Horror thriller OTT : దెయ్యాల సినిమాలు భయపెడుతున్నా కూడా, వాటిని చూసేందుకు ఇంట్రెస్ట్ చూపిస్తుంటారు ఆడియన్స్. అయితే కొన్ని సినిమాలు కథనం, హారర్ ఎలిమెంట్స్ తో క్రేజీగా ఉంటాయి. ఇప్పుడు మనం చెప్పుకోబోయే సినిమా అలాంటిదే. ఇది ఒక అద్దం చుట్టూ తిరుగుతుంది. అయితే అది మామూలు అద్దం కాదు. దుష్ట శక్తి తిష్ట వేసిన అద్దం. ఇది ఒక ఫ్యామిలిలో ఎంటర్ అయ్యాక స్టోరీ భయంకరమైన మలుపులు తిరుగుతుంది. అయితే ఈ సినిమాలోని భయంకరమైన సన్నివేశాల కోసం గ్రాఫిక్స్ కంటే ఎక్కువగా సైకలాజికల్ హర్రర్పై దృష్టి పెట్టారు. ముఖ్యంగా ఇందులో ఒక అమ్మాయి ఆపిల్ పండు అనుకుని పొరపాటున గాజు బల్బును కొరికే సీన్ ప్రేక్షకులను బాగా భయపెట్టింది. ఈ సినిమాకు వచ్చిన క్రేజ్ వల్ల 2017లో హిందీలో హూమా ఖురేషి, సాకిబ్ సలీమ్ ప్రధాన పాత్రల్లో ‘దోబారా: సీ యువర్ ఈవిల్’ అనే పేరుతో రీమేక్ కూడా చేశారు.
ఈ అమెరికన్ సైకలాజికల్ హర్రర్ చిత్రం పేరు ‘ఓకులస్’ (Oculus). 2013లో వచ్చిన ఈ సినిమాకు మైక్ ఫ్లానాగన్ దర్శకత్వం వహించారు.
ఇందులో కరెన్ గిల్లాన్, బ్రెంటన్ త్వైట్స్, కేటీ సాక్హాఫ్ లీడ్ రోల్స్ లో నటించారు. ఈ సినిమాను కేవలం 5 మిలియన్ డాలర్ల (దాదాపు 40 కోట్లు) తక్కువ బడ్జెట్తో నిర్మించగా, బాక్సాఫీస్ వద్ద 44 మిలియన్ డాలర్లకు పైగా వసూలు చేసి పెద్ద విజయాన్ని అందుకుంది. దర్శకుడు మైక్ ఫ్లానాగన్ తన మిగతా సినిమాలైన ‘హంటింగ్ ఆఫ్ హిల్ హౌస్’, ‘డాక్టర్ స్లీప్’, ‘జెరాల్డ్స్ గేమ్’ లలో కూడా ఈ లాసర్ గ్లాస్ అద్దాన్ని ఒక గుర్తుగా ఎక్కడో ఒకచోట చూపిస్తుంటారు. ఈ సినిమా షూటింగ్ కేవలం 24 రోజుల్లోనే పూర్తి చేయడం విశేషం. ఇది అమెజాన్ ప్రైమ్ వీడియో (Amazon Prime Video), ఆపిల్ టీవీ (Apple TV)లో అద్దెకు అందుబాటులో ఉంది.
చిన్నప్పుడు కైలీ, టిమ్ అనే అక్కాతమ్ముళ్ల ఇంట్లోకి ఒక పాత వింత అద్దం వస్తుంది. ఆ అద్దం మామూలుది కాదు, దానికి ఒక దెయ్యం పట్టినట్టు వింత శక్తులు ఉంటాయి. అది ఇంట్లో ఉన్నవాళ్ల బుర్రల్ని తినేసి, లేనివి ఉన్నట్టు భ్రమలు కల్పిస్తుంది. ఆ అద్దం మాయలో పడి వాళ్ల నాన్న పిచ్చోడైపోయి వాళ్ల అమ్మను చంపేస్తాడు. చివరికి టిమ్ చేతిలోనే నాన్న చనిపోతాడు. ఈ గొడవతో టిమ్ జైలుకు వెళ్తే, అద్దం మాత్రం ఎవరికీ దొరక్కుండా మాయమైపోతుంది. పదేళ్ల తర్వాత టిమ్ జైలు నుండి బయటకు రాగానే, అక్క కైలీ మళ్లీ ఆ పాత అద్దాన్ని వెతికి పట్టుకొస్తుంది. మన జీవితాలు నాశనం చేసింది ఈ అద్దమే, దీన్ని అందరి ముందు నిరూపించి పగలగొట్టాలని పంతం పడుతుంది.
ఇక అద్దం చుట్టూ కెమెరాలు, సెన్సార్లు పెట్టి ఒక ప్రయోగం మొదలుపెడుతుంది. టిమ్ మొదట్లో ఇవన్నీ నమ్మకపోయినా, అద్దం తన ప్రతాపం చూపించడం మొదలుపెట్టాక అసలు ఆట మొదలవుతుంది. ఇప్పుడు అద్దం తన మాయతో వాళ్లకు పిచ్చెక్కిస్తుంది. కైలీ ఒక యాపిల్ పండు తింటున్నాను అనుకుంటే, నిజానికి అది ఒక గాజు బల్బ్ అని తర్వాత తెలుస్తుంది. అలా ఏది నిజమో ఏది అద్దం చూపిస్తున్న భ్రమో తెలియకుండా చేస్తుంది. ఈ క్లైమాక్స్ మరింత భయంకరంగా ఉంటుంది. చివరికి వీళ్ళు ఆ గాజు అద్దం వెనుక అసలు సీక్రెట్ ను రికార్డ్ చేస్తారా ? ఆ అద్దం చేతిలో వీళ్ళు కూడా బలి అవుతారా ? అనే విషయాలతో ఈ క్లైమాక్స్ ఉత్కంఠంగా ముగుస్తుంది.
Read Also : సబ్బు బిళ్ళతో తారుమారైన కథ.. మళ్ళీ మళ్ళీ చూడాలనిపించే కామెడీ మూవీ
Share
ఎన్టీఆర్ కొత్త ట్రాన్స్ఫర్మేషన్?.. నెట్టింట వైరల్ అవుతున్న పిక్స్
Amaravathi : చంద్రబాబును వెంటాడుతున్న జనాల భయం..!
