OTT Movie : కొరియన్ సినిమాలు ఇప్పుడు వరల్డ్ వైడ్ బాగా పాపులర్ అవుతున్నాయి. రొమాంటిక్ ఫ్యామిలీ డ్రామాలను ఒక్క సారి చూస్తే మనసులోనే ఉండిపోతాయి. అంత చక్కగా ఈ కథలను తెరకెక్కిస్తున్నారు మేకర్స్. ఈ ఇండస్ట్రీ నుంచి ఒక అద్భుతమైన ఎమోషనల్ రొమాంటిక్ ఫ్యాంటసీ సినిమా వచ్చింది. కొరియాలో టాప్ గ్రాసర్లలో ఒకటిగా నిలిచి, ఎన్నో అవార్డులను కూడా గెలుచుకుంది. కొరియన్ ఫ్యాన్స్ మిస్ కాకుండా చూడాల్సిన సినిమా ఇది. ఇందులో ఒక ఫ్యామిలిలో భార్య చనిపోతూ, వర్షాకాలంలో తిరిగి వస్తానని భర్తకి ప్రామిస్ చేస్తుంది. ఆ తరువాత హార్ట్ టచింగ్ సీన్స్ తో ఈ సినిమా నడుస్తుంది. దీని పేరు ఏమిటి ? ఏ ఓటీటీలో ఉంది ? దీని కథ ఏమిటి ? అనే వివరాల్లోకి వెళ్తే ..
ఈ రొమాంటిక్ ఫ్యాంటసీ కొరియన్ మూవీ పేరు ‘బీ విత్ యూ’. 2018లో వచ్చిన ఈ మూవీ టకుజీ ఇచికావా జపాన్ నవల ఆధారంగా లీ జాంగ్-హూన్ దర్శకత్వంలో తెరకెక్కింది. ఇందులో సో జీ-సబ్, సన్ యే-జిన్ జోడీగా నటించారు. 132 నిమిషాల ఈ సినిమా ప్రస్తుతం ప్రైమ్ వీడియో, టుబి, ప్లెక్స్ లో అందుబాటులో ఉంది. ఇది 2018లో 39th బ్లూ డ్రాగన్ ఫిలిం అవార్డ్స్ లో బెస్ట్ యాక్ట్రెస్ గా సన్ యే-జిన్, బెస్ట్ సపోర్టింగ్ యాక్టర్ గా కిమ్ హ్యూన్-సూ అవార్డ్స్ గెలుచుకుంది.
సూహా, వూ జిన్ అనే జంటకి జీ-హో అనే కొడుకు ఉంటాడు. సంతోషంగా సాగుతున్న వీళ్ళ జీవితం ఊహించని మలుపు తిరుగుతుంది. సూహా ఒక రోజు జబ్బున పడి మరణానికి దగ్గరవుతుంది. చనిపోయే ముందు తన భర్త వూ-జిన్, కొడుకు జీ-హోకి ఒక ప్రామిస్ ఇస్తుంది. వచ్చే వర్షాకాలంలో నేను తిరిగి వస్తానని చెప్పి చనిపోతుంది. ఆమె మరణించాక వూ-జిన్ ఒంటరిగా కొడుకుని పెంచుతూ ఆ రోజు కోసం ఎదురు చూస్తుంటాడు. ఒక రోజు వానలు కురుస్తుండగా, రైల్వే టన్నెల్ దగ్గర సూహా ఒక్కసారిగా కనిపిస్తుంది. ఆమె ఇప్పుడు ప్రాణాలతో మరింత అందంగా, గతం ఏమీ గుర్తులేకుండా ఉంటుంది.
Read Also : ఉద్యోగం కోసం వచ్చి ఇదెక్కడి దిక్కుమాలిన పని భయ్యా ? గూస్ బంప్స్ తెప్పించే ఇంటెన్స్ క్రైమ్ థ్రిల్లర్
వూ జిన్ ఆమెను ఇంటికి తీసుకువచ్చి, నేను నీ భర్తను, ఇతను నీ కొడుకు అని పరిచయం చేస్తాడు. సూహాకి ఇంట్లోకి వచ్చి, గతం గుర్తులేకపోయినా కొత్తగా ప్రేమను, ఫ్యామిలీ బాండ్ని అనుభవిస్తుంది. కానీ వర్షాకాలం ముగిసే టైమ్ దగ్గరపడుతుంది. ఆమె మళ్లీ వెళ్లిపోవాల్సి ఉంటుంది. కథలో రియల్ ట్విస్ట్ ఏంటంటే, సూహాకి గతం గుర్తు లేకపోయినా, ఆమె రాసిన ఒక డైరీ ద్వారా వూ జిన్కి ఆమె ఎందుకు తిరిగి వచ్చిందనే విషయం తెలుస్తుంది. చివరికి సూహా వెళ్లిపోతుందా ? ఆమె ఎలా వచ్చింది ? మళ్ళీ వర్షాకాలంలో వస్తుందా ? ఈ కథకి క్లైమాక్స్ ఏమిటి ? అనే విషయాలను, ఈ రొమాంటిక్ రొమాంటిక్ ఫ్యాంటసీ సినిమాని చూసి తెలుసుకోండి.
Share
IND VS SA 2nd Test: టీమిండియా జెర్సీపై ట్రోలింగ్..నర్స్ పాపల్లాగే ఉన్నారురా..మెడపట్టితో గిల్ దర్శనం
Crime News: అసలు మానవత్వం ఉందా..? వృద్ధురాలిపై సామూహిక అత్యాచారం, ఆపై హత్య
