Horror thriller OTT : హారర్ స్టోరీ అంటే ముందుగా గుర్తుకు వచ్చేది దెయ్యాల సినిమాలు. ఆడియన్స్ కు వెన్నులో వణుకు పుట్టిస్తుంటాయి ఈ దెయ్యాలు. అయితే ఇప్పుడు మనం చెప్పుకోబోయే సినిమాలో ఒక వృద్ధ జంట చేసే హింస చూస్తే దయ్యాలు ఏమాత్రం సరిపోవు. ఒక్కోసిన్ చూస్తే గుండె ఆగిపోతుంది ఏమో అన్నట్టు అనిపిస్తుంది. భయపడే వాళ్ళు ఈ సినిమా చూడకపోవడమే మంచిది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళితే…
ఈ అమెరికన్ స్లాషర్ హర్రర్ మూవీ పేరు ‘X’. ఈ చిత్రానికి టి వెస్ట్ దర్శకత్వం వహించారు. ఈ సినిమాలో మియా గోత్ ద్విపాత్రాభినయం చేశారు. ఆమెతో పాటు జెన్నా ఒర్టెగా, మార్టిన్ హెండర్సన్, బ్రిటనీ స్నో, కిడ్ కడి ముఖ్య పాత్రల్లో నటించారు. ఈ చిత్రాన్ని ప్రముఖ నిర్మాణ సంస్థ A24 నిర్మించింది. 2022 మార్చి 13న యునైటెడ్ స్టేట్స్ థియేటర్లలో ఈ సినిమా విడుదలైంది. ప్రస్తుతం ఈ సినిమా prime videoలో అందుబాటులో ఉంది. ఈ సినిమాకు ఫ్రీక్వెల్ గా ‘Pearl’ మూవీ, సీక్వెల్ గా MaXXXine’ విడుదలయ్యాయి.
మ్యాక్సిన్ (మియా గోత్) అనే ఒక యువతికి పెద్ద స్టార్ కావాలనే కోరిక ఉంటుంది. ఆమె తన ప్రియుడు వేన్, మరికొందరు స్నేహితులతో కలిసి ఒక అడల్ట్ సినిమా తీసి బాగా డబ్బు సంపాదించాలని ప్లాన్ చేస్తుంది. ఇందుకోసం వాళ్ళు టెక్సాస్లోని ఒక పల్లెటూరిలో ఉన్న పాత ఫామ్హౌస్ను అద్దెకు తీసుకుంటారు. అయితే ఆ ఇంటికి యజమానులుగా హవార్డ్, పెర్ల్ అనే వృద్ధ దంపతులు ఉంటారు. ఆ ముసలివాళ్లు చాలా వింతగా, భయంకరంగా ఉంటారు. షూటింగ్ విషయం వాళ్లకు తెలియకుండా వీళ్ళు జాగ్రత్తగా పని మొదలుపెడతారు. ఇక్కడే కథ భయంకరమైన మలువు తీసుకుంటుంది.
షూటింగ్ జరుగుతున్న సమయంలో, ఆ ఇంటి యజమానురాలు పెర్ల్.. మ్యాక్సిన్ అందాన్ని చూసి చాలా అసూయ పడుతుంది. పెర్ల్ కూడా ఒకప్పుడు అందంగా ఉండాలని, తన కోరికలు తీర్చుకోవాలని అనుకునే మనస్తత్వం ఉన్న మహిళ. ఇప్పుడు తన యవ్వనం అయిపోయిందని, తాను ముసలిదానిగా మారిపోయానని ఆమెలో ఉన్న అసంతృప్తి క్రూరంగా మారుతుంది. ఆ రాత్రి పెర్ల్ తన భర్త హవార్డ్ తో కలసి ఒక్కొక్కరిని టార్గెట్ చేస్తుంది. ఈ సీన్స్ ఒళ్లు జలదరించేలా ఉంటాయి. చివరికి మ్యాక్సిన్ టీమ్ ప్రాణాలతో బయట పడుతుందా ? ఆ ముసలి జంట చేతిలో బలవుతుందా ? అనే విషయాలను, ఈ సినిమాను చూసి తెలుసుకోవాల్సిందే.
Read Also : తుప్పు పట్టిన కత్తులతో కాలక్షేపం … కట్ చేస్తే మైండ్ బ్లోయింగ్ మిషన్… దుమ్ము లేపే ఫైట్స్
Share
Search Photos On Phone: మీ ఫోన్లో ఫోటోలు సెర్చ్ చేయడం కష్టంగా ఉందా? ఇలా చేస్తే సెకన్లలో పని పూర్తి
Podarillu Today Episode : కేశవను కొట్టించడానికి శైలు ప్లాన్.. ఇంట్లోంచి వెళ్లిపోతున్న మహా.. ఒంటరిగా మిగిలిపోతున్న చక్రీ..
