Moto G77 Power: మొబైల్ మార్కెట్లో ఎప్పటికప్పుడు సరికొత్త స్మార్ట్‌ఫోన్‌లతో సందడి చేసే మోటోరోలా సంస్థ తాజాగా భారత మార్కెట్లోకి మరో ఫోన్ ను లాంచ్ చేసింది. ‘మోటో G77 పవర్’ (Moto G77 Power) మోడల్‌ను అందుబాటులోకి తీసుకొచ్చింది. భారీ బ్యాటరీ ఫోన్ల కోసం ఎదురుచూసే యూజర్లను టార్గెట్ చేస్తూ.. ఈ ఫోన్‌ను మోటో తీసుకురావడం గమనార్హం. ఈ మెుబైల్ ధర, ఇందులోని లోటుపాట్లు ఏంటో ఈ కథనంలో చూద్దాం.
స్మార్ట్ ఫోన్ పేరులోని ‘పవర్’కు తగ్గట్లుగానే ఇందులో 7000mAh భారీ బ్యాటరీని అమర్చారు. సాధారణంగా మార్కెట్లో 5,000mAh బ్యాటరీలే ఎక్కువగా కనిపిస్తుండగా మోటోరోలా ఏకంగా 7,000mAh బ్యాటరీని అందించింది. ఒక్కసారి ఛార్జ్ చేస్తే.. సాధారణ వాడకంతో దాదాపు మూడు రోజుల పాటు బ్యాటరీ లైఫ్ ఇస్తుందని కంపెనీ చెబుతోంది. దీనికి తోడు 30W టర్బోపవర్ ఫాస్ట్ ఛార్జింగ్ సపోర్ట్ కూడా దీనికి అందించారు.
లుక్ విషయానికి వస్తే మోటోరోలా ఈసారి కొత్త ప్రయోగాలేవీ చేయలేదు. మోటోరోలా గత మోడల్స్ తరహాలోనే ‘సేమ్ డిజైన్, డిఫరెంట్ నెంబర్’ అన్న చందంగా పాత డిజైన్‌నే దీనికి కూడా వాడేశారు. వెనుక వైపు వీగన్ లెదర్ ఫినిషింగ్, కెమెరా మాడ్యూల్ డిజైన్ అంతా పాత ఫోన్ల లాగే ఉంది. కేవలం మోడల్ నెంబర్ మార్చి కొత్త ఫోన్‌గా మార్కెట్లోకి తెచ్చారు.
మోటోరోలా ఫోన్లలో క్లీన్ ఆండ్రాయిడ్ అనుభవం బాగున్నప్పటికీ సాఫ్ట్‌వేర్ అప్‌డేట్ల విషయంలో మాత్రం ఎప్పుడూ వెనుకబడే ఉంటుంది. ఈ మోటో G77 పవర్ సరికొత్త ఆండ్రాయిడ్ 16 (Android 16) తో వచ్చినప్పటికీ దీనికి కేవలం 1 సంవత్సరం మాత్రమే ఓఎస్ అప్‌డేట్ (OS Upgrade) ఇస్తామని కంపెనీ స్పష్టం చేసింది. అంటే కేవలం ఆండ్రాయిడ్ 17 వరకు మాత్రమే అప్‌డేట్ వస్తుంది. రూ.25,000 పైగా ఖర్చు పెట్టే ఫోన్‌కు కేవలం ఒకే ఒక్క ఓఎస్ అప్‌డేట్ ఇవ్వడం కచ్చితంగా మోటోరోలా బలహీనతే అని నిపుణులు అంటున్నారు.
Also Read: వర్షాకాలం కష్టాలకు చెక్.. మీ లైఫ్ ఈజీ చేసే.. 6 అద్భుతమైన స్మార్ట్ గ్యాడ్జెట్స్!
భారత మార్కెట్లో మోటో G77 పవర్ (8GB రామ్ + 128GB స్టోరేజ్) వేరియంట్ ధరను రూ.25,999గా నిర్ణయించారు. అయితే ప్రారంభ ఆఫర్ కింద రూ.23,999కే దీనిని అందిస్తున్నారు. ఫ్లిప్ కార్ట్ లో జులై 13 మ.12 గంటలకు మెుబైల్ సేల్ అధికారికంగా ప్రారంభం కానుంది. గ్రే, బ్లూ, పింక్ కలర్ ఆప్షన్స్ లో దీనిని సొంతం చేసుకోవచ్చు. ఫ్లిప్ కార్ట్ తో పాటు మోటోరోలా ఆన్ లైన్ స్టోర్, ఇతర రిటైలర్ షాపుల్లోనూ ఇది అందుబాటులో ఉండనుంది.
Also Read: అద్దెకు ‘ప్రేయసి’.. ఒక్కో పనికి ఒక్కో రేటు.. ఎక్కడో కాదు మన ఇండియాలోనే!
Share
నిజామాబాద్ జిల్లాలో దారుణం.. భార్య చేతిలో భర్త దారుణ హత్య!
బాలీవుడ్ పై విమర్శలు గుప్పించిన సోనాలి బింద్రే.. టాలీవుడ్ ఎంతో బెటర్ అంటూ!
