Nepal Landslide: కొండచరియలు విరిగిపడి.. 14 మంది మృతి

Nepal Landslide: తూర్పు నేపాల్ లోని కోషి ప్రావిన్స్‌లో విషాదం చోటుచేసుకుంది. శనివారం రాత్రి కురుస్తున్న భారీ వర్షాల కారణంగా కొండచరియలు విరిగిపడి కనీసం 14 మంది మృతి చెందారు. ఇల్లమ్ జిల్లాలోని సూర్యోదయ మునిసిపాలిటీతో సహా పలు ప్రాంతాల్లో ఈ మరణాలు సంభవించాయి.

సహాయక చర్యలు అంతరాయం

నేపాల్ ప్రభుత్వం తక్షణమే హెలికాప్టర్ దళాలు, సైనిక బృందాలు సహాయక చర్యల కోసం పంపింది. అయితే ప్రతికూల వాతావరణం కారణంగా.. హెలికాప్టర్‌లు బాధిత ప్రాంతాలపై దిగలేకపోయాయి. రోడ్లు కొట్టుకుపోవడం, విద్యుత్ సరఫరా నిలిచిపోవడం, టెలికమ్యూనికేషన్ వ్యవస్థలు దెబ్బతినడం కారణంగా రక్షణ చర్యలు మందగించాయి.

స్థానిక రెస్క్యూ టీములు, స్వచ్ఛంద సేవకులు రాత్రంతా ప్రయత్నాలు కొనసాగించారు. భారీ మట్టి, చెట్లు, రాళ్ల మధ్య మృతదేహాలను బయటకు తీసేందుకు తీవ్ర ఇబ్బందులు ఎదుర్కున్నారు.

బాధిత కుటుంబాల ఆర్తనాదం

సూర్యోదయ మునిసిపాలిటీలోని బందర్‌బసా గ్రామంలో ఒకే కుటుంబానికి చెందిన నలుగురు వ్యక్తులు మృతిచెందినట్లు అధికారులు ధృవీకరించారు.

ప్రభుత్వ చర్యలు

నేపాల్ హోం మంత్రిత్వ శాఖ అత్యవసర సమావేశం నిర్వహించింది. ప్రధాన మంత్రి మృతుల కుటుంబాలకు సానుభూతి తెలిపారు. ప్రభుత్వం అన్ని రకాల సహాయం అందిస్తుందని ప్రకటించారు.

ప్రమాద ప్రాంతాల్లో నివసిస్తున్న ప్రజలను.. సురక్షిత ప్రదేశాలకు తరలించడానికి ప్రత్యేక ఆదేశాలు జారీ చేసింది. అలాగే వర్షాలు మరింత కొనసాగవచ్చని వాతావరణ విభాగం హెచ్చరికలు జారీ చేసింది.

వాతావరణం ఇంకా ఆందోళనకరం

నేపాల్ వాతావరణ శాఖ ప్రకారం, మాన్సూన్‌ ప్రభావం ఇంకా రెండు రోజులు కొనసాగుతుంది. ప్రజలను అప్రమత్తంగా ఉండాలని హెచ్చరించారు.

Also Read: దుర్గా దేవి నిమజ్జనోత్సవంలో టీడీపీ, వైసీపీ ఘర్షణ..

భారత సరిహద్దు ప్రాంతాల్లో అప్రమత్తత

నేపాల్‌ తూర్పు ప్రాంతాలకు సమీపంగా ఉన్న బీహార్‌, సిక్కిం సరిహద్దు ప్రాంతాల్లో భారత అధికారులు అప్రమత్తమయ్యారు. సరిహద్దు గ్రామాల్లో నదుల నీటిమట్టం పెరగడంతో పరిస్థితిని పర్యవేక్షిస్తున్నారు.

Join WhatsApp Channel

Share

• 
• 
• 
• 
• 
•