England : ఇంగ్లండ్ లో అన్ని రంగాల్లో భారతీయుల హవా కొనసాగుతోంది. ఇటీవలే బ్రిటన్ ప్రధానిగా భారతీయ ములాలున్న రిషి సునాక్ బాధ్యతలు చేపట్టారు. వ్యాపార, వాణిజ్య రంగాల్లో అనేక మంది రాణిస్తున్నారు. అనేక మంది ఉన్నత ఉద్యోగాలు చేస్తూ అక్కడే స్థిరపడ్డారు.
ఇంగ్లండ్, వేల్స్లో నివసిస్తోన్న ప్రతి ఆరుగురిలో ఒకరు విదేశీయులే అని తాజాగా ఒక నివేదిక వెల్లడించింది.అక్కడ నివసిస్తోన్న వారిలో 1.5 శాతం మంది భారతీయులేనని తెలిపింది. పాశ్చాత్య దేశాల్లో ప్రవాస భారతీయుల జనాభా పెరుగుతోందని అంతర్జాతీయ నివేదికలు వెల్లడిస్తున్నాయి. ఇంగ్లండ్లోనూ భారతీయుల జనాభా పెరిగినట్లు తాజా నివేదిక పేర్కొంది.
బ్రిటన్ జాతీయ గణాంక కార్యాలయ నివేదిక-2021 ప్రకారం ఇంగ్లండ్, వేల్స్లో నివసిస్తోన్న వారిలో విదేశీయుల సంఖ్య 2011లో 75 లక్షలుగా ఉంది. 2021 నాటికి విదేశీయుల సంఖ్య కోటికి చేరుకుంది. అంటే గత పదేళ్లలో బ్రిటన్ లో ప్రవాసుల సంఖ్య 25 లక్షలు పెరిగింది. బ్రిటన్ లో 2011లో భారతీయుల సంఖ్య 6 లక్షల 94 వేలుగా ఉంది. తాజాగా నివేదిక ప్రకారం అక్కడ 9 లక్షల 20 వేల మంది భారతీయులున్నారు. తర్వాతి స్థానంలో పోలండ్ దేశీయులు 7 లక్షల 43 వేల మంది ఉన్నారు.
లండన్లో నివసించే వారిలో ప్రతి 10 మందిలో నలుగురు విదేశీయులే ఉన్నారు.గత పదేళ్లలో బ్రిటన్కు వలస వచ్చిన వారి జాబితాలో మాత్రం రొమేనియా తొలిస్థానంలో ఉంది. 2011లో వారి సంఖ్య 80 వేలు ఉండగా.. ప్రస్తుతం 5 లక్షల 39 వేలకు చేరింది. రొమేనియా నుంచి పనికోసం వచ్చే పౌరులపై ఉన్న ఆంక్షలను 2014లో ఎత్తివేశారు. తర్వాత వారి సంఖ్య గణనీయంగా పెరిగింది. ఐర్లాండ్, బంగ్లాదేశ్, నైజీరియా, జర్మనీ, దక్షిణాఫ్రికా నుంచి బ్రిటన్ కు వలసలు పెరిగాయి. అమెరికా, జమైకా నుంచి వలసలు తగ్గినట్లు సర్వేలో వెల్లడైంది.
Share
Earthquake : నేపాల్లో భూకంపం.. ఢిల్లీలోనూ ప్రకంపనలు
Ap jobs : ఏపీ జిల్లా కోర్టుల్లో భారీగా ఉద్యోగాలు.. నవంబర్ 11 వరకే గడువు
