Crime Thriller Series OTT : అబద్ధం ప్రచారం అయినంత వేగంగా నిజం అయితే బయటికి రాదు. ఈ పాయింట్ తో వచ్చిన ఒక తమిళ ఇన్వెస్టిగేటివ్ క్రైమ్ థ్రిల్లర్ సిరీస్ బాగా ట్రెండ్ అయింది. దీనికి ఐయండిబిలో 8 రేటింగ్ కూడా ఉందంటే, ఈ సిరీస్ ఎలా ఉంటుందో ప్రత్యేకంగా చెప్పక్కర్లేదు. ఇందులో క్లైమాక్స్ వరకు అన్నీ ట్విస్టులే ఉంటాయి. ఒక్కసారి ఎపిసోడ్ చూడటం మొదలుపెడితే చివరిదాక అస్సలు వదలలేరు. స్టోరీ అంతా ఒక మర్డర్ చూట్టూ తిరుగుతుంది. థ్రిల్లర్ ఫ్యాన్స్ ఈ సిరీస్ ను చూడకపోతే ఓ లుక్ వేయండి. మస్త్ మజా ఇచ్చే థ్రిల్లర్ ఎలిమెంట్స్ ఉంటాయి ఇందులో.
ఈ ఇన్వెస్టిగేటివ్ క్రైమ్ థ్రిల్లర్ వెబ్ సిరీస్ పేరు ‘వదంతి: ది ఫేబుల్ ఆఫ్ వెలోని’ (Vadhandhi: The Fable of Velonie). ఆండ్రూ లూయిస్ దీనిని డైరెక్ట్ చేశారు. ఆయన గతంలో విజయ్ ఆంటోనీతో ‘కొలైగాన్’ అనే క్రైమ్ థ్రిల్లర్ కూడా తీశారు. ఈ సిరీస్ను పుష్కర్-గాయత్రి నిర్మించారు. వీళ్ళు ‘విక్రమ్ వేద’ సినిమాతో ‘సుడల్: ది వోర్టెక్స్’ వంటి హిట్ సిరీస్లతో మంచి పేరు తెచ్చుకున్నారు. ఎస్.జె. సూర్య ఇందులో వివేక్ అనే పోలీస్ ఆఫీసర్ పాత్రలో నటించారు. లైలా, నాజర్, సంజన కృష్ణమూర్తి ఇతర ప్రధాన పాత్రలు పోషించారు. ఇది తమిళ సిరీస్ అయినప్పటికీ, తెలుగు, హిందీ, మలయాళం, కన్నడ భాషల్లో అందుబాటులో ఉంది. 2022 లో ప్రైమ్ వీడియో (Prime video ) లో అతి తక్కువ కాలంలోనే ఎక్కువ మంది చూసిన టాప్ 10 ఇండియన్ సిరీస్లలో ఇది ఒకటిగా నిలిచింది. ప్రస్తుతం దీనికి సంబంధించి సీజన్ 2 షూటింగ్ కూడా పూర్తయిందని సమాచారం. త్వరలోనే అఫీషియల్ రిలీజ్ డేట్ వచ్చే అవకాశం ఉంది.
కన్యాకుమారి దగ్గర ఒక ఊర్లో వెలోని అనే ఒక అందమైన అమ్మాయి మర్డర్ అవుతుంది. ఆ శవం దొరకగానే ఊరంతా రకరకాల పుకార్లు మొదలైపోతాయి. ఎవడో ఒకడు ఆ అమ్మాయి క్యారెక్టర్ బాలేదని, ఇంకొకడు ఎవడితోనో లేచిపోయిందని.. ఇలా నోటికొచ్చినట్టు వాగేస్తుంటారు. ఈ కేసుని ఇన్వెస్టిగేట్ చేయడానికి వివేక్ (ఎస్.జె. సూర్య) అనే పోలీస్ ఆఫీసర్ రంగంలోకి దిగుతాడు. ఆ అమ్మాయి మీద పడ్డ నిందల్ని తుడిచేసి, అసలు ఆ కిరాతకుడు ఎవడో పట్టుకోవాలని డిసైడ్ అవుతాడు. వివేక్ ఎంక్వైరీ మొదలుపెడితే, ఒక్కొక్కటిగా షాకింగ్ విషయాలు బయటపడతాయి.
ఆ అమ్మాయి చుట్టూ ఉన్నవాళ్లంతా అనుమానితులే కనిపిస్తారు. ఒక పక్క ఆ ఊరి జనం, ఇంకో పక్క మీడియా కలిసి ఆ అమ్మాయి పరువుని బజార్న పడేస్తుంటే.. వివేక్ మాత్రం పట్టు వదల కుండా క్రిమినల్ కోసం వేట కొనసాగిస్తాడు. ఆ అమ్మాయి గతాన్ని తవ్వుతున్న కొద్దీ, ఆమె చుట్టూ ఉన్న మనుషులు ఎంత ముసుగు వేసుకుని బతుకుతున్నారో అర్థమవుతుంది. చివరికి అసలు హంతకుడు ఎవడనేది ఊహించని విధంగా బయటపడుతుంది. అసలు ఆ హంతకుడు ఎవరు ? ఎందుకు ఆ అమ్మాయిని చంపాడు ? వివేక్ ఇన్వెస్టిగేట్ లో నిగ్గు తేలే నిజలు ఏంటి ? అనే విషయాలతో స్టోరీ యమ థ్రిల్లింగ్ గా ఉంటుంది.
Read Also : అమెరికన్ సినిమాలో ఇండియన్ దెయ్యం… దోస్తులందరికీ చుక్కలు… మస్తు పరేషాన్ చేసే సినిమా
Share
మనీకా? రిలేషన్స్కా? దేనికి వేల్యూ ఇస్తారంటే? దువ్వాడ మాధురి ఆన్సర్ ఇదే!
అత్యాశకు పోతున్న ‘పెద్ది’ నిర్మాత.. అసలుకే మోసం వస్తుందేమో!
