Amit Shah: దేశ రాజకీయాల్లో అధికార, ప్రతిపక్షాల మధ్య మాటల యుద్ధం కొనసాగుతున్న వేళ, కేంద్ర హోంమంత్రి అమిత్ షా కాంగ్రెస్ పార్టీ లక్ష్యంగా తీవ్ర వ్యాఖ్యలు చేశారు. మహారాష్ట్రలోని పుణెలో జరిగిన ఒక కార్యక్రమంలో ఆయన మాట్లాడుతూ.. కాంగ్రెస్ నేత రాహుల్ గాంధీ అనుసరిస్తున్న విధానాలపై విమర్శలు గుప్పించారు.
విదేశీ వేదికలపై విమర్శల పట్ల అభ్యంతరం
అంతర్జాతీయ వేదికలపై రాహుల్ గాంధీ చేస్తున్న ప్రసంగాలు దేశ ప్రతిష్ఠను దెబ్బతీసేలా ఉన్నాయని కేంద్ర హోంమంత్రి అమిత్ షా ఆరోపించారు. ప్రపంచవ్యాప్తంగా ప్రశంసలు అందుకుంటున్న ప్రధానమంత్రి నరేంద్ర మోదీపై నిరాధార ఆరోపణలు చేయడమే ఆయన పనిగా పెట్టుకున్నారని విమర్శించారు. దేశాన్ని విమర్శించే ఉద్దేశంతోనే అంతర్జాతీయ వేదికకు ‘భారత్ సమ్మిట్’ అని పేరు పెట్టారని ఆయన పేర్కొన్నారు. విదేశాల్లో దేశాన్ని అప్రతిష్ఠపాలు చేసినంత మాత్రాన అధికారం దక్కదని అమిత్ షా వ్యాఖ్యానించారు.
గ్రామాల్లో పర్యటించాలని సూచన
రాహుల్ గాంధీ తన విదేశీ పర్యటనలను విరమించుకుని, దేశంలోని గ్రామాల్లో పర్యటించాలని అమిత్ షా హితవు పలికారు. క్షేత్రస్థాయిలో ప్రజల మధ్య తిరిగితేనే భవిష్యత్తులో ఎప్పటికైనా అధికారం దక్కే అవకాశం ఉంటుందని ఆయన అభిప్రాయపడ్డారు.
కాంగ్రెస్ శ్రేణులకు హెచ్చరిక
రాహుల్ గాంధీ తీరుపై ఆగ్రహం వ్యక్తం చేసిన అమిత్ షా.. కాంగ్రెస్ కార్యకర్తలను ఉద్దేశించి కీలక వ్యాఖ్యలు చేశారు. ‘కాంగ్రెస్ కార్యకర్తలారా.. మీరు ఆయన్ను ఇలాగే అనుసరిస్తే దేశంలో మరో 30 ఏళ్లయినా మీకు అధికారం దక్కదు’ అని అన్నారు. ఇకనైనా కాంగ్రెస్ నేతలు వాస్తవాలను గ్రహించి మేలుకోవాలని ఆయన సూచించారు.
Also Read: భార్యాభర్తల బెడ్రూం సంభాషణలు వినడమేనా మీ డిగ్నిటీ? బండి సంజయ్
Share
సిరిసిల్లలో చనిపోయిన వారి పేర్లతో లేబర్ కార్డుల దందా.. బీమా సొమ్ము మాయం
ఖమ్మం ప్రజలకు గుడ్ న్యూస్.. దుమ్ముగూడెం ఆనకట్ట ఎత్తు పెంపు?
