Horror Comedy OTT : హర్రర్ సినిమాలకు ఎప్పుడూ ఆదరణ తగ్గదు. మామూలుగా అయితే ఎక్కువగా హాలీవుడ్ హర్రర్ సినిమాలను చూస్తూ ఉంటారు. ఇక ఓటీటీలో ఉన్న ఇండియన్ భాషలలో ఉన్న సినిమాలను చూస్తూ ఉంటారు. కానీ దాదాపుగా ఆయా భాషల్లో వచ్చిన సినిమాలు అన్నింటినీ ఓటీటీల పుణ్యమా అని చూసే ఉంటారు. ఇప్పుడు ఏదైనా కొత్తగా ఉండే హర్రర్ స్టోరీ అయితే చూడడానికి బాగుంటుంది అనుకుంటున్నారా ? అయితే ఈ మూవీ సజెషన్ మీ కోసమే. ఇది అలాంటి ఇలాంటి ఆషామాషీ హర్రర్ సినిమా కాదు. కామెడీ కూడా కావలసినంత ఉంటుంది. మరి ఈ మూవీ పేరేంటి ? ఏ ఓటీటీలో ఉంది ? అనే విషయాలను తెలుసుకుందాం పదండి.
ఈరోజు మూవీ సజెషన్ లో మనం చెప్పుకుంటున్నది థాయ్ హర్రర్ సినిమా గురించి. థాయ్ సినిమాల్లో ఆల్ టైమ్ బ్లాక్ బస్టర్ హిట్ గా పేరు తెచ్చుకున్న సినిమా ‘పీ మాక్’ (Pee Mak Phrakanong). 2013లో థియేటర్లలోకి వచ్చిన ఈ సినిమాకు బంచోంగ్ పిసంథనకున్ దర్శకత్వం వహించారు. అక్కడి పురాణాల ప్రకారం లెజెండ్ మే నాక్ ప్రకానాంగ్ ఆధారంగా ఈ సినిమాను రూపొందించారు.
GMM టై హబ్ బ్యానర్పై నిర్మించిన ఈ మూవీలో డ్స్ మారియో మారర్, దవికా హూర్నే ప్రధాన పాత్రలు పోషించారు. నత్తపోంగ్ చార్ట్పోంగ్, పుత్తిచై అమాత్యకుల్, విచై జుంగ్ రుంగ్ రీకిట్, కాంతపట్ పెర్మ్పూన్పాచ్ కీ రోల్స్ పోషించారు. 1 గంట 52 నిమిషాల రన్టైమ్ ఉన్న ఈ మూవీని 2013 మార్చి 28న థాయ్లాండ్లో విడుదల చేశారు. అక్కడ ఈ మూవీకి ఎంత మంచి రెస్పాన్స్ దక్కింది అంటే… ఆల్ టైమ్ హయ్యెస్ట్ గ్రాసర్ (600 మిలియన్ బాట్) గా రికార్డును సృష్టించింది. ఇప్పుడు ఈ మూవీని ఆపిల్ టీవీ+ (Apple TV+)లో చూడవచ్చు.
Read Also : రొమాన్స్ నుంచి క్రైమ్ -కామెడీ వరకు… జనవరిలో రిలీజ్ కాబోతున్న కొరియన్ సినిమాలు, సిరీస్ లు ఇవే…
సినిమాను 19వ శతాబ్దం రతనకోసిన్ యుగంలో తెరకెక్కించారు మేకర్స్. మాక్ (మారియో మారర్) సైనికుడుగా పని చేస్తాడు. పెళ్ళాన్ని ఒంటరిగా వదిలేసి యుద్ధంలో పాల్గొనడానికి వెళతాడు. కానీ ఆ యుద్ధంలో గాయపడి తిరిగి ఇంటికి వస్తాడు. వచ్చేటప్పుడు తన ఫ్రెండ్స్ టెర్, అయ్, షిన్, మాన్ లను తన విలేజ్కి తీసుకొస్తాడు. యుద్ధానికి ముందే మాక్ నాక్ (దవికా హూర్నే)ని పెళ్లి చేసుకుంటాడు. కొన్ని రోజులకే ఆమె ప్రెగ్నెంట్ అవుతుంది. ఇక పుట్టిన బిడ్డను చూద్దామని ఆశతో వస్తాడు మాక్. కానీ ఆ విలేజ్లో నాక్, ఆమె బేబీ ఇద్దరూ చనిపోయారని చెప్పుకుంటారు. అయితే మాక్ ఇంటికి రాగానే తన భార్య నాక్ ని చూసి షాక్ అవుతాడు. అందరూ ఆమె చనిపోయింది అని చెప్తారు. కానీ ఆమెతో పాటు బిడ్డ కూడా బతికే ఉంటుంది. దీంతో ఆమెను చూసి మాక్ ఫ్రెండ్స్ భయపడతారు. నాక్ దెయ్యం అని అతనితో చెప్తారు. మరి నాక్ నిజంగా దెయ్యమా ? ఆమె చనిపోయింది అని ఎందుకు చెప్పారు ? క్లైమాక్స్ ఏంటి? అనే ప్రశ్నలకు సమాధానం కావాలంటే మూవీని చూడాల్సిందే.
Share
Road Accident: హైదరాబాద్లో చెట్టును ఢీకొన్న స్పోర్ట్స్ కారు.. స్పాట్లో నలుగురు విద్యార్థులు మృతి
Today Horoscope in Telugu: ఆ రాశి వారికి ఆకస్మిక ధన ప్రాప్తి - వారు ఆర్థిక విషయాల్లో జాగ్రత్త -
