OTT Movie : హారర్ సినిమాలు చూడటానికి చాలా ఇంట్రెస్టింగ్ గా ఉంటాయి. అయితే కొన్ని సినిమాలు అంతగా భయపెట్టకపోయినా స్టోరీ తో ఆకట్టుకుంటాయి. అయితే మరికొన్ని సినిమాలు వెన్నులో వణుకు పుట్టిస్తాయి. ఓటిటి ప్లాట్ ఫామ్ లో ఒక సూపర్ నేచురల్ హారర్ థ్రిల్లర్ మూవీ స్ట్రీమింగ్ అవుతోంది. డిఫరెంట్ కాన్సెప్ట్ తో తెరకెక్కిన ఈ మూవీ, ప్రేక్షకులను బాగానే భయపెడుతోంది. ఈ మూవీ పేరు ఏమిటి? ఎందులో స్ట్రీమింగ్ అవుతుందో వివరాల్లోకి వెళితే…
నెట్‌ఫ్లిక్స్ (Netflix) లో
ఈ సూపర్ నేచురల్ హారర్ థ్రిల్లర్ మూవీ పేరు ‘హిస్ హౌస్‘ (His House). 2020లో వచ్చిన ఈ హారర్ థ్రిల్లర్ ‘హిస్ హౌస్’ మూవీకి రెమి వీక్స్ దర్శకత్వం వహించారు. ఇందులో వున్మీ మొసాకు, సోప్ దిరిసు, మాట్ స్మిత్ నటించారు. ఈ మూవీలో దక్షిణ సూడాన్‌కు చెందిన శరణార్థి జంట మరొక ప్రాంతానికి వలస వెళ్తుండగా, కొత్త జీవితాన్ని సర్దుబాటు చేసుకోవడానికి వాళ్ళు ఎదుర్కునే సన్నివేశాలతో మూవీ స్టోరీ నడుస్తుంది. విమర్శకుల నుండి విస్తృతమైన ప్రశంసలను అందుకున్న ఈ మూవీ నెట్‌ఫ్లిక్స్ (Netflix) లో స్ట్రీమింగ్ అవుతోంది.
స్టోరీలోకి వెళితే
సుడాన్ దేశంలో యుద్ధ వాతావరణం నెలకొని ఉండటంతో హీరో, హీరోయిన్ తన కూతురితో కలిసి యూకే కంట్రీకి వస్తూ ఉంటారు. పడవ ప్రయాణం మీదగా వస్తున్న వీళ్ళకి ఒక ప్రమాదం జరుగుతుంది. అందులో కొంతమంది సముద్రంలో మునిగిపోగా, వాళ్ళల్లో హీరో కూతురు కూడా ఉంటుంది. ఈ బాధ నుంచి తేరుకుని యూకే కి వచ్చిన వీళ్ళకి, ఆదేశం పౌరసత్వం ఇవ్వకుండా వాళ్లని అబ్జర్వేషన్ లో పెడుతుంది. అక్కడ బయటి వాళ్లకి పౌరుషత్వం ఇవ్వాలంటే కొన్ని రూల్స్ పాటించాలి. వాళ్ళు చెప్పిన ప్రాంతంలోనే నివసించాలి. వాళ్లు చెప్పిన పని చేయాలి. ఇలా కొంతకాలం చేశాక ఓకే అనుకుంటే, వలస వచ్చిన వాళ్ళకి పౌరసత్వం ఇస్తారు. ఈ క్రమంలో వీళ్ళు ఉండటానికి ఒక ఇంటిని ఇస్తారు అధికారులు. ఆ ఇంట్లో ఉంటున్న వీళ్ళకి అనుకోని సంఘటనలు ఎదురవుతూ ఉంటాయి. చనిపోయిన కూతురు ఆత్మ రూపంలో వచ్చి హీరోయిన్ ను భయపెడుతూ ఉంటుంది.
ఆ ఇంట్లో ఒక గోడ అవతల వైపు నుంచి శబ్దాలు వస్తూ ఉంటాయి. ఆ గోడలు బద్దలు కొట్టడానికి ట్రై చేస్తాడు హీరో. అయితే వీళ్ళని అబ్జర్వేషన్ లో ఉంచిన ఒక అధికారి అది చూసి గట్టిగా వార్నింగ్ ఇస్తాడు. ఇలా చేస్తే మీకు శిక్ష పడుతుందని చెప్తాడు. ఆ తర్వాత ఆ దయ్యాల గోలతో భయపడిన హీరోయిన్, అక్కడినుంచి పారిపోతుంది. తనకు తెలిసిన వాళ్ళతో హ్యాపీగా గడుపుతూ ఉంటుంది. అయితే ఇదంతా హీరోయిన్ ఇమేజిన్ చేసుకుంటూ ఉంటుంది. నిజానికి వీళ్ళు వస్తున్న పడవలో ఉన్నది వీళ్ళ కూతురు కాదు. సైనికుల నుంచి తప్పించుకోవడానికి, ఆ చిన్న పిల్లని తన కూతురు అని చెప్పి అక్కడ నుంచి వస్తారు. దారి మధ్యలోనే ఆమె చనిపోవడంతో, ఆమెతోపాటు కొన్ని ఆత్మలు వీళ్ళను వెంటాడుతూ ఉంటాయి. చివరికి ఆ ఆత్మలను వీళ్ళు ఎలా ఎదుర్కొంటారనే విషయాలు తెలుసుకోవాలనుకుంటే, ‘హిస్ హౌస్’ (His House) మూవీని మిస్ కాకుండా చూడండి.
Share
Pawan Kalyan : పవన్ కళ్యాణ్ మూవీలో రామ్ చరణ్.. ఇన్నాళ్ళకు బయటపడ్డ నిజం..
Railway Tracks: రైల్వేలో ముందు కొత్త ట్రాక్ వేయరు, ఎందుకో తెలుసా?
