Palm Tree Steps: తమిళనాడులోని తూత్తుకుడి జిల్లాకు చెందిన వినూత్న ప్రయోగంతో ఒక్కసారిగా అందరి దృష్టిని ఆకర్షించారు. సత్తన్కులం సమీపంలోని సలైపుత్తూరు గ్రామానికి చెందిన దినకర్ అనే రైతు.. ఎంతో కష్టతరమైన తాటి చెట్టు ఎక్కే ప్రక్రియను సులభతరం చేశారు. సాంప్రదాయాన్ని ఆధునికతతో మిళితం చేస్తూ ఆయన చేపట్టిన ఈ ప్రాజెక్ట్.. అందరికీ ఆదర్శంగా నిలుస్తోంది.
దినకర్ కుటుంబం తరతరాలుగా తాటి చెట్లపై ఆధారపడి జీవిస్తోంది. అయితే, ఆయన తండ్రి ఏసుదాసన్ (70) వృద్ధాప్యం కారణంగా తాటి చెట్లు ఎక్కడం మానేయాల్సి వచ్చింది. కుటుంబ వృత్తిని కొనసాగించాలనే బలమైన కోరిక, తండ్రిపై ఉన్న ప్రేమ దినకర్ను ఏదైనా కొత్తగా ఆలోచించేలా చేశాయి. తాటి చెట్లు ఎక్కడం అనేది శారీరకంగా చాలా శ్రమతో కూడుకున్న పని అయినందున ఈ సమస్యకు శాశ్వత పరిష్కారం కనుగొనాలనే లక్ష్యంతో దినకర్ ఒక వినూత్న పద్ధతికి శ్రీకారం చుట్టారు.
చెట్టును ఎక్కడం ఎంత కష్టమో తెలిసిన దినకర్.. దానికి పరిష్కారంగా ఏకంగా చెట్టు చుట్టూ ఇనుప మెట్లను నిర్మించారు. సుమారు 55 అడుగుల ఎత్తు ఉన్న తాటి చెట్టు చుట్టూ వంపు తిరిగిన ఇనుప రాడ్లతో ఈ మెట్లను ఏర్పాటు చేశారు. ఇందుకోసం ఆయన సుమారు రూ.60,000 ఖర్చు చేశారు. చిన్న పిల్లల నుండి మహిళల వరకు ఎవరైనా.. ఎలాంటి భయం లేకుండా సులువుగా తాటి చెట్టు పైకి చేరుకునేలా ఇది ఉపయోగపడుతుంది. ఎంతో ఈజీగా తాటికల్లు లేదా పదనీరు (Pathaneer) సేకరించేందుకు వీలు కల్పిస్తోంది.
#WATCH | A man in #TamilNadu, engaged in palm-related work, has installed a staircase coiled around a #palmtree for Rs 60,000. It helps him climb the tree safely and engage in his profession. He has plans to install the same for other palm trees. pic.twitter.com/2B7GTlYezA
— The Federal (@TheFederal_News) July 6, 2026
అయితే చెట్లకు ఇనుప మెట్లు అమర్ఛడాన్ని ఒక ఖర్చుగా కాకుండా.. దీర్ఘకాలిక పెట్టుబడిగా దినకర్ భావిస్తున్నారు. దీని ద్వారా ప్రతిరోజూ నిరంతరాయంగా తాటికల్లు సేకరించే అవకాశం లభించినట్లు ఆయన చెబుతున్నారు. ఇనుప మెట్ల వల్ల శ్రమ తగ్గడమే కాకుండా.. నిరంతరం తాటి కల్లు సేకరించడం ద్వారా ఏడాదిలోనే పెట్టిన పెట్టుబడి (రూ.60,000) అంతా తిరిగి వచ్చేస్తుందని ధీమా వ్యక్తం చేస్తున్నారు.
Also Read: మోటో నుంచి కొత్త ఫోన్.. 7000mAh భారీ బ్యాటరీ.. ఒక్క ఛార్జ్తో 3 రోజులు పక్కా!
సాధారణంగా ఒక తాటి చెట్టు దశాబ్దాల పాటు దిగుబడిని ఇస్తుందని దినకర్ గుర్తుచేస్తున్నారు. ఫలితంగా రాబోయే 15 ఏళ్ల పాటు ఈ నిర్మాణం ద్వారా తక్కువ నిర్వహణ ఖర్చుతో అధిక లాభాలను పొందవచ్చని వివరిస్తున్నారు. కాగా, సాంప్రదాయ వృత్తికి ఆధునిక ఆలోచనలను జోడించి, కష్టాన్ని సుఖంగా మార్చుకున్న దినకర్.. నేటి తరం రైతులకు ఒక కొత్త మార్గాన్ని చూపించారని చెప్పవచ్చు. తక్కువ పెట్టుబడితో ఎక్కువ ఆదాయాన్ని ఎలా సాధించవచ్చో ఆయన చేసి చూపిస్తుండటం విశేషం.
Also Read: అద్దెకు ‘ప్రేయసి’.. ఒక్కో పనికి ఒక్కో రేటు.. ఎక్కడో కాదు మన ఇండియాలోనే!
Share
ఎంత కొట్టినా చావని పామురా వాడు! రావణ్ను ఎంత బ్లేమ్ చేద్దామనుకున్నా.. మైలేజే వస్తుంది..?
అమితాబ్ అర్ధరాత్రి రూ.15 కోట్ల ల్యాండ్ డీల్.. భూముల కొనుగోలుపై కీలక విషయాలు వెలుగులోకి!
