OTT Movie : ఓటీటీలో ఒక యాక్షన్ థ్రిల్లర్ సినిమా దుమ్ములేపుతోంది. ఈ చిత్రం లండన్‌లోని వన్ కెనడా స్క్వేర్‌లో జరిగే హై-స్టేక్స్ హాస్టేజ్ డ్రామాతో ‘డై హార్డ్’ ‘మిషన్ ఇంపాసిబుల్’ సినిమాలని గుర్తుచేస్తుంది. ఈ సినిమా గ్లాస్ క్లీనింగ్ చేసే ఒక మహిళ, ఉగ్రవాదుల నుంచి 300 మందిని కాపాడటానికి చేసే ప్రయత్నంతో ఈ స్టోరీ నడుస్తుంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్తే …
జోయ్ మాజీ బ్రిటిష్ ఆర్మీ సైనికురాలు. గతంలో ఒక సహోద్యోగిపై దాడి చేసినందుకు ఆమెను ఉద్యోగం నుంచి తొలగిస్తారు. ఇప్పుడు లండన్‌లోని వన్ కెనడా స్క్వేర్‌లో విండో క్లీనర్‌గా పనిచేస్తుంటుంది. ఆమె బాల్యంలో శాడిస్ట్ తండ్రి నుంచి తప్పించుకోవడానికి వాల్-క్లైంబింగ్ నేర్చుకుంటుంది. ఆమె అన్న మైఖేల్ ఆటిజం ఉన్న ఒక ఆన్‌లైన్ యాక్టివిస్ట్. కేర్ హోమ్‌లలోని అవినీతిని ఎక్స్‌పోజ్ చేస్తుంటాడు. ఒక రోజు జోయీ తన అన్నను తన పని ప్రదేశానికి తీసుకెళ్తుంది. అక్కడ ఆమె తన సహోద్యోగి నోహాతో కలిసి బిల్డింగ్ బయట విండోస్ క్లీన్ చేస్తుంది. ఇంతలో అగ్నియన్ ఎనర్జీ కంపెనీ షేర్‌హోల్డర్ గాలాలో ఎర్త్ రివల్యూషన్ అనే ఎన్విరాన్‌మెంటల్ యాక్టివిస్ట్ గ్రూప్ స్లీపింగ్ గ్యాస్ వాడి బిల్డింగ్‌ని టేకోవర్ చేసి, 300 మందిని బందీలుగా చేస్తుంది. ఇందులో నోహా కూడా సభ్యుడిగా ఉంటాడు.
గ్రూప్ లీడర్ మార్కస్ బ్లేక్ కంపెనీ వల్ల వస్తున్న పర్యావరణ విధ్వంసాన్ని మాత్రమే బయటపెట్టాలనుకుంటాడు. కానీ నోహా, బ్లేక్ ఆలోచనలతో విభేదిస్తూ, కంపెనీ ఓనర్ జెఫ్రీ మిల్టన్‌ని చంపేస్తాడు. నోహా, బ్లేక్‌ని, అతని లాయలిస్ట్‌లను చంపి, గ్రూప్ లీడర్‌షిప్‌ని టేకోవర్ చేసి, బందీలకు ఎక్స్‌ప్లోసివ్స్ పెట్టి, తన హార్ట్‌బీట్‌కి సింక్ అయిన డెడ్ మాన్స్ స్విచ్‌తో బెదిరిస్తాడు. జోయీ 50 అంతస్తుల ఎత్తులో బిల్డింగ్ బయట నుంచి తన అన్న మైఖేల్‌తో సహా బందీలను కాపాడేందుకు ప్రయత్నిస్తుంది. ఆమె తన క్లైంబింగ్ స్కిల్స్, మిలిటరీ ట్రైనింగ్ వాడుకుని, నోహాతో ఫైట్ చేస్తుంది. ఆమెకు సుపరింటెండెంట్ క్లైర్ హ్యూమ్, డిటెక్టివ్ ఇన్‌స్పెక్టర్ కాన్ బయట నుంచి సహాయం చేస్తారు. ఇక క్లైమాక్స్ యాక్షన్ సీక్వెన్స్‌లతో హీట్ పుట్టిస్తుంది. జోయ్ 300 మందిని కాపాడుతుందా ? నోహాని ఎలా ఎదుర్కొంటుంది ? అనే విషయాలను ఈ యాక్షన్ థ్రిల్లర్ సినిమాని చూసి తెలుసుకోవాల్సిందే.
‘Cleaner’ 2025లో విడుదలైన బ్రిటిష్ యాక్షన్ థ్రిల్లర్ చిత్రం. మార్టిన్ క్యాంప్‌బెల్ దర్శకత్వంలో డైసీ రిడ్లీ (జోయ్ లాక్), టాజ్ స్కైలర్ (నోవా), క్లైవ్ ఓవెన్ (మార్కస్ బ్లేక్) ప్రధాన పాత్రల్లో నటించారు. 2025 ఫిబ్రవరి 21న థియేటర్లలో విడుదలై, 1 గంట 36 నిమిషాల రన్‌టైమ్‌తో, HBO మ్యాక్స్, అమెజాన్ వీడియో, ఆపిల్ టీవీలో ఇంగ్లీష్ ఆడియోతో, హిందీ, తెలుగు, ఇంగ్లీష్ సబ్‌టైటిల్స్‌తో స్ట్రీమింగ్ అవుతోంది.
Share
Allari Naresh: అల్లరి నరేష్ సినిమాలో అల్లు అర్జున్ - అట్లీ స్టాఫ్.. ఇక మాములుగా ఉండదు!
Sehwag -Mendis : మిస్టరీ స్పిన్నర్ మెండిస్ కెరీర్ నాశనం చేసిన సెహ్వాగ్.. మరి వీరూతో పెట్టుకుంటే మాడి మసి కావాల్సిందే !
