OTT Movie : అందమైన సైకో నర్స్… గెలికి అడ్డంగా బుక్కయ్యే బిత్తిరి ఫ్యామిలీ… థ్రిల్లింగ్ ట్విస్టులు, ఊహించని మలుపులు

OTT Movie : ఒక అమెరికన్ సైకలాజికల్ థ్రిల్లర్ సినిమా ఊహించని ట్విస్ట్‌లతో ఆకట్టుకుంటోంది. ఈ సినిమాలో ఒక సైకో నర్స్ చేసే అరాచకాలు ఉత్కంఠభరితంగా ఉంటాయి. అమాయకంగా నటిస్తూనే మనుషులను చంపే ఈ సైకో నర్స్ చుట్టూ ఈ స్టోరీ తిరుగుతుంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …

మూడు ఓటీటీలలో స్ట్రీమింగ్

ఈ అమెరికన్ సైకలాజికల్ థ్రిల్లర్ మూవీ పేరు ‘ఈవిల్ ఇంటెంట్’ (Evil intent). 2019లో వచ్చిన ఈ సినిమాకి మైఖేల్ ఫీఫర్ దర్శకత్వం వహించారు. ఈ చిత్రం ఒక సైకో నర్స్ చుట్టూ తిరిగే ఉత్కంఠభరిత సన్నివేశాల చుట్టూ తిరుగుతుంది. ఈ సినిమా 2019 జూలై 20న కెనడాలో విడుదలైంది.  ఈ సినిమాలో లిండన్ స్మిత్ (గ్వెన్‌గా), అబ్బీ కాబ్ (మీరాగా), సీన్ ఫారిస్ (టాడ్‌గా), గ్రిఫిన్ మోర్గాన్ (మాక్స్‌గా), రోలాండా వాట్స్ (డాక్టర్ కెల్లర్‌గా) జే విల్కిన్స్ (డేవిడ్ వెబ్బర్‌గా) ప్రధాన పాత్రల్లో నటించారు. ఇది ప్రస్తుతం అమెజాన్ ప్రైమ్ వీడియో, ఆపిల్ టీవీ, యూట్యూబ్‌లో అందుబాటులో ఉంది.

స్టోరీలోకి వెళితే

మీరా, టాడ్ అనే జంటకు మాక్స్‌ అనే కొడుకు ఉంటాడు. మాక్స్‌కి మస్కులర్ డిస్ట్రోఫీ అనే అనారోగ్యం ఉంటుంది. అతన్ని చూసుకోవడానికి వాళ్లు గ్వెన్ అనే నర్స్‌ను ఇంట్లో పని చేయడానికి నియమిస్తారు. గ్వెన్ మొదట్లో చాలా మంచిగా, ఆప్యాయంగా కనిపిస్తుంది. మాక్స్‌తో బాగా కలిసిపోతుంది. కుటుంబంలో ఒకరిలా అయిపోతుంది. కానీ కొంత సమయం తర్వాత, గ్వెన్ వింతగా ప్రవర్తించడం మొదలుపెడుతుంది. ఆమెకు ముంచౌసెన్ సిండ్రోమ్ అనే మానసిక సమస్య ఉందని తెలుస్తుంది. ఆమె మీరాను కుటుంబం నుండి దూరం చేసి, తనే తల్లి స్థానంలో ఉండాలని కోరుకుంటుంది. గ్వెన్ గతంలో ఒక క్యాన్సర్ రోగి అయిన లారెల్‌ను చూసుకుంది. అప్పుడు ఆమె లారెల్‌ను మోసం చేసి, ఆమె చనిపోయేలా చేసిందని తెలుస్తుంది.

Read Also : ఐఎండీబీలో 8.5 రేటింగ్… స్టార్ హీరో కాదు, రొమాన్స్ అంతకన్నా లేదు… ఓటీటీలో దంచికొడుతున్న వెబ్ సిరీస్

Share

• 
• 
• 
• 
• 
•