Feel good Movie OTT : బెంగాలీ ఇండస్ట్రీ నుంచి కొన్ని అద్భుతమైన, ఆలోచింపజేసే సినిమాలు వస్తున్నాయి. ఈ నేపథ్యంలో ఒక మూవీ అంతర్జాతీయ ఫిల్మ్ ఫెస్టివల్స్ లో మంచి గుర్తింపు పొందింది. ఈ కథ కూడా ఆసక్తికరంగా ఉంటుంది. ఒక మామూలు వ్యక్తి , ఆకాశంలో ఉన్న ఒక మేఘంతో స్నేహం చేస్తాడు. ఈ క్రమంలో వచ్చే సన్నివేశాలు ఆకట్టుకుంటాయి.
ఈ బెంగాలీ డ్రామా మూవీ పేరు ‘ది క్లౌడ్ అండ్ ది మ్యాన్ (The Cloud and the Man). బెంగాలీలో దీనిని మాణిక్‌బాబర్ మేఘ్ అని పిలుస్తారు. ఈ చిత్రానికి అభినందన్ బెనర్జీ దర్శకత్వం వహించారు. ఈ సినిమా నిడివి సుమారు 97 నిమిషాలు ఉంటుంది. ఫిప్రెస్సీ (FIPRESCI) ఇండియాలో 2021లో రూపొందించిన టాప్ 10 చిత్రాలలో ఒకటిగా ఈ సినిమాను ఎంపిక చేశారు. అంతేకాదు రష్యాలో జరిగిన 19వ పసిఫిక్ మెరిడియన్ ఫిల్మ్ ఫెస్టివల్‌లో చందన్ సేన్ ఉత్తమ నటుడు అవార్డును గెలుచుకున్నారు. ఈ సినిమా 2021లోనే ఫిల్మ్ ఫెస్టివల్స్‌లో ప్రదర్శించబడినప్పటికీ, థియేటర్లలో 2024 జూలై 12న విడుదలైంది. ఇందులో చందన్ సేన్, దేబేష్ రాయ్ చౌదరి, బ్రత్యా బసు, నిమాయ్ ఘోష్ ప్రధాన పాత్రల్లో నటించారు. ఇది ముబి ఓటీటీలో అందుబాటులో ఉంది.
మాణిక్ అనే ఒక మామూలు మధ్యతరగతి మనిషి కోల్‌కతాలో ఒంటరిగా బతుకుతుంటాడు. పొద్దున్నే లేచి ఆఫీసుకి వెళ్లడం, సాయంత్రం రావడం తప్ప వేరే లోకం తెలీదు. తన తండ్రి చనిపోయిన తర్వాత ఇంట్లో ఒక్కడే అయిపోతాడు. చుట్టుపక్కల వాళ్ళతో కూడా పెద్దగా కలవడు, తన పనేదో తను చూసుకునే ఒక ముభావపు మనిషి. జీవితం అంతా చప్పగా సాగిపోతున్న టైంలో ఒక వింత జరుగుతుంది. ఒకరోజు బయటికి వెళ్తే, ఆకాశంలో ఒక మేఘం ఇతన్నే వెంబడించడం మొదలుపెడుతుంది. మాణిక్ ఎక్కడికి వెళ్తే అక్కడికి ఆ మేఘం కూడా వెళ్తుంటుంది. మొదట్లో భయపడినా, మెల్లగా ఆ మేఘంతో అతనికి ఒక రకమైన స్నేహం ఏర్పడుతుంది.
అందరూ పిచ్చోడు అనుకున్నా సరే, తను మాత్రం ఆ మేఘంతో కబుర్లు చెప్పుకుంటూ, దానితోనే తన ప్రేమని, బాధని పంచుకుంటాడు. ఆకాశంలో ఉండే ఒక మబ్బు ముక్క తన జీవితంలో అతి ముఖ్యమైన తోడుగా మారిపోతుంది. చివరికి ఆ మేఘం వల్ల మాణిక్ జీవితం పూర్తిగా మారిపోతుంది. లోకం తనని ఎలా చూసినా పట్టించుకోకుండా, ఆ ప్రకృతితో తను పొందే సంతోషమే నిజం అనుకుంటాడు. ఇది ఒక మనిషికి, ప్రకృతికి మధ్య ఉండే వింతైన ప్రేమని ఈ సినిమా చాలా సున్నితంగా చూపిస్తుంది.
Read Also : మిస్సింగ్ కేసుతో మొదలయ్యే మర్డర్ కేసు… 2 గంటల పాటు సీట్ ఎడ్జ్ లో ఉంచే కన్నడ క్రైమ్ థ్రిల్లర్
Share
Mrunal Thakur : కలర్ ఫుల్ డ్రెస్ లో పురివిప్పిన నెమలిలా మృణాల్ ఠాకూర్.. ఫోటోలు వైరల్..
Fellowship Scam: కేయు కుంభకోణంలో బిగ్ ట్విస్ట్.. అసిస్టెంట్ ప్రొఫెసర్‌కు నోటీసులు
