Mystery web Series: ఓటీటీలో ఇప్పడు వెబ్ సిరీస్ ల హవా నడుస్తున్న సంగతి తెలిసిందే. అయితే వీటిలో కొరియన్ సిరీస్ లు ఇప్పుడు ప్రత్యేకమైన గుర్తింపును తెచ్చుకున్నాయి. ప్రపంచవ్యాప్తంగా ఈ సిరీస్ లను ఆదరిస్తున్నారు ప్రేక్షకులు. ఇప్పుడు మనం చెప్పుకోబోయే వెబ్ సిరీస్ మిస్టరీ థ్రిల్లర్ జానర్ లో వచ్చింది. చిన్నప్పుడు మిస్ అయిన కొడుకు పెద్ద అయ్యాక తిరిగి ఇంటికి వస్తాడు. ఆ తరువాత వచ్చే స్టోరీ ఊహించని మలుపులు తిరుగుతూ సాగుతుంది. కొరియన్ ఫ్యాన్స్ తప్పక చూడాల్సిన సిరీస్ ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
ఈ కొరియా మిస్టరీ మెలోడ్రామా సిరీస్ పేరు ‘డియర్ హాంగ్‌రాంగ్’ (Dear Hongrang). కిమ్ హాంగ్-సన్ దర్శకత్వంలో లీ జే-వూక్, జో బో-ఆహ్ ఇందులో నటించారు. ‘టాంజియం: స్వాలోయింగ్ గోల్డ్’ ఆధారంగా రూపొందింది. ఇది 2025 మే 16 నుంచి నెట్‌ఫ్లిక్స్‌ (Netflix) లో స్ట్రీమింగ్ అవుతోంది. ఇది ‘టాంజియమ్’ (Tangeum) అనే ప్రసిద్ధ నవల ఆధారంగా రూపొందించబడింది. ఇందులో మొత్తం 11 ఎపిసోడ్‌ల ఈ సిరీస్ ఉత్కంఠభరితమైన స్క్రీన్ ప్లే, అద్భుతమైన విజువల్స్‌ తో ఆకట్టుకుంటుంది.
జోసోన్ కాలంలో ఒక పెద్ద బిజినెస్ కుటుంబానికి వారసుడైన హోంగ్‌రాంగ్ అనే చిన్నబ్బాయి ఉన్నట్టుండి కనిపించకుండా పోతాడు. అతన్ని వెతకడానికి ఆ కుటుంబం ఎన్ని ప్రయత్నాలు చేసినా ఫలితం ఉండదు. సరిగ్గా 12 ఏళ్ల తర్వాత, ఒక యువకుడు తాను హోంగ్‌రాంగ్‌నని చెబుతూ తిరిగి వస్తాడు. అతని రాకతో ఆ ఇంట్లో ఒక్కసారిగా అలజడి మొదలవుతుంది. అతని తల్లి తన కొడుకు తిరిగి వచ్చాడని సంతోషపడుతుంది కానీ, అతని సోదరి జే-యికి మాత్రం అతను తన తమ్ముడేనా అని అనుమానం కలుగుతుంది.
జే-యి తన తమ్ముడి అసలు రహస్యం తెలుసుకోవాలని ప్రయత్నిస్తుంటే, ఆ యువకుడు మాత్రం ఏదో ఒక పెద్ద ప్లాన్‌తోనే ఇంట్లోకి అడుగుపెట్టినట్లు కనిపిస్తుంటాడు. ఈ క్రమంలో ఆ కుటుంబంలో దాగి ఉన్న సెక్రెట్స్, ఆస్తి కోసం జరిగే కుట్రలు ఒక్కొక్కటిగా బయటపడతాయి. ఒక పక్క వాళ్ళ మధ్య ఉన్న అనుబంధం, మరోపక్క ప్రాణాలకే ముప్పు తెచ్చే మిస్టరీతో ఈ కథ చాలా ఉత్కంఠభరితంగా సాగుతుంది. చివరికి అతను నిజమైన వారసుడా ? లేక ఒక తెలివైన మోసగాడా ? అనేది తెలుసుకోవాలంటే, ఈ సినిమాను చూడాల్సిందే.
Read Also : 16 ఏళ్లకే క్యాన్సర్… చావులోనూ చచ్చేంత ప్రేమ… కన్నీళ్లు పెట్టించే క్లైమాక్స్
Share
China Copycat: రేంజ్ రోవర్ ను మక్కికి మక్కి దింపేసిన చైనా, మరీ ఇంత ఘోరమా?
Summer Destinations: ఎత్తైన నీలగిరి కొండలు.. పచ్చని చెట్లు, అందమైన లోయలు.. ఈ వేసవికి బెస్ట్ టూరిస్ట్ స్పాట్స్!
