OTT Movie : బాలీవుడ్ సినిమాలకి మన ప్రేక్షకులు ఎప్పటినుంచో అభిమానులు గా ఉన్నారు. అందులోనూ సంజయ్ దత్ సినిమాలంటే చెవి కోసుకుంటారు. ఇప్పుడు మనం చెప్పుకోబోయే మూవీ తండ్రి, కూతుర్ల ఎమోషన్ చుట్టూ స్టోరీ తిరుగుతుంది. కూతురుకి జరిగిన అన్యాయంపై ప్రతీకారం తీర్చుకోవడమే ఈ సినిమా స్టోరీ. ఈ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే…
యూట్యూబ్ (Youtube)లో
ఈ బాలీవుడ్ యాక్షన్ డ్రామా మూవీ పేరు ‘భూమి’ (Bhoomi). దీనికి ఓమంగ్ కుమార్ దర్శకత్వం వహించి, నిర్మాతగా వ్యవహరించారు. ఈ మూవీలో సంజయ్ దత్, అదితి రావ్ హైదరి, శరద్ కేల్కర్ ప్రధాన పాత్రల్లో నటించారు. ఈ స్టోరీ ఆగ్రాలో జరుగుతుంది. ఒక తండ్రి, కుమార్తె మధ్య సంబంధం చుట్టూ స్టోరీ తిరుగుతుంది. వాళ్ళు ఒక దారుణమైన సంఘటనను ఎదుర్కుంటారు. ఆ తరువాత వీళ్ళు ప్రతీకారం తీర్చుకోవడానికి ప్రయత్నిస్తారు. ఇది ఒక తండ్రి-కుమార్తె బంధం ఆధారంగా రూపొందిన ప్రతీకార డ్రామా మూవీ. యూట్యూబ్ (Youtube) లో ఈ యాక్షన్ డ్రామా మూవీ స్ట్రీమింగ్ అవుతోంది.
స్టోరీలోకి వెళితే
అరుణ్ సచ్దేవ ఒక సాధారణ చెప్పులు కుట్టే వ్యక్తి . ఇతనికి భార్య చనిపోవడంతో కూతురు భూమితో కలసి ఉంటాడు. తన కుమార్తె భూమిని చాలా ప్రేమగా చూసుకుంటాడు తండ్రి. భూమి తన స్నేహితుడు నీరజ్ ని ప్రేమించి, అతనితోనే వివాహం చేసుకోవడానికి సిద్ధంగా ఉంటుంది. ఇదే క్రమంలో పెళ్లి ఏర్పాట్లు కూడా జరుగుతాయి. అయితే ఈ వివాహానికి ఒక రోజు ముందు, భూమిని విషాల్ అనే స్థానిక వ్యక్తి కిడ్నాప్ చేస్తాడు. విషాల్, తన బంధువు ధౌలీ, డేఢా అనే గ్యాంగ్స్టర్లతో కలిసి భూమిపై సామూహిక అత్యాచారం చేస్తారు. ఈ దారుణ సంఘటన తర్వాత, నీరజ్ వివాహాన్ని రద్దు చేసుకుంటాడు. దీంతో అరుణ్, భూమి చాలా బాధ పడతారు. అరుణ్ పోలీసుల వద్ద ఫిర్యాదు చేసినప్పటికీ, అతనికి న్యాయం జరగదు. ఈ విషయం తెలిసి వాళ్ళు మళ్ళీ భూమిని మరోసారి కిడ్నాప్ చేసి హత్య చేయడానికి ప్రయత్నిస్తారు. ఆమె తీవ్ర గాయాలతో బతికి బయటపడుతుంది.
కోర్టులో కేసు విచారణ జరిగినప్పటికీ, నిందితులు తప్పించుకుంటారు. ఈ సంఘటన అరుణ్, భూమి జీవితాలను తలక్రిందులు చేస్తాయి. సమాజంలో అవమానాలను ఎదుర్కొన్న భూమి, తనపై జరిగిన అన్యాయానికి ప్రతీకారం తీర్చుకోవాలని నిర్ణయించుకుంటుంది. అరుణ్, భూమి కలిసి నిందితులను ఒక్కొక్కరిని లక్ష్యంగా చేసుకుని ప్రతీకారం తీర్చుకుంటారు. మొదట జీతూ అనే వ్యక్తిని హత్య చేస్తారు, ఆ తర్వాత డేఢాను రైలు కింద పడేసి చంపుతారు. విషాల్ను బస్సులో బంధించి అతన్ని చేతులారా చంపి పగ తీర్చుకుంటారు. చివరగా ధౌలీని ఒక ఆలయం వద్ద చంపి, వాళ్ళ ప్రతీకారాన్ని పూర్తి చేస్తారు. ఈ మూవీ సమాజంలో మహిళలు ఎదుర్కొనే సమస్యలను హైలైట్ చేస్తుంది. సంజయ్ దత్ శక్తివంతమైన నటన, అదితి రావ్ హైదరి సున్నితమైన పాత్ర ఇందులో ప్రధాన ఆకర్షణగా నిలుస్తుంది.
Share
Early White Hair: ఇవి ఒక్క సారి వాడినా చాలు.. తెల్ల జుట్టు నల్లగా మారడం పక్కా !
Betting Apps Promotion : బెట్టింగ్ యాప్ ప్రమోషన్స్ కేసులో నటుడు ఆలీ భార్య పేరు..?
