Chennai Love story: ఇటీవల థియేటర్లలో విడుదలైన ప్రతి చిత్రం కూడా ఓటీటీ స్ట్రీమింగ్ కి వస్తున్న విషయం తెలిసిందే. అందులో భాగంగానే భారీ బడ్జెట్ చిత్రాలను మొదలుకొని చిన్న చిత్రాల వరకు ప్రతీదీ కూడా ఓటీటీ స్ట్రీమింగ్ కి అందుబాటులోకి వస్తూ .. ప్రేక్షకులకు మంచి వినోదాన్ని పంచుతున్నాయి. ఈ క్రమంలోనే ఇప్పుడు మరో సినిమా ఓటీటీ స్ట్రీమింగ్ కి సిద్ధమవుతోంది. అదేదో కాదు బేబీ చిత్రంతో దర్శకుడిగా భారీ పాపులారిటీ సొంతం చేసుకున్న సాయి రాజేష్ కథను అందిస్తూ జూలై 24న ప్రేక్షకుల ముందుకు వచ్చిన చిత్రం చెన్నై లవ్ స్టోరీ. కిరణ్ అబ్బవరం (Kiran abbavaram), శ్రీ గౌరీ ప్రియ(Sri Gouri Priya) జంటగా నటించిన ఈ రొమాంటిక్ ఎంటర్టైనర్ చిత్రం ప్రేక్షకులను ఆకట్టుకుంటూ బాక్సాఫీస్ వద్ద పాజిటివ్ టాక్ తో ఘన విజయాన్ని సొంతం చేసుకుంది.
రూ.15 కోట్ల బడ్జెట్ తో నిర్మితమైన ఈ సినిమా సుమారుగా రూ.50 కోట్లకు పైగా గ్రాస్ వసూలు సాధించి క్లీన్ హిట్ గా నిలిచింది. థియేటర్లలో విశేష ఆదరణ పొందిన ఈ సినిమా ఓటీటీ హక్కులను ప్రముఖ డిజిటల్ ప్లాట్ఫామ్ సోనీ సొంతం చేసుకుంది. ఇక తాజాగా అందుతున్న సమాచారం ప్రకారం ఈ సినిమా ఆగస్టు 21 నుండి సోనీ లివ్ వేదికగా స్ట్రీమింగ్ అయ్యే అవకాశం ఉన్నట్లు సమాచారం. త్వరలోనే దీనిపై మేకర్స్, ఓటీటీ అధికారిక ప్రకటన చేయనుంది.
ALSO READ:ఆస్తులతోపాటు దానధర్మాలు కూడా.. మహేష్ బాబు దత్తత తీసుకున్న గ్రామాలివే!
చెన్నై లవ్ స్టోరీ సినిమా విషయానికి వస్తే.. సినిమా రంగంలో తన ప్రతిభను చాటుకొని.. ఎప్పటికైనా వెండితెరపై దర్శకుడిగా పేరును చూసుకోవాలనే బలమైన ఆశయంతో చెన్నై మహానగరంలో అడుగుపెడతాడు స్టీవెన్ శంకర్ (కిరణ్ అబ్బవరం). ఆయన ఒక అనాథ. అవకాశాల వేటలో ప్రతిరోజు కొత్త సవాళ్లను ఎదుర్కొంటూ.. తన లక్ష్యం దిశగా ప్రయత్నాలు కొనసాగిస్తూ ఉంటాడు. మరొకవైపు నివి (శ్రీ గౌరీ ప్రియ), అజయ్ (త్రిగుణ్) ఒకరికొకరు ప్రాణంగా ప్రేమించుకుని, వివాహ బంధంతో ఒక్కటి కావాలని భావిస్తారు. అయితే ఊహించని విధంగా పెళ్లికి ముందే నివిని ఒంటరి చేసి అజయ్ వెళ్లిపోవడంతో.. ఆమె జీవితం ఒక్కసారిగా అతలాకుతులమవుతుంది..ఆ తీవ్రమైన మనోవేదనను తట్టుకోలేక , మానసిక కుంగుబాటుకు లోనవుతుంది. అదే సమయంలో మద్యానికి బానిస అవుతుంది.
అలాంటి క్లిష్ట పరిస్థితుల్లో చెన్నై బ్యాక్ డ్రాప్ లో నివి జీవితంలోకి స్టీవెన్ శంకర్ అడుగుపెడతాడు. అనుకోకుండా నివి అందించిన ఒక చిన్న సహాయం స్టీవెన్ హృదయాన్ని తాకడంతో అతడు ఆమెను ఆరాధిస్తాడు. ఆ పరిచయంతో మొదలైన వీరి బంధం నెమ్మదిగా ఒకరికొకరు తోడుగా నిలుస్తూ.. ఘాడమైన ప్రేమగా రూపాంతరం చెందుతుంది. ఇద్దరు కలిసి కొత్త జీవితాన్ని ప్రారంభించాలని పెళ్లి చేసుకోవాలని నిర్ణయం తీసుకుంటారు. సరిగ్గా ఇద్దరు పెళ్లి చేసుకోవాలనుకుంటున్న సమయంలో నివి జీవితంలో గతానికి సంబంధించిన మలుపులు మళ్లీ ఎదురవుతాయి. అసలు నివిని ప్రాణంగా ప్రేమించిన అజయ్ ఎందుకు మధ్యలో వదిలేసి వెళ్లిపోయాడు. గతంలో చేదు జ్ఞాపకాలు మళ్లీ తెరపైకి వచ్చినప్పుడు స్టీవెన్ , నివిల ప్రేమ కథ ఎలాంటి ముగింపుకు చేరుకుంది. అనేది దర్శకుడు చాలా ఎమోషనల్ గా ఆవిష్కరించారు. మొత్తానికైతే ప్రేక్షకులను థియేటర్లలో బాగా ఆకట్టుకున్న ఈ సినిమా.. ఇటు ఓటీటీలో ఎలాంటి ఆదరణ సొంతం చేసుకుంటుందో చూడాలి.
Share
తెలంగాణ బీజేపీకి నితిన్ నబీన్ వార్నింగ్.. అలా చేస్తే మీ పోస్టు ఉస్టే..!
20 రోజులుగా ఆచూకీ లేని ఆర్మీ జవాన్ రవి.. కన్నీరుమున్నీరవుతున్న తల్లి! ఇంతకీ ఏమైంది?
