OTT Movie : హారర్ థ్రిల్లర్ అభిమానులను, ఒక హాలీవుడ్ సినిమా ఆకట్టుకుంటోంది. అతీంద్రియ సంఘటనల చుట్టూ తిరిగే ఈ స్టోరీలో ఒక తలుపు విధ్వంసం సృష్టిస్తుంది. చిన్నపల్లలను అమాంతం మింగేస్తుంటుంది. ఈ సినిమా సీను సీనుకు వెన్నులో వణుకు పుట్టిస్తుంది. దేని పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్తే …
స్టోరీలోకి వెళ్తే
రెడ్ , ఎవెలిన్ దంపతులు తమ కొడుకు కేన్ తో కలిసి ఒక చిన్న పట్టణంలో, కొత్త జీవితం ప్రారంభించడానికి వస్తారు. రెడ్ స్థానిక స్కూల్లో వర్కర్గా, ఎవెలిన్ ఆన్లైన్ బిజినెస్ స్టార్ట్ చేయడానికి ప్రయత్నిస్తుంది. కానీ కేన్ స్కూల్లో మిగతా పిల్లల అల్లరి వల్ల సస్పెన్షన్కు గురవుతాడు. ఇక ఈ కుటుంబం ఒత్తిడిని తగ్గించడానికి అడవిలో హైకింగ్కు వెళ్తుంది. అక్కడ వీళ్ళకు చైన్లతో కట్టిన ఒక తలుపును ఎదురుపడుతుంది. ఎవెలిన్ దానిని ఇంటికి తీసుకెళ్లి, రెడ్ పెయింట్తో అలంకరిస్తుంది. అయితే తలుపు ఇంట్లో ఉంచిన తర్వాత, వింత శబ్దాలు, ఒక చిన్న దెయ్యం కనిపించడం వంటి అతీంద్రియ సంఘటనలు జరుగుతాయి. ఎవెలిన్ స్థానిక సైకాలజిస్ట్ ఉరియా ను సంప్రదిస్తుంది. అతను తలుపు ఒక చెడు శక్తికి పోర్టల్ అని, దానిని తెరవడం వల్ల ప్రమాదం ఉందని హెచ్చరిస్తాడు.
కేన్ ఒక రాత్రి తలుపు ద్వారా అదృశ్యమవుతాడు. ఎవెలిన్ ఊరిలో కూడా గతంలో అనేక మంది పిల్లలు అదృశ్యమైన విషయాన్ని తెలుసుకుంటుంది. ఇక ఆలస్యం చేయకుండా ఉరియా, ఎవెలిన్, రెడ్లు తలుపును అడవిలోకి తీసుకెళ్తారు. అక్కడ తలుపు నుండి ఎంపుసా అనే ఒక చెడు శక్తి బయటపడుతుంది. దాని ముఖం తలుపు నుండి ఉబ్బుతుంది, చాక్బోర్డ్పై సందేశాలు రాస్తుంది. ఎంపుసా కేన్ను తిరిగి ఇవ్వడానికి ఒక ఒప్పందం ప్రతిపాదిస్తుంది. దానికి ఎవెలిన్ కూడా అంగీకరిస్తుంది. అయితే క్లైమాక్స్ భయంకరమైన సీన్స్ తో వణుకు పుట్టిస్తుంది. ఆ దుష్ట శక్తితో ఎవెలిన్ చేసుకున్న ఒప్పందం ఏమిటి ? కేన్ తిరిగి వస్తాడా ? పిల్లలంతా ఏమవుతారు ? క్లైమాక్స్ ఎలా ముగుస్తుంది ? అనే విషయాలను ఈ సినిమాను చూసి తెలుసుకోండి.
మూడు ఓటీటీలలో స్ట్రీమింగ్
‘డోర్ ఇన్ ది వుడ్స్’ (Door in the woods) 2019లో విడుదలైన అమెరికన్ సూపర్నాచురల్ హారర్ థ్రిల్లర్ చిత్రం. దీనికి బిల్లీ చేస్ దర్శకత్వం వహించారు. ఇందులో జెన్నిఫర్ పియర్స్ మాథస్ (ఎవెలిన్), డేవిడ్ రీస్ స్నెల్ (రెడ్), సిజే జోన్స్ (ఉరియా), జాన్-మైఖేల్ ఫిషర్ (కేన్) ప్రధాన పాత్రల్లో నటించారు. ఈ చిత్రం 2019 అక్టోబర్ 29న విడుదలై, ప్రస్తుతం అమెజాన్ ప్రైమ్ వీడియో, ఆపిల్ టీవీ, ఫాండాంగో ఎట్ హోమ్లో అందుబాటులో ఉంది.
Read Also : రాయల్ ఫ్యామిలీ అని మాయ చేసే కేటుగాడు… నిజాం రింగ్ చుట్టూ తిరిగే స్టోరీ… తెలుగులోనే స్ట్రీమింగ్
Share
Brahmamudi Rudrani: 'బ్రహ్మముడి' రుద్రాణికి ఇంత పెద్ద కొడుకు ఉన్నాడా? అస్సలు నమ్మలేరు..
Actress Haritha : బాడీ షేమింగ్ వల్ల బాధపడ్డా.. నరకం చూశాను.. కన్నీళ్లు తెప్పిస్తున్న హరిత స్టోరీ..
