Sonia Memoir: కాంగ్రెస్ అధినేత్రి సోనియా గాంధీ పుస్తకం విడుదలైన వెంటనే ప్రకంపనలు సృష్టిస్తోంది. ఆ పుస్తకంలో సోనియా గాంధీ ఎమర్జెన్సీతో పాటు పలు అంశాలను వివరించారు. అయితే ఆమె పుస్తకంపై బిజెపి విమర్శలు మొదలు పెట్టేసింది. ఎమర్జెన్సీ విషయంలో సోనియా చేసిన వ్యాఖ్యలను బిజెపి నేతలు తప్పుబట్టారు.
బిలాంగింగ్ -ఏ జర్నీ ఆఫ్ లవ్ పేరిట సోనియా గాంధీ ఆత్మకథను రాసిన సంగతి తెలిసిందే. తాజాగా విడుదలైన ఆ పుస్తకంలోని కొన్ని అంశాలను సోనియా గాంధీ మీడియాతో మాట్లాడుతూ వివరించారు. అందులో ముఖ్యంగా తన అత్తగారు అయిన ఇందిరా గాంధీ విధించిన ఎమర్జెన్సీ గురించి కూడా ఉంది. తన మరిది సంజయ్ గాంధీ ఒత్తిడితో పాటు పార్టీలోని కొందరు సీనియర్ నేతల కారణంగానే ఇందిరా గాంధీ ఎమర్జెన్సీ నిర్ణయం తీసుకున్నారన్నారు సోనియా. అయితే అది కచ్చితంగా తప్పుడు నిర్ణయమే అన్నారు. కాకపోతే ఆ నిర్ణయం తీసుకున్న తర్వాత ఇందిరాగాంధీ కూడా బాధపడ్డారని మానసికంగా బాగా ఇబ్బంది పడ్డారని సోనియా వివరించారు.
బాబ్రీ మసీదు విధ్వంసానంతరం తాను ఏడ్చానని సోనియా అన్నారు. వీటిపైనే బిజెపి ఎటాక్ చేసింది. ప్రజల ప్రాధమిక హక్కులను అణచివేసి రాజ్యాంగ విరుద్ధంగా అమలు చేసిన ఎమర్జెన్సీని సోనియా సమర్ధిస్తున్నారంటూ బిజెపి నేతలు ఆరోపించారు. ఆమె పుస్తకానికి బిలాంగింగ్ కు బదులు తప్పులను కప్పిపుచ్చడం అనే పేరు పెడితే సరిగ్గా ఉండేదని వారు సెటైర్ విసిరారు. బాబరీ మసీదు గురించి ఏడ్చానన్న సోనియా 1984 లో సిక్కులపై చేసిన దాడుల గురించి ఏడవలేదెందుకని బిజెపి నిలదీసింది. ఈ పుస్తకంలో మన్మోహన్ సింగ్ ప్రధాని అయిన నేపథ్యం.. తాను ప్రధాని పదవి ఎందుకు వద్దనుకున్నదీ కూడా సోనియా వివరించారు.
Also read: ఈసారి మసాలాతో కాదు, కొరియన్ సాస్‌తో చికెన్ ఫ్రై చేయండి.. క్రిస్పీ క్రిస్పీగా భలే ఉంటుంది!
Share
దిశా అందాలు చూస్తే దిమ్మతిరగాల్సిందే..ఫ్యాన్స్కు ఫుల్ ట్రీట్!
