Nagpur Murder Case: మహారాష్ట్ర నాగపూర్‌లో దారుణ ఘటన చోటుచేసుకుంది. పెళ్లి చేసుకోవాలని ఒత్తిడి తెచ్చిందనే కోపంతో 38 ఏళ్ల వివాహితను ఆమె ప్రియుడు అతి క్రూరంగా హత్య చేశాడు. తలపై బరువైన వస్తువుతో కొట్టి.. రూమ్ హీటర్‌తో ఆమె శరీరంపై కాలిన గాయాలు చేసి పరారయ్యాడు.
పోలీసుల కథనం ప్రకారం మృతురాలికి భర్తతో పాటు 11, 13 ఏళ్ల ఇద్దరు కుమార్తెలు ఉన్నారు. నిందితుడిని జల్గావ్ జిల్లా రావర్‌ తహశీల్‌కు చెందిన జావేద్ షేక్ షాహిద్ మన్యార్ (33)గా గుర్తించారు. నిందితుడు నాగపూర్‌లో ఏసీ టెక్నీషియన్‌గా పనిచేస్తున్నాడు. మృతురాలితో అతనికి దాదాపు 15 సంవత్సరాల నుంచి పరిచయం ఉంది. కొద్దికాలంగా వీరి మధ్య వివాహేతర సంబంధం కొనసాగుతోంది. జావేద్‌కు ఇదివరకే పెళ్లి కావడంతో, తనను కూడా వివాహం చేసుకోవాలని సదరు మహిళ కొంతకాలంగా తీవ్ర ఒత్తిడి తీసుకొచ్చింది. ఈ విషయమై వీరిద్దరి మధ్య తరచూ గొడవలు జరగడం మెుదలయ్యాయి.
ఈ క్రమంలోనే ఆదివారం ఉదయం మహిళ భర్త స్వగ్రామానికి వెళ్లగా, ఆమె ఇద్దరు కుమార్తెలు తమ బాబాయ్ ఇంటికి వెళ్లారు. ఇంట్లో ఎవరూ లేని సమయం చూసి జావేద్ ఆ మహిళ ఇంటికి వచ్చాడు. ఈ క్రమంలో రాత్రి పెళ్లి విషయమై ఇద్దరి మధ్య మరోమారు తీవ్ర వాగ్వాదం జరిగింది. మాటామాటా పెరగడంతో ఆగ్రహంతో ఊగిపోయిన జావేద్.. బరువైన వస్తువుతో ఆమె తలపై బలంగా కొట్టాడు. ఆ తర్వాత సాక్ష్యాలను చెరిపేసే ప్రయత్నంలో భాగంగా రూమ్ హీటర్‌ను ఉపయోగించి ఆమె శరీరంపై తీవ్రమైన కాలిన గాయాలు చేశాడు. ఆ వెంటనే రాత్రికి రాత్రే రైలులో జల్గావ్‌కు పరారయ్యాడు.
Also Read: అసలు బీసీసీఐకి సిగ్గుందా? ప్లాట్ పిచ్ లు పెట్టి, టీమిండియా బౌల‌ర్లను చంపేస్తారా ?
సోమవారం ఉదయం ఇంటికి తిరిగి వచ్చిన కుమార్తెలకు తల్లి విగతజీవిగా కనిపించడంతో ఈ దారుణం వెలుగు చూసింది. మొదట ఆమె విద్యుత్ షాక్ కారణంగానే మరణించి ఉంటుందని కుటుంబ సభ్యులు భావించారు. అయితే తలకు తీవ్ర గాయం కావడం వల్లే ఆమె మరణించినట్లు పోస్ట్ మార్టం నివేదికలో తేలింది. దీంతో అనుమానం వచ్చిన పోలీసులు దర్యాప్తు వేగవంతం చేశారు. మెుబైల్ సిగ్నల్స్ ఆధారంగా నిందితుడు జావేద్‌ను మంగళవారం జల్గావ్‌లో అదుపులోకి తీసుకున్నారు. అక్కడి నుంచి అతడిని నాగపూర్‌కు తరలించి కోర్టులో హాజరుపరచగా అక్టోబర్ 17 వరకు పోలీసు కస్టడీకి రిమాండ్ విధించారు.
Also Read: వివేకా హత్య కేసు సాయంత్రానికి కొత్త మలుపు, అవినాష్ అరెస్టుకు సంకేతాలు! ఇవాళ విచారణకు
Share
సీఎం రేవంత్‌ మాదిరిగా గడ్డం పెంచుకుంటే అధికారంలోకి వస్తావా? కేటీఆర్‌కు విప్ వీరేశం స్ట్రాంగ్ కౌంటర్
ల్యాప్‌టాప్ ఛార్జింగ్ 80% దగ్గరే ఆగిపోతుందా? బ్యాటరీ పాడైపోయిందనుకుంటే పప్పులో కాలేసినట్లే!
