120 Bahadur OTT : వార్ డ్రామాలకంటూ ఓటీటీలలో ప్రత్యేకమైన స్థానం ఉంది. థియేటర్లలో వాటి రెస్పాన్స్ ఎలా ఉన్నా డిజిటల్ రిలీజ్ లో మాత్రం దుమ్మురేపుతాయి. ఎమోషనల్ గా కనెక్ట్ అయితే మాత్రం తెగ్గేదే లేదని ఏకంగా భారీ వ్యూస్ తో ట్రెండింగ్ లోకి తీసుకొస్తారు జనాలు. ఇక అలాంటి సినిమాలను ఇష్టపడే వారికోసం రీసెంట్ గా రిలీజ్ అయిన ఓ వార్ డ్రామా ఓటీటీలోకి వచ్చేసింది. మరి ఆ మూవీ ఏంటి? ఎక్కడ చూడవచ్చు ? అనే విషయాలపై ఒక లుక్కేద్దాం పదండి.
బాలీవుడ్ హీరో ఫర్హాన్ అక్తర్ హీరోగా నటించిన లేటెస్ట్ వార్ డ్రామా ‘120 బహదూర్’ (120 Bahadur Movie). ఫర్హాన్ మేజర్ షైతాన్ సింగ్ భాటి పాత్రను పోషించాడు. గత ఏడాది నవంబర్ 21న థియేటర్లలోకి వచ్చిన ఈ సినిమాకు రజ్నీష్ రాజి ఘాయ్ దర్శకత్వం వహించగా, రాశీ ఖన్నా కథానాయికగా నటించారు. ఎక్సెల్ ఎంటర్‌టైన్‌మెంట్, ట్రిగ్గర్ హ్యాపీ స్టూడియోస్ బ్యానర్‌లపై ఫర్హాన్ అక్తర్, రితేష్ సిధ్వానీ, అమిత్ చంద్ర సంయుక్తంగా ఈ చిత్రాన్ని నిర్మించారు. అంకిత్ సివాచ్, వివాన్ భటేనా కీలక పాత్రలు పోషించారు. విమర్శకుల నుండి సానుకూల సమీక్షలు వచ్చినప్పటికీ, ‘120 బహదూర్’ బాక్సాఫీస్ దగ్గర ఆశించిన ఫలితాన్ని ఇవ్వలేదు. కేవలం రూ. 20 కోట్లు మాత్రమే వసూలు చేసి సరిపెట్టుకుంది.
ఈ మూవీ ఇప్పుడు అమెజాన్ ప్రైమ్ వీడియో (Amazon Prime Video)లోకి ఎంట్రీ ఇచ్చింది. కానీ సినిమా చూడాలంటే ఒక షాకింగ్ కండిషన్ పెట్టారు. మూవీ రెంట్ బేసిస్ లో అందుబాటులో ఉంది. ఓటీటీలో చూడాలన్నా థియేటర్లలో టికెట్ ధరల మాదిరే ఓటీటీలోనూ అద్దెగా రూ. 349 చెల్లించాలి. అయితే గుడ్ న్యూస్ ఏంటంటే… జనవరి 16 నుండి ప్రైమ్ వీడియో సబ్‌స్క్రైబర్‌లకు ‘120 బహదూర్’ మూవీ ఫ్రీగా అందుబాటులో ఉంటుందని భావిస్తున్నారు.
120 బహదూర్ చిత్రం 1962లో జరిగిన ఇండో-చైనా యుద్ధంలో ప్రధాన ఘట్టాలలో ఒకటైన రెజాంగ్ లా యుద్ధం నుండి ప్రేరణ పొందింది. ఈ యుద్ధంలో 13వ కుమావోన్ రెజిమెంట్‌ చార్లీ కంపెనీకి చెందిన 120 మంది సైనికులు 3,000 మందితో కూడిన చైనా ఆర్మీ దళానికి వ్యతిరేకంగా పోరాడి తమ స్థానాన్ని కాపాడుకున్నారు. తీవ్రమైన వేడిలో, ఫిరంగి దళాల మద్దతు లేకుండా దాదాపు చైనా సైనికులకు వ్యతిరేకంగా ఫైట్ చేశారు. మన సైనికులు చావుకు చలించకుండా ప్రాణ త్యాగం చేస్తూనే, చైనా దళాల వెన్నులో వణుకు పుట్టించారు. చివరకు 120 మంది సైనికులలో ఆరుగురు మాత్రమే ప్రాణాలతో బయట పడ్డారు. మరి ఈ యుద్ధం ఎలా జరిగింది ? ఆ 6 మంది సైనికులు ఎలా ప్రాణాలతో బయట పడ్డారు ? అన్నది మూవీలో చూడాల్సిందే.
Share
CM Revanth Reddy: సంక్రాంతికి కాంగ్రెస్ లో పదవుల భర్తీ..
Ganta Srinivas vs Bharath: విశాఖ టీడీపీలో లుకలుకలు.. గంటా Vs భారత్
