Horror movie OTT : హాలీవుడ్ హారర్ సినిమాలు ఎక్కువగా చర్చి నేపథ్యంలో సాగుతుంటాయి. దయ్యాలను కూడా రకరకాలుగా చూపిస్తూ భయపెడుతుంటారు. అయితే ఇప్పుడు చెప్పుకోబోయే సినిమా మొత్తం చర్చి చుట్టూ తిరుగుతుంది. పవిత్రంగా ఉండే చర్చిలో ఈ దెయ్యాల గోల ఏంటి అనుకుంటున్నారా ? అయితే ఈ సినిమాను ఓ సారి చూడండి. ఇది మిస్టరీతో పాటు, హారర్ ఎలిమెంట్స్ తో ఉంటుంది. వణుకు పుట్టించే స్టోరీ ఇది. ఈ హారర్ సినిమా పేరు, ఎక్కడ స్ట్రీమింగ్ అవుతుంది ? అనే వివరాలను తెలుసుకుందాం పదండి.
ఈ సూపర్ నేచురల్ హారర్ మిస్టరీ థ్రిల్లర్ సినిమా పేరు ‘కాన్సెక్రేషన్’ (Consecration). క్రిస్టోఫర్ స్మిత్ దర్శకత్వంలో వచ్చిన ఈ సినిమా 2023 ఫిబ్రవరి 10న థియేటర్లలో విడుదలైంది. ఇందులో జెన్నా మలోన్, డానీ హ్యూస్టన్ ప్రధాన పాత్రల్లో నటించారు. స్కాట్లాండ్లో ఐల్ ఆఫ్ స్కైలో ఈ సినిమా షూటింగ్ జరుపుకుంది. ప్రస్తుతం జియో హాట్ స్టార్ (jio hotstar) లో ఈ సినిమా స్ట్రీమింగ్ లో ఉంది.
గ్రేస్ అనే అమ్మాయి తమ్ముడు ఒక మారుమూల చర్చిలో ఫాదర్గా పనిచేస్తుంటాడు. అతను చనిపోయాడని తెలియడంతో, అసలేం జరిగిందో తెలుసుకోవడానికి ఆమె స్కాట్లాండ్లో ఉన్న ఆ చర్చికి వెళ్తుంది. అయితే అక్కడ ఉన్న సిస్టర్స్ తన తమ్ముడు ఆత్మహత్య చేసుకున్నాడని చెబుతారు. కానీ గ్రేస్కు అది నమ్మేటట్టు అనిపించదు. అక్కడి వాతావరణం, వాళ్ల ప్రవర్తన చూస్తుంటే ఏదో పెద్ద దాస్తున్నారని ఆమెకు అనుమానం వస్తుంది. గ్రేస్ విచారణ చేసే కొద్దీ ఆ చర్చిలో దెయ్యాల రిచ్యువల్స్ చేస్తున్నట్లు తెలుస్తుంది. దానికి సంబంధించిన భయంకరమైన నిజాలు బయటపడతాయి.
చివరకు తన తమ్ముడి మరణం వెనుక ఉన్న అసలు కారణం ఏంటి? ఆ చర్చిలో ఉన్న భయంకరమైన శక్తులు వల్ల ఆమె కూడా ప్రమాదంలో పడుతుందా ? చివరికి చర్చిలో అసలేం జరుగుతోంది ? నిజంగానే దెయ్యాలు ఉన్నాయా ? ఉంటే అవి ఆమెను ఏం చేశాయి? గ్రేస్ అక్కడి నుంచి ప్రాణాలతో బయట పడిందా ? అనే విషయాలను, ఈ సూపర్ నేచురల్ హారర్ మిస్టరీ థ్రిల్లర్ సినిమాను చూసి తెలుసుకోవాల్సిందే.
Read Also : బయట శత్రువులే కానీ లోపల మాత్రం మ్యాటర్ వేరే… ఓటిటిలో దుమ్ము దులుపుతున్న రొమాంటిక్ స్పోర్ట్స్ డ్రామా
Share
Smartphone Comparison: ఐకూ 15R vs వివో V70 vs వన్ప్లస్ 15R.. రూ.50k బడ్జెట్లో ఏది బెస్ట్?
Karthika Deepam 2 Serial Today February 26th: ‘కార్తీక దీపం 2’ సీరియల్: దాసును కలిసి నిజం అడిగిన జ్యోత్స్న
