Chiranjeevi : గతంలో ఒక సినిమా రిలీజ్ అవుతుందంటే… థియేటర్ వద్ద ఓ పండగ వాతావరణం ఉండేది. ఆ పండగ వాతావరణం కాస్త కరోనా దయ వల్ల అది కాస్త కనిపించకుండా పోయింది. అప్పటి నుంచి ఎంత పెద్ద సినిమా వచ్చినా… ఎలాంటి సినిమా వచ్చినా… థియేటర్‌కి ఏం వెళ్తాం లే… నాలుగు వారాలు వెయిట్ చేస్తే ఓటీటీలోకి వచ్చేస్తుంది కదా… అప్పుడే చూద్ధాం అని అనుకున్నారు.
ఇప్పుడు ఆ పరిస్థితులు కూడా మారిపోయాయి. ఓటీటీలోకి వచ్చినా… చూడటం లేదు. మరీ బ్లాక్ బస్టర్ హిట్ అయితేనే… 3 గంటలు కేటాయిస్తున్నారు. లేకపోతే… అసలు చూడటం లేదు. దీనికి తోడు… ఓటీటీల సబ్‌స్క్రిప్షన్‌ ధరలు కూడా ఆకాశాన్ని అంటుతున్నాయి. ఈ నేపథ్యంలో ఓటీటీల్లో కూడా సినిమాలు చూడటానికి ముందుకు రావడం లేదు.
ఈ ప్రభావం చిన్న, పెద్ద అని తేడా లేకుండా… ప్రతీ సినిమాపై చూపిస్తుంది. అలా… మెగాస్టార్ చిరంజీవికి కూడా ఈ ఎఫెక్ట్ తగిలింది. భారీ పాన్ ఇండియా మూవీగా వస్తున్నవిశ్వంభర ఓటీటీ రైట్స్ అమ్మడానికి నిర్మాతలు విశ్వ ప్రయాత్నలు చేస్తున్నారట.
రిలీజ్ డేట్ ఇదేనా..?
ఫాంటసీ మూవీగా తెరకెక్కుతున్న ఈ విశ్వంభర మూవీని దాదాపు 200 కోట్లతో తెరకెక్కిస్తున్నారు. వీఎఫ్ఎక్స్ వర్కే ఎక్కువ ఉన్న నేపథ్యంలో ప్రత్యేక దృష్టి పెడుతున్నారు. ఈ మూవీ సంక్రాంతికే రిలీజ్ కావాల్సింది. కానీ, ఆ వీఎఫ్ఎక్స్ పనులే పూర్తి కాలేదని వాయిదా వేసుకున్నారు. ఇక చిరంజీవి బర్త్ డే సందర్భంగా ఆగస్టులో ఈ మూవీని రిలీజ్ చేయాలని చూస్తున్నారు.
తప్పుకున్న నెట్‌ఫ్లిక్స్..?
అయితే… ఈ మూవీకి ఓటీటీ డీల్ ఇంకా జరగలేదట. నిజానికి ఓటీటీ డీల్ క్లోజ్ చేయడానికి విశ్వంభర మేకర్స్ చాలా రోజుల నుంచి ట్రై చేస్తున్నారు. ముందుగా నెట్‌ఫ్లిక్స్‌తో చర్చలు జరిపారు. భారీ బడ్జెట్, భారీ కాస్ట్ అండ్ క్రూ. అన్నింటి కంటే… మెగాస్టార్ చిరంజీవి మూవీ కాబట్టి… ఓటీటీ రైట్స్ కి మేకర్స్ సాధారం కంటే కాస్త ఎక్కవే డిమాండ్ చేస్తున్నారట. దీంతో విశ్వంభర ఓటీటీ రైట్స్ తీసుకునే రేసు నుంచి నెట్‌ఫ్లిక్స్ తప్పుకున్నట్టు సమాచారం.
రంగంలోకి జీ 5..?
నెట్‌ఫ్లిక్స్ తప్పుకోవడంతో… ఓటీటీ రైట్స్ కోసం జీ 5 రంగంలోకి వచ్చినట్టు తెలుస్తుంది. ప్రస్తుతం విశ్వంభర నిర్మాతలు యూవీ క్రియేషన్స్‌ – జీ 5 మధ్య ఓటీటీ రైట్స్ గురించి చర్చలు జరుగుతున్నట్టు సమాచారం. అన్ని కుదిరితే… విశ్వంభర ఓటీటీ రైట్స్ జీ 5కే దక్కొచ్చు.
ఈ మూవీకి మాత్రమే కాదు…
ఓటీటీ రైట్స్ విషయంలో ఇబ్బందులు ఈ మూవీకే పరిమితం కాలేదు. భారీ బడ్జెట్‌తో వచ్చే దాదాపు అన్ని సినిమాలకూ ఇదే పరిస్థితి ఉంది. నిర్మాతలు భారీ బడ్జెట్ పెట్టాలంటనే ఆలోచిస్తున్నారు. భారీ బడ్జెట్ పెట్టిన తర్వాత థియేటర్స్ బిజినెస్ జరగకపోయినా.. కలెక్షన్లు పెద్దగా రాకపోయినా… నిర్మాతలను కాపేడిది ఓటీటీ రైట్సే. కాబట్టి… ఓటీటీ రైట్స్ కు నిర్మాతలకు ఎక్కువగా కోట్ చేస్తున్నారు. దీంతో ఓటీటీ ప్లాట్ ఫామ్స్ నిర్వహకులతో నిర్మాతలకు చర్చలు ఎక్కువ జరుగుతున్నాయి.
Share
Watch Video : అడ్డదిడ్డంగా రోడ్డు దాటేందుకు బైకర్ ప్రయత్నం - 28 మందికి తీవ్ర గాయాలు
Perabathula Rajasekharam MLC: కూటమికి వరుస విజయాలు.. ఉభయ గోదావరి జిల్లాలో టీడీపీ అభ్యర్థి విజయం..
