NTPC Jobs| ఎన్టిపిసి లిమిటెడ్ 2026 సంవత్సరానికి కొత్త ఉద్యోగ నోటిఫికేషన్ విడుదల చేసింది. ఈ నియామక ప్రక్రియ ద్వారా మొత్తం 135 డిప్యూటీ మేనేజర్ పోస్టులను భర్తీ చేయనుంది. ఎలక్ట్రికల్, మెకానికల్, కంట్రోల్ అండ్ ఇన్స్ట్రుమెంటేషన్ విభాగాల్లో ఈ ఖాళీలు ఉన్నాయి. పవర్ సెక్టార్లో అనుభవం ఉన్న ఇంజినీరింగ్ నిపుణులకు ఇది మంచి అవకాశం. ఆసక్తి, అర్హత ఉన్న అభ్యర్థులు ఎన్టిపిసి అధికారిక కెరీర్స్ వెబ్సైట్ ద్వారా ఆన్లైన్లో దరఖాస్తు చేసుకోవచ్చు. దరఖాస్తు ప్రక్రియ ఆగస్టు 12, 2026న ప్రారంభమైంది. దరఖాస్తు చేసుకోవడానికి చివరి తేదీ ఆగస్టు 26, 2026గా నిర్ణయించారు.
ఎన్టిపిసి మొత్తం 135 డిప్యూటీ మేనేజర్ పోస్టులను మూడు విభాగాల్లో ప్రకటించింది. డిప్యూటీ మేనేజర్ ఎలక్ట్రికల్ విభాగంలో 40 ఖాళీలు ఉన్నాయి. డిప్యూటీ మేనేజర్ మెకానికల్ విభాగంలో అత్యధికంగా 55 పోస్టులు ఉన్నాయి. డిప్యూటీ మేనేజర్ కంట్రోల్ అండ్ ఇన్స్ట్రుమెంటేషన్ విభాగంలో 40 పోస్టులు అందుబాటులో ఉన్నాయి. అభ్యర్థులు తమ విద్యార్హత, అనుభవానికి సరిపోయే పోస్టు ఎంచుకోవాలి.
ఎలక్ట్రికల్ పోస్టుకు దరఖాస్తు చేసే అభ్యర్థులు బిఈ లేదా బిటెక్ పూర్తి చేసి ఉండాలి. ఎలక్ట్రికల్ లేదా ఎలక్ట్రికల్ అండ్ ఎలక్ట్రానిక్స్ ఇంజినీరింగ్ అర్హత ఉండాలి. గుర్తింపు పొందిన యూనివర్సిటీ లేదా సంస్థ నుంచి కనీసం 60 శాతం మార్కులతో ఉత్తీర్ణత సాధించాలి. అభ్యర్థులకు పవర్ సెక్టార్లో అనుభవం కూడా అవసరం. అర్హత పొందిన తర్వాత కనీసం 10 సంవత్సరాల ఎగ్జిక్యూటివ్ స్థాయి అనుభవం ఉండాలి.
మెకానికల్ పోస్టుకు బిఈ లేదా బిటెక్ డిగ్రీ అవసరం. మెకానికల్ లేదా ప్రొడక్షన్ ఇంజినీరింగ్ చేసిన అభ్యర్థులు దరఖాస్తు చేసుకోవచ్చు. అభ్యర్థులు కనీసం 60 శాతం మార్కులు సాధించి ఉండాలి. అలాగే పవర్ సెక్టార్లో 10 సంవత్సరాల సంబంధిత ఎగ్జిక్యూటివ్ అనుభవం ఉండాలి. ఈ అనుభవం అవసరమైన విద్యార్హత పూర్తి చేసిన తర్వాత పొందినదై ఉండాలి.
కంట్రోల్ అండ్ ఇన్స్ట్రుమెంటేషన్ పోస్టులకు కూడా ప్రత్యేక విద్యార్హతలు ఉన్నాయి. ఎలక్ట్రానిక్స్, కంట్రోల్ అండ్ ఇన్స్ట్రుమెంటేషన్ లేదా ఇన్స్ట్రుమెంటేషన్ ఇంజినీరింగ్ డిగ్రీ ఉండాలి. అభ్యర్థులు కనీసం 60 శాతం మార్కులతో డిగ్రీ పూర్తి చేసి ఉండాలి. పవర్ సెక్టార్లో 10 సంవత్సరాల సంబంధిత ఎగ్జిక్యూటివ్ అనుభవం కూడా అవసరం.
మూడు విభాగాల్లోని పోస్టులకు గరిష్ట వయోపరిమితి 40 సంవత్సరాలు. రిజర్వ్డ్ కేటగిరీల అభ్యర్థులకు ప్రభుత్వ నిబంధనల ప్రకారం వయో సడలింపు ఉంటుంది. ప్రస్తుతం ప్రభుత్వం లేదా ప్రభుత్వ రంగ సంస్థల్లో పనిచేస్తున్న వారికి అదనపు నిబంధనలు ఉన్నాయి. వారు ఎగ్జిక్యూటివ్ కేడర్లో కనీసం రెండు సంవత్సరాల సర్వీస్ పూర్తి చేసి ఉండాలి. అలాగే ప్రస్తుత సంస్థ నుంచి నో అబ్జెక్షన్ సర్టిఫికేట్ సమర్పించాల్సి ఉంటుంది.
జనరల్, ఇడబ్లూఎస్, ఓబిసీ అభ్యర్థులు రూ.500 దరఖాస్తు ఫీజు చెల్లించాలి. SC, ST, PwBD, మాజీ సైనికులకు ఫీజు నుంచి మినహాయింపు ఉంది. దరఖాస్తును పూర్తిగా ఆన్లైన్లో మాత్రమే సమర్పించాలి. అవసరమైన అన్ని పత్రాలను సరిగ్గా అప్లోడ్ చేయాలి.
దరఖాస్తు ప్రారంభం: ఆగస్టు 12, 2026
చివరి తేదీ: ఆగస్టు 26, 2026
మొత్తం పోస్టులు: 135
గరిష్ట వయోపరిమితి: 40 సంవత్సరాలు
Also Read: ఐటిఆర్ ఫైల్ చేసినా ఇన్కమ్ ట్యాక్స్ నోటీస్ వచ్చిందా? దీనికి 3 కారణాలు ఇవే
ఎన్టిపిసి లిమిటెడ్లో డిప్యూటీ మేనేజర్ పోస్టుకు E4 గ్రేడ్ కింద పే స్కేల్ వర్తిస్తుంది.
ఎన్టిపిసి డిప్యూటీ మేనేజర్ జీతం వివరాలు
గ్రేడ్: E4 ఎగ్జిక్యూటివ్
బేసిక్ పే స్కేల్: నెలకు రూ.70,000 నుంచి రూ.2 లక్ష వరకు
వేతన విధానం: ఇండస్ట్రియల్ డియర్నెస్ అలవెన్స్ ప్యాటర్న్
నియామకం ప్రారంభంలో ఉద్యోగికి సాధారణంగా రూ.70,000 బేసిక్ పే లభిస్తుంది. అనుభవం, వార్షిక ఇంక్రిమెంట్లు, ఇతర నిబంధనల ప్రకారం జీతం క్రమంగా రూ.2,00,000 వరకు పెరగవచ్చు.
Also Read: ఇంటర్వ్యూలో కళ్లుమూసుకుని సమాధానం చెప్పాలి.. షాక్ అయిన ఏఐ ఇంజనీర్
డిఏ, హెఆర్ఏ లేదా కంపెనీ వసతి, ఇతర అలవెన్సులు కలిపిన తర్వాత నెలవారీ గ్రాస్ లేదా ఇన్ హ్యాండ్ జీతం మారవచ్చు. నగరం, పోస్టింగ్ ప్రాంతం, పన్నులు మరియు ఇతర కోతల ఆధారంగా ప్రారంభంలో సుమారు రూ.75,000 నుంచి రూ.1.15 లక్షల వరకు ఉండే అవకాశం ఉంది.
అదనంగా ఎన్టిపిసి నిబంధనల ప్రకారం ఇతర ప్రయోజనాలు కూడా ఉద్యోగులకు లభించవచ్చు.
Share
ఢిల్లీ వెళ్లే ప్రయాణికులకు అలర్ట్.. ఈ తేదీల్లో వందేభారత్ సహా పలు రైళ్లు రద్దు!
చికెన్ ప్రియులకు బిగ్ రిలీఫ్.. తెలుగు రాష్ట్రాల్లో భారీగా పడిన ధరలు, అదే కారణమా?
