Indonesian Horror: మనలో ప్రతి ఒక్కరం సెలూన్ కి వెళ్తాము. హెయిర్ కట్ కోసం ప్రతీ ఊర్లోనూ షాప్స్ ఉంటాయి. కానీ ఈ ఊర్లో మాత్రం హెయిర్ కట్ కి వెళ్తే పీక కోస్తారు ఓ షాప్ వాళ్ళు. ఏదో గడ్డం గీస్తుంటే అలా తెగడం కామన్ కదా అనుకుంటున్నారేమో. కానీ ఇక్కడ మాత్రం అలా తెగదు, ఓ ఆడ పిశాచి పీక తెగ్గొట్టి రక్తం తాగుతుంది. సెలూన్ అంటేనే గుండె జారిపోయేలా చేసే ఓ హర్రర్ మూవీనే ఈరోజు మన మూవీ సజెషన్. 2025లో విడుదలై ఇండోనేషియా సినిమా ప్రేమికులను షాక్ కు గురి చేసిన సైకలాజికల్ హారర్ చిత్రం ‘ఎ ఉమెన్ కాల్డ్ మదర్’ (A Woman Called Mother). మరి ఈ మూవీ కథ ఏంటి ? ఎక్కడ చూడవచ్చు ? అనే విషయాలపై ఒక లుక్కేద్దాం పదండి.
యాంతి ఈ సినిమాలో ఆడ పిశాచి పేరు. ఆమెకు ఇద్దరు పిల్లలు కూతురు వీరా, చిన్న కొడుకు డినో. భర్తతో విడాకులు తీసుకున్న తర్వాత ఆమె మెంటల్ గా డిస్టర్బ్ అవుతుంది. ఆ బాధ నుండి బయట పడాలని పిల్లలతో కలిసి కొత్త నగరానికి షిఫ్ట్ అవుతుంది. అక్కడ ఒక చిన్న హెయిర్ సెలూన్ ప్రారంభించి, కొత్త జీవితాన్ని మొదలుపెడుతుంది. మొదట కొంతకాలం అంతా సాఫీగా సాగినట్లే అనిపిస్తుంది. కానీ క్రమంగా యాంతి ప్రవర్తనలో వణికించే మార్పులు వస్తాయి.
సెలూన్ కు వచ్చే కస్టమర్లను గాయపరచడం, వారితో వింతగా మాట్లాడడం, ఇంట్లో పిల్లలపై క్రూరంగా ప్రవర్తించడం వంటివి చేస్తూ ఉంటుంది. ఆమె కళ్లు విచిత్రంగా మారిపోతాయి. అలాగే మాటల్లో భయం కనిపిస్తుంది. ఒకప్పుడు ప్రేమతో తన పిల్లలను చూసిన ఆ తల్లి, ఇప్పుడు మాత్రం అపరిచితురాలిలా, ద్వేషంతో చూస్తుంది. కూతురు వీరా తన తల్లికి ఏదో జరిగిందని గ్రహిస్తుంది. అసలేం జరిగిందో తెలుసుకునే క్రమంలో ఒక భయంకరమైన నిజం బయట పడుతుంది.
యాంతి సమస్య మానసికంగా కుంగిపోవడం కాదు సమస్య, ఆమెపై ఎవరో చేతబడి చేస్తారు. దానికి సంబంధించిన దెయ్యం ఆమెను ఆవహిస్తుంది. ఆ దెయ్యం ఆమెలోని ‘తల్లి’ అనే భావనను, ‘స్త్రీ’ అనే గుర్తింపును కూడా నాశనం చేస్తుంది. దీంతో క్రూరమైన రాక్షసిగా మారిపోతుంది. ఇక్కడి నుండి కథ ఉత్కంఠభరితంగా మారుతుంది. తన తల్లి నుండి తమ ప్రాణాలను ఆ పిల్లలు ఎలా కాపాడుకున్నారు ? ఒకప్పుడు తమను ప్రేమించిన తల్లి ఇప్పుడు వారిని చంపడానికి ప్రయత్నిస్తుంటే ఆ పిల్లలు ఎలాంటి కష్టాలను ఎదుర్కొన్నారు ? చివరికి తల్లిని కాపాడుకోవడానికి ఆ పిల్లలు ఏం చేశారు ? అన్నది తెలియాలంటే మూవీపై ఒక లుక్కేయ్యాల్సిందే.
ఈ చిత్రం సైకలాజికల్ హారర్ జానర్‌లో ఒక మైలురాయి లాంటిది. ‘ఎ ఉమెన్ కాల్డ్ మదర్’ Netflix, JioHotstarలో హిందీలో అందుబాటులో ఉంది. తెలుగు డబ్బింగ్ లేదు కాబట్టి ఇంగ్లీష్ సబ్‌టైటిల్స్‌తో చూడొచ్చు. ఇండోనేషియా భాషలో ‘దియా బుకాన్ ఇబు’ (Dia Bukan Ibu) అనే పేరుతో వచ్చిన ఈ చిత్రం ‘X’లో జెరోపాయింట్ అనే యూజర్ రాసిన వైరల్ హారర్ థ్రెడ్ ఆధారంగా తెరకెక్కింది.
Read Also: చేతబడి తిప్పికొడితే ఎలా ఉంటుందో తెలుసా ? ఓటీటీని వణికిస్తున్న మలయాళం హర్రర్ సిరీస్
Share
Tuesday Movies in Tv : మంగళవారం టీవీ సినిమాలు.. మూవీ లవర్స్ కు పండగే..
Podarillu Serial : 'పొదరిల్లు' సీరియల్ లవర్స్ కు గుడ్ న్యూస్ .. కొత్త హీరోయిన్ ఎంట్రీ..
