Bus Fight: సాధారణంగా బస్సు ప్రయాణం అంటే కిటికీ పక్కన కూర్చుని హాయిగా పాటలు వినడమో, లేదంటే కాసేపు కునుకు తీయడమో చూస్తుంటాం. కానీ, కర్ణాటకలో మాత్రం సీన్ రివర్స్ అయింది. బస్సు కాస్తా WWE రింగులా మారిపోయింది. తోటి ప్రయాణికులు సైతం థియేటర్లో సినిమా చూస్తున్నట్టు చూస్తూ ఉండిపోయారు. బెలూరు నుంచి హాసన్ వెళ్తున్న KSRTC బస్సులో జరిగిన ఒక వింత, ఘోరమైన ఫైటింగ్ దృశ్యాలు ఇప్పుడు సోషల్ మీడియాను షేక్ చేస్తున్నాయి.
చిన్న స్పార్క్.. చిలికి చిలికి గాలివాన!
అసలు కథేంటంటే.. ప్రయాణం ప్రశాంతంగానే సాగుతున్న సమయంలో, కండక్టర్కు ఒక మహిళా ప్రయాణికురాలికి మధ్య ఏదో విషయంలో చిన్న మాటల యుద్ధం మొదలైంది. టికెట్ చిల్లర విషయమో లేదా సీటు గొడవో కానీ, ఆ చిన్న స్పార్క్ కాస్తా చూస్తుండగానే చిలికి చిలికి గాలివానలా మారింది. మాటల దాడి కాస్తా చేతల దాడిగా రూపాంతరం చెందింది. ఒకరినొకరు నెట్టేసుకునే దాకా వెళ్ళింది. ఇద్దరిలోనూ బీపీ లెవల్స్ పీక్స్కు చేరడంతో బస్సు ఒక్కసారిగా రణరంగంగా మారిపోయింది.
జుట్టు పట్టుకుని లాగి.. కాలితో తొక్కి..
కోపంతో ఊగిపోయిన కండక్టర్.. సదరు మహిళా ప్రయాణికురాలిపై అమానుషంగా దాడికి దిగాడు. కోపాన్ని అణచుకోలేక ఆమెను కిందపడేసి, జుట్టు పట్టుకుని లాగుతూ దారుణంగా కొట్టాడు. అంతటితో ఆగకుండా కాలితో తొక్కుతూ రౌడీ షీటర్ రేంజ్ లో రెచ్చిపోయాడు. బస్సులో ఉన్న మిగతా జనాలు ఈ సీన్ చూసి షాకయ్యారు. ఒక మహిళపై ఒక ప్రభుత్వ ఉద్యోగి ఈ స్థాయిలో దాడి చేయడం అక్కడ ఉన్నవారినే కాకుండా, ఈ వీడియో చూస్తున్న నెటిజన్లను సైతం ముక్కున వేలేసుకునేలా చేసింది.
ప్రయాణికుల ట్విస్ట్.. కండక్టర్కే సపోర్ట్
ఈ కథలో అసలైన ట్విస్ట్ ఏంటంటే.. సాధారణంగా ఇలాంటి గొడవలు జరిగినప్పుడు జనాలు మహిళల వైపు నిలబడి సపోర్ట్ చేస్తుంటారు. కానీ ఇక్కడ సీన్ ఉల్టా అయింది. గొడవ పెద్దదవుతున్నా కొద్దీ బస్సులోని తోటి ప్రయాణికులు జోక్యం చేసుకుని.. బాధితురాలికి సపోర్ట్ చేయాల్సింది పోయి, కండక్టర్కే వత్తాసు పలికారు. అంతేకాదు, కండక్టర్తో పాటు కలిసి ఆ మహిళా ప్రయాణికురాలిపై దాడికి దిగడం గమనార్హం. దీంతో ఆ మహిళకు బస్సులో దిక్కుతోచని పరిస్థితి ఏర్పడింది. తోటి ప్యాసింజర్స్ ప్రవర్తన చూసి అందరూ ఆశ్చర్యపోతున్నారు.
పోలీస్ ఎంట్రీ.. అసలు కారణం ఏంటో?
ఈ ఘోర యుద్ధానికి అసలు కారణం ఏంటనేది ఇంకా క్లారిటీ రాలేదు. ఉచిత బస్సు ప్రయాణానికి సంబంధించిన గొడవా? లేక మరేదైనా పర్సనల్ ఇష్యూనా అనే కోణంలో పోలీసులు విచారణ జరుపుతున్నారు. సమాచారం అందుకున్న పోలీసులు రంగంలోకి దిగి కేసు నమోదు చేసుకున్నారు. బస్సులోని సీసీటీవీ విజువల్స్, తోటి ప్రయాణికుల సెల్ఫోన్ వీడియోల ఆధారంగా దర్యాప్తు చేస్తున్నారు. ఏది ఏమైనా, ప్రయాణికులను సురక్షితంగా గమ్యస్థానాలకు చేర్చాల్సిన బస్సు.. ఇలా ఫైటింగ్ క్లబ్గా మారడంపై సోషల్ మీడియాలో మీమ్స్, విమర్శలు వెల్లువెత్తుతున్నాయి.
Also Read: పసిడి ప్రియులకు షాక్.. రెండు రోజులుగా మళ్లీ పెరుగుతున్న బంగారం ధరలు.. ఎంత పెరిగిందంటే?
कर्नाटक शॉकर: बेलूर से हासन जा रही बस में आज KSRTC की एक महिला कंडक्टर और एक महिला पैसेंजर के बीच गरमागरम बहस मारपीट में बदल गई।
झगड़े का सही कारण अभी साफ नहीं है।
इस झगड़े से पैसेंजर में घबराहट फैल गई। पुलिस जांच कर रही है। https://t.co/xLcI60Ld3C— Sainidan. Ratnu. Ex. Adm.Judicial Officer (@Sainidan1) July 20, 2026
Share
ఎలాంటి ప్రతిఫలం ఆశించకుండా సాయం చేస్తారు.. ఈ తేదీల్లో పుట్టినవారు కష్టకాలంలో తోడుగా నిలుస్తారు
‘టాక్సిక్’ దెబ్బకి ప్లాన్స్ ఛేంజ్? రవితేజ ‘ఇరుముడి’ రిలీజ్ డేట్పై లేటెస్ట్ అప్డేట్!
