National Technology Day2024 Significance and Reasons Why it is celebrated: 1998లో భారతదేశం పోఖ్రాన్‌లో అణు పరీక్షను విజయవంతంగా నిర్వహించినందుకు గాను దానిని గుర్తుచేసుకోవడానికి శాస్త్ర, సాంకేతికతలో గణనీయమైన విజయాలు సాధించినందుకు గుర్తుగా మే 11న ఏటా జాతీయ సాంకేతిక దినోత్సవాన్ని జరుపుకుంటారు. సాంకేతిక ఆవిష్కరణలలో నిర్వహించిన అణు పరీక్షలు భారతదేశాన్ని ఆరవ స్థానంలో నిలిపాయి.
ఈ జాతీయ సాంకేతిక దినోత్సవం ముఖ్య ఉద్దేశం ఏంటంటే.. శాస్త్రీయ పరిజ్ఞానాన్ని పెంపొందించడం, సాంకేతికత, ఇంజనీరింగ్, గణితంలో వృత్తిని కొనసాగించడానికి యువ తరాన్ని ప్రేరేపించడం. ఇంకా ఇది విద్యాసంస్థలు, పరిశ్రమలు, ప్రభుత్వం మధ్య సహకారాన్ని ప్రోత్సహిస్తుంది. సాంకేతికతలో అభివృద్ధి చెందుతున్న ధోరణులపై చర్చలను సులభతరం చేస్తుంది. ఇదే కాకుండా వినూత్న పరిష్కారాల ద్వారా సామాజిక సవాళ్లను పరిష్కరించడంలో ప్రధాన పాత్ర పోషిస్తుంది.
అభివృద్ధి కోసం ఉత్ప్రేరకాలుగా ఆవిష్కర్తలు, శాస్త్రవేత్తలు, ఇంజనీర్ల అమూల్యమైన సహకారాన్ని గుర్తించడానికి జాతీయ సాంకేతిక దినోత్సవం జరుపుకుంటాం. అసలు నేషనల్ టెక్నాలజీ డే ని 1998లో రాజస్థాన్‌లోని భారత సైన్యం నిర్వహించిన చారిత్రాత్మక పోఖ్రాన్ అణు పరీక్షలు విజయవంతంగా నిర్వహించినందుకు గుర్తుగా మాజీ ప్రధాని “అటల్ బిహారీ వాజ్‌పేయి” భారతదేశంలో మే 11ని జాతీయ సాంకేతిక దినోత్సవంగా ప్రకటించారు.
Also Read: ఎన్నికల బరిలో ఖలిస్తాన్ సానుభూతిపరుడు అమృత్‌పాల్ సింగ్,
మరుసటి సంవత్సరం, మే 11, 1999న కౌన్సిల్ ఫర్ టెక్నాలజీ జాతీయ సాంకేతిక దినోత్సవం ప్రారంభ వేడుకలను నిర్వహించింది. ఈ ఈవెంట్ దేశంలోని డైనమిక్ సాంకేతిక విజయాలను స్మరించుకోవడానికి, ఈ రంగంలో పనిచేస్తున్న నిపుణుల సహకారాన్ని గౌరవించడానికి వారి అద్భుతమైన విజయాలను హైలైట్ చేయడానికి ఈ వేడుకలు నిర్వహిస్తారు. అప్పటి నుండి, భారతదేశం ప్రతి సంవత్సరం మే 11 న జాతీయ సాంకేతిక దినోత్సవాన్ని జరుపుకుంటుంది.
జాతీయ సాంకేతిక దినోత్సవం 2024.. ఈ ఏడాది థీమ్ ఇదే..
స్కూళ్ల నుంచి స్టార్టప్ ల వరకు..యువ మనస్తత్వాన్ని ఆవిష్కరించడం థీమ్ ముఖ్య ఉద్దేశం. భారతదేశం వంటి అభివృద్ధి చెందుతున్న దేశాల్లో జాతీయ సాంకేతిక దినోత్సవం గొప్ప ప్రాముఖ్యతను కలిగి ఉంది. ఎందుకంటే సైన్స్ & టెక్నాలజీని అభివృద్ధి చేయడానికి కృషి చేస్తున్న వారిని గుర్తించుకోవడం ఎంతైనా అవసరం. భారతదేశంలో ప్రతి ఏటా జాతీయ సాంకేతిక దినోత్సవాన్ని ఉత్సాహంతో జరుపుకుంటారు.
ఈ సందర్భంగా, దేశం లోని శాస్త్రవేత్తలు, ఇంజనీర్లు, ఆవిష్కర్తల అద్భుతమైన విజయాలను గౌరవిస్తారు. సాంకేతిక దినోత్సవం భాగంగా కేంద్ర ప్రభుత్వం సైన్స్ & టెక్నాలజీ భవిష్యత్తును పరిశోధించే సంఘటనలపై చర్చలను నిర్వహిస్తుంది. పాఠశాలలు, కళాశాలలు STEM రంగాలలో విద్యార్థులు తమ ప్రతిభను ప్రదర్శించేందుకు అనేక కార్యకలాపాలను నిర్వహించడంలో కీలక పాత్ర పోషిస్తాయి. భారతదేశం పురోగతి కోసం అమూల్యమైన సహకారాన్ని అందించిన వారిని గుర్తించి, వారి ఆవిష్కరణలను భవిష్యత్ తరాలకు తెలియజేసేందుకు ఈ రోజు నేషనల్ టెక్నాలజీ డేని జరుపుకోవాలి.
Share
KCR Press Meet : ప్రజల ఆలోచన మారింది.. కాంగ్రెస్ లో అప్పటి జోష్ లేదు : కేసీఆర్
Chandrababu hot comments jagan govt: నంద్యాల షోలో బాబు, జగన్ కుటిల ప్రయత్నాలు, శవ రాజకీయాలు కూడా..
