Army jawan missing: పాము పగడుతుందా? ఎక్కడున్నా సరే వెంటాడి కాటేస్తుందా?.. అదంతా తూచ్‌. తన జోలికి వస్తే బుస కొడుతుందే కానీ పగపట్టదు. ఇంకా చెప్పాలంటే ఎవరి కంట పడకుండా తన దోవ తాను చూసుకుంటుంది. నెల్లూరు జిల్లా తోటలపల్లిచెరువు గ్రామంలో ఓ పాము రోడ్డును క్రాస్‌ చేసిందిలా. ఇలాంటి పాములకు కోరల్లో మాత్రమే విషం వుంటుంది. మరి నిలువెల్లా విషం వున్నా మనుషుల్లారా ఈ సమాజంలో??. ఎవరేం పగ పట్టారో కానీ .. చెట్టంత నా బిడ్డను మాయంచేశారని ఓ అమ్మ గుండె కన్నీరైంది
20 రోజులైనా ఎలాంటి అప్డేట్ లేదు..
నెల్లూరు జిల్లా ఉదయగిరి నియోజకవర్గం వరికుంటపాడు మండలంలోని తోటలపల్లి చెరువుకుచెందిన పగడాల రవి.. ఆర్మీ జవాన్. డ్యూటీ మణిపూర్‌ రాష్ట్రంలో. 20 రోజుల కిందట సెలవు పెట్టి సొంతూరుకు బయలుదేరారు. తను వస్తుకున్నట్టు కుటుంబానికి, బంధుమిత్రులకు ఫోన్‌ చేసిచెప్పాడు. ఆయన రాక కుటుంబం వెయ్యికళ్లతో ఎదురుచూస్తోంది. వస్తానన్న టైమ్‌ రాలేదు. డేట్‌ మారుతున్న జాడలేదు. ఫోన్‌చేస్తే రెస్పాన్స్‌ లేదు. కుటుంబసభ్యులకు అనుమానం వచ్చింది. వెంటనే పోలీసులను ఆశ్రయించారు. ఎంక్వయిరీ చేపట్టారు. కానీ 20 రోజులైనా ఎలాంటి అప్డేట్ లేదు. కన్పించుటలేదని వాట్సాప్‌లో ఇలా మెసేజ్‌ సర్క్యూలేట్‌ చేశారు. ఆచూకీ చెప్పిన వారికి 3 లకల నజరానా ఇస్తామని ప్రకటించారిలా.
అసలు రవికి ఏమైంది..?
గత నెల 19న నాగాలాండ్‌లోని ధీమాపూర్‌ రైల్వేస్టేషన్‌ నుంచి రవి తన భార్య వరలక్ష్మి ఫోన్‌ చేసి మాట్లాడారు. ఆ తరువాత నుంచి ఎలాంటి కాల్స్‌ రాలేదు. పోలీసులు ట్రాక్‌ చేస్తే,, లాస్ట్‌ సిగ్నల్‌ ఒడిశాలోని భద్రక్‌ వరకు ఫోన్‌ ఆన్‌లోనే ఉన్నట్టు తేలింది. బెంగళూరులో రైల్వే స్టేషన్‌లో రవి ఐడీ కార్డు.. బ్యాక్‌ లభించాయి. మరి అతనెక్కడ? రవికి ఏమైంది?
Also Read: లోకేష్ రాజీనామా వరకు ‘జెన్ జీ’ పోరాటం ఆగేది లేదు.. MLC చంద్రశేఖర్ రెడ్డి
పోలీసులకు సవాల్‌గా మారిన రవి అదృశ్యం..
జవాన్ పగడాల రవి అదృశ్యం పోలీసులకు సవాల్‌గా మారింది. రవి ఊరికి వస్తున్నాడని తెలిసే ఎవరైనా పక్కా పథకంతో అతన్ని కిడ్నాప్‌ చేశారా? అనే అనుమానాలు తెరపైకి వచ్చాయి. గ్రామంలో కొందరితో భూవివాదాలున్నాయన్నారు కుటుంబసభ్యులు. ఆ గొడవలకు పగడాల రవి అదృశ్యానికి లింక్‌ వుందా? లేదంటే మిస్సింగ్‌ వెనుక మరేదైనా మిస్టరీ వుందా? అన్ని కోణాల్లో దర్యాప్తు చేపట్టారు పోలీసులు.
Share
ఓటీటీ స్ట్రీమింగ్ కి సిద్ధమవుతున్న చెన్నై లవ్ స్టోరీ!
క్యాడ్లెక్ మల్టీషెఫ్ ప్రో.. క్షణాల్లోనే ఒకే డివైజ్‌తో 3 రకాల ఫుడ్స్ రెడీ
