Feel Good Movie on OTT : మనసుకు హత్తుకునే ఒక ఫీల్ గుడ్ డ్రామా ఓటీటీలో స్ట్రీమింగ్ అవుతోంది. ప్రేమిస్తే పోయేదేముంది మహా అయితే తిరిగి ప్రేమిస్తారు అనే డైలాగ్ దీనికి కరెక్ట్ గా సరిపోతుంది. ఇందులో ఎలాంటి ఫైట్లు, పెద్ద ట్విస్టులు, భారీ డైలాగులు ఉండవు. మన జీవితంలో చూసే సాధారణ మనుషులు, వాళ్ళ ఎమోషన్స్ చుట్టూనే ఈ కథ నడుస్తుంది. సినిమా మొత్తం చాలా నెమ్మదిగా, ప్రశాంతమైన వాతావరణంలో సాగుతూ, చూసే ప్రేక్షకుడి మనసుకు ఒక తెలియని ప్రశాంతతను ఇస్తుంది. మనసు బాలేనప్పుడు, కాస్త రిలాక్స్ అవ్వాలనిపించినప్పుడు ప్రశాంతంగా ఒంటరిగా కూర్చుని చూడదగ్గ ఒక చక్కటి క్లాసిక్ సినిమా ఇది.
ఈ జపనీస్ ఫీల్ గుడ్ డ్రామా మూవీ ఏరు ‘కాల్ మీ చిహిరో’ (Call Me Chihiro). 2023లో వచ్చిన ఈ సినిమాకు రికీయా ఇమైజుమి దర్శకత్వం వహించగా, ఈ చిత్రంలో ప్రధాన పాత్ర అయిన చిహిరోగా ప్రముఖ నటి కసుమి అరిమురా నటించారు. ఆమెతో పాటు హనా తోయోషిమా (కునికో/ఒకాజీ పాత్రలో), బాలనటుడు తెట్టా షిమడా (మకోటో పాత్రలో) లిలీ ఫ్రాంకీ (ఉత్సుమి పాత్రలో) కీలక పాత్రల్లో నటించి మెప్పించారు. దర్శకుడు రికీయా ఇమైజుమి ఎమోషన్స్ ను తెరపై చూపించడంలో దిట్ట. ఈ సినిమాలో కూడా ఆయన చిహిరో పాత్ర ద్వారా సమాజానికి దూరంగా ఉండే వ్యక్తుల మధ్య ఏర్పడే బంధాలను మనసుకు హత్తుకునేలా చూపించారు. ఈ చిత్రం ప్రపంచవ్యాప్తంగా విమర్శకుల నుండి విశేషమైన ప్రశంసలు అందుకుంది. దీనికి ఐయండిబిలో 7.0/10 రేటింగ్ లభించింది. కథానాయిక కసుమి అరిమురా తన కెరీర్లోనే వన్ ఆఫ్ ది బెస్ట్ పర్ఫార్మెన్స్ ఇచ్చిందని విమర్శకులు కొనియాడారు. ఈ జపనీస్ డ్రామా ప్రస్తుతం నెట్ఫ్లిక్స్ (Netflix) ఓటీటీ ప్లాట్ఫామ్లో స్ట్రీమింగ్ అవుతోంది.
ఇందులో చిహిరో అనే అమ్మాయి గతంలో సెక్స్ వర్కర్గా పనిచేసి, ఆ జీవితాన్ని వదిలేసి ఒక చిన్న సముద్రతీర ప్రాంతంలో ఉన్న ఒక ఊరికి వస్తుంది. అక్కడ ఒక చిన్న లంచ్ బాక్స్ హోటల్లో క్యాషియర్గా జాయిన్ అవుతుంది. సమాజం తన గురించి ఏమనుకుంటుందో అనే పట్టింపులు లేకుండా, ఎప్పుడూ నవ్వుతూ, అందరితో చాలా ఓపెన్గా మాట్లాడుతుంది. ఆ ఊరిలో ఉండే రకరకాల ఒంటరి మనుషులు, మనశ్శాంతి లేని వాళ్లంతా అనుకోకుండా చిహిరోకు దగ్గరవుతారు. ఇంట్లో గొడవలతో విసిగిపోయిన ఒకాజీ అనే స్కూల్ అమ్మాయి, అమ్మ ప్రేమకు దూరమైన మకోటో అనే చిన్న అబ్బాయి, అలాగే ఒక గుడ్డి ముసలాయన.. ఇలా చాలామందికి చిహిరో ఒక మంచి స్నేహితురాలిగా మారుతుంది. వాళ్ల కష్టాలను వింటూ, వాళ్లకు నచ్చిన వంటలు చేసి పెడుతూ వాళ్ల ఒంటరితనాన్ని పోగొడుతుంది. అయితే అందరి బాధలను పోగొట్టే చిహిరో మనసులో కూడా ఒక తెలియని ఒంటరితనం ఉంటుంది. ఒకరికొకరు అండగా నిలబడుతూ, జీవితంలో ఎలా ముందుకు సాగాలనేదే ఈ సినిమా కథ.
Read Also : 18 ఏళ్ల యువకుడితో యవ్వారం నడిపే స్కూల్ టీచర్… రచ్చ రంబోలా సీన్లు ఉన్న సినిమా మావా
Share
Anchor Varshini : వర్షిణి నెలకు ఎంత సంపాదిస్తుందో తెలుసా..? హీరోయిన్ల కన్నా ఎక్కువే..
కేంద్ర మంత్రి బండి సంజయ్ పదవి ఊడుతుందా.. సోషల్ మీడియాలో ట్రోలింగ్ వెనుక పెద్ద తలకాయలు?
