్‌లో కూడా పింక్ కలర్‌తో పాటు చిన్న ఏనుగు డిజైన్లను ప్రత్యేకంగా చేర్చుకున్నట్టు చెప్పుకొచ్చింది.

ఈ లుక్‌ను సిద్ధం చేసిన టీమ్‌కు కూడా నిహారిక ప్రత్యేకంగా క్రెడిట్ ఇవ్వడం విశేషం. చీర కోసం డిజైనర్ భార్గవి కునం, జ్యువెలరీ కోసం వసుంధర డైమండ్ ఆర్‌ఎఫ్, మేకప్ కోసం అభినయ, హెయిర్ స్టైలింగ్ కోసం రవి పసుపులేటి పేర్లను ఆమె తన పోస్టులో ట్యాగ్ చేసింది.

ఇక ‘కమిటీ కుర్రోళ్లు’ విషయానికి వస్తే, ఈ సినిమా కేవలం అవార్డులతోనే కాకుండా తన కంటెంట్‌తో కూడా ప్రత్యేక గుర్తింపు తెచ్చుకుంది. గ్రామీణ నేపథ్యం, చిన్ననాటి స్నేహాలు, కాలంతో మారిపోయే మనుషుల మధ్య సంబంధాలు, కుల విభేదాల ప్రభావం వంటి అంశాలను కథలో భాగంగా చూపించింది. ముఖ్యంగా చాలా మంది కొత్త నటీనటులను పరిచయం చేస్తూ యదు వంశీ తెరకెక్కించిన ఈ సినిమా చిన్న సినిమాలపై ఉన్న అంచనాలను కూడా మార్చింది. జాతీయ అవార్డు తర్వాత ఈ సినిమాపై మరోసారి ప్రేక్షకుల్లో ఆసక్తి పెరిగింది. ([Moneycontrol][3])

నిహారిక విషయానికి వస్తే ‘ఒక మనసు’తో హీరోయిన్‌గా పరిచయమైన నిహారిక, ఆ తర్వాత ‘హ్యాపీ వెడ్డింగ్’, ‘సూర్యకాంతం’ వంటి సినిమాల్లో నటించి మెప్పించింది. అయితే ఆ సినిమాలు అంతగా కలిసి రాకపోవడంతో ఇదిగో ఇలా ప్రొడ్యూసర్ గా టర్న్ అయింది ఈ మెగా భామ !