‘ఇక్కా’ ఓటీటీ విడుదలకు లైన్ క్లియర్… స్ట్రీమింగ్ ఎప్పుడంటే ?

Courtroom Drama : 29 ఏళ్ల తర్వాత సన్నీ డియోల్ – అక్షయ్ ఖన్నా కాంబినేషన్ లో వచ్చిన మోస్ట్ అవైటింగ్ మూవీ “Ikka” త్వరలో నెట్‌ఫ్లిక్స్‌లోకి వస్తోంది. తాజాగా దీనికి సంబంధించిన అప్డేట్ రావడంతో బాలీవుడ్ మూవీ లవర్స్ ఫుల్ ఖుషీ అవుతున్నారు. మరి ఈ మూవీ విశేషాలు ఏంటి ? ఓటీటీలో ఈ మూవీని ఎప్పటి నుంచి చూడవచ్చు ? అనే వివరాలపై ఒక లుక్కేద్దాం పదండి.

3 దశాబ్దాల తర్వాత ఒకే ఫ్రేమ్‌లో

1997లో వచ్చిన ‘బోర్డర్’ సినిమాలో కలిసి నటించిన ఇద్దరు దిగ్గజాలు ఇప్పుడు “ఇక్క”లో మరోసారి స్క్రీన్ షేర్ చేసుకున్నారు. సన్నీ డియోల్ పవర్‌ఫుల్ లాయర్ పాత్రలోనూ, అక్షయ్ ఖన్నా నెగెటివ్ షేడ్ ఉన్న ముద్దాయి పాత్రలోనూ కనిపించనున్నారు. ఈ కాంబినేషన్ ఇప్పటికే ఫ్యాన్స్‌లో హైప్ క్రియేట్ చేస్తోంది. మరి డైరెక్ట్ గా ఓటీటీలోకి రాబోతున్న ఈ సినిమాను ఆడియన్స్ నుంచి ఎలాంటి రెస్పాన్స్ వస్తుందో చూడాలి.

కథ ఏమిటి ?

ఇది ఒక హై-వోల్టేజ్ కోర్ట్‌ రూమ్ డ్రామా. సన్నీ డియోల్ ఒక అనుభవజ్ఞుడైన, ధైర్యవంతుడైన న్యాయవాదిగా నటిస్తారు. అక్షయ్ ఖన్నా ఒక కేసులో ముద్దాయిగా కటకటాల వెనక నిలబడతాడు. కోర్టు హాల్‌ లో ఇద్దరి మధ్య జరిగే తీవ్రమైన వాదోపవాదాలు, మైండ్ గేమ్స్, ఎమోషనల్ డైలాగ్స్ ఈ సినిమాలో ప్రధాన ఆకర్షణ. టీజర్‌ లోనే కనిపించిన “టిక్.. టిక్.. బూమ్” డైలాగ్‌తో అక్షయ్ ఖన్నా ఇచ్చిన కూల్ లుక్, సన్నీ డియోల్ ఆగ్రహంతో “షట్ అప్” అని అరవడం… వంటి సీన్స్ ఇప్పటికే వైరల్ అవుతున్నాయి. ఈ కోర్ట్ డ్రామాలో రహస్యాలు, ట్విస్టులు, ఎమోషన్, సస్పెన్స్ అన్నీ కలిపి ఇంటెన్స్ థ్రిల్లర్ గా ఉండబోతోంది.

డైరెక్ట్ గా ఓటీటీలోకి

ఇందులో సన్నీ డియోల్, అక్షయ్ ఖన్నా ప్రధాన పాత్రలు పోషించగా, దియా మీర్జా, తిలోత్తమా శోమే, సంజీదా షేక్, ఆకాంక్ష రంజన్ కపూర్ కీలక పాత్రల్లో నటించారు. సిద్ధార్థ్ పి. మల్హోత్రా దర్శకత్వం వహించిన ఈ సినిమా రైట్స్ ను నెట్‌ఫ్లిక్స్ ఇండియా సొంతం చేసుకుంది. 2026 జూలై 10న నెట్‌ఫ్లిక్స్‌లో మూవీ స్ట్రీమింగ్ కానుంది. థియేటర్ రిలీజ్ లేకుండా నేరుగా డిజిటల్‌లోనే వస్తోంది ఈ మూవీ. అందుకే భారీ అంచనాలు నెలకొన్నాయి. ఇటీవల ‘ధురంధర్’లో అక్షయ్ ఖన్నా చూపిన విలనిజం ఇందులోనూ కొనసాగుతుందని టీజర్ ను చూస్తే అర్థమవుతుంది. సన్నీ డియోల్ పవర్‌ఫుల్ డైలాగ్స్‌తో కోర్టు హాల్‌ను షేక్ చేస్తాడని ఫ్యాన్స్ భావిస్తున్నారు. మరి అటు సన్ని డియోల్, ఇటు అక్షయ్ ఖన్నా ఆడియన్స్ అంచనాలను ఈ సినిమాతో ఏ మేరకు అందుకుంటారు అన్నది ఆసక్తికరంగా మారింది.