OTT Movie : కేరళలోని ఒక చిన్న గ్రామంలో, రెండు పొరుగు కుటుంబాల మధ్య గొప్ప స్నేహ బంధం ఉంటుంది. కానీ ఒక రోజు ఒక చిన్న ఎలుక వీళ్ళ జీవితాల్లోకి ప్రవేశిస్తుంది. దాని వల్ల అక్కడ అంతా గందరగోళంగా మారుతుంది. ఈ చిన్న జీవి రెండు కుటుంబాల మధ్య సంబంధాలను పరీక్షకు గురి చేస్తుంది. ఇక జెర్రీని పట్టుకోవడానికి అక్కడ ఒక అడ్వెంచర్ జరుగుతుంది. చివరికి ఈ ఎలుక వెనుక ఒక ఏదైనా రహస్యం ఉందా? ఈ గందరగోళం కుటుంబాలను విడదీస్తుందా, లేక వారిని మరింత దగ్గర చేస్తుందా? ఈ సినిమా పేరు ఏమిటి ? ఎందులో ఉంది ? అనే విషయాలను తెలుసుకుందాం పదండి.
స్టోరీలోకి వెళితే
ఈ స్టోరీ కేరళలోని ఒక గ్రామీణ నేపథ్యంలో జరుగుతుంది. ఇక్కడ రెండు కుటుంబాలు .. ఒక కుటుంబం కొట్టాయం నజీర్ నటించిన పాత్ర నేతృత్వంలో, మరొకటి సన్నీ జోసెఫ్ నటించిన పాత్ర నేతృత్వంలో గొప్ప స్నేహ బంధాన్ని ఏర్పరచుకుంటాయి. ఈ కుటుంబాల సభ్యులు ఒకరికొకరు సహాయం చేసుకుంటూ ఆనందంగా జీవిస్తారు. అయితే ఒక రోజు, జెర్రీ అనే ఒక చిన్న ఎలుక ఒక ఇంట్లోకి ప్రవేశిస్తుంది. అది ఆహారం దొంగిలించడం, వస్తువులను ధ్వంసం చేయడం వంటి చిలిపి చేష్టలు చేసి, ఆ ఇంటిని గందరగోళంలో ముంచెత్తుతుంది. ఈ ఎలుకను పట్టుకోవడానికి కుటుంబ సభ్యులు రకరకాల పథకాలు వేస్తారు. కానీ జెర్రీ వాళ్ళని తెలివిగా మోసం చేస్తూ తప్పించుకుంటుంది.
ఈ గందరగోళం గ్రామంలోని ఇతరులకు కూడా వ్యాపిస్తుంది. ఇప్పుడు జెర్రీని పట్టుకోవడం ఆ గ్రామానికి సవాల్గా మారుతుంది. ఈ క్రమంలో రెండు కుటుంబాల మధ్య సంబంధాలు పరీక్షకు గురవుతాయి. ఎందుకంటే ఈ సమయంలో ఒక కుటుంబం మరొక కుటుంబం సహాయం కోరినప్పుడు, అహం, అపార్థాలు తలెత్తుతాయి. మధ్యలో ఈ ఎలుక చేసే చిలిపి చేష్టలు, నవ్వు తెప్పిస్తుంటాయి. చివరికి జెర్రీ సృష్టించిన గందరగోళం వల్ల ఎటువంటి సమస్యలు వస్తాయి ? ఈ ఎలుకను గ్రామస్తులు పట్టుకుంటారా ? అనే విషయాలను తెలుసుకోవాలి అనుకుంటే, ఈ సినిమాను మిస్ కాకుండా చూడండి.
Read Also : సైకాలజిస్ట్ నే తికమక పెట్టే సస్పెన్స్ థ్రిల్లర్ … సీను సీనుకూ గుండెలు అదరాల్సిందే
ఏ ఓటీటీలో ఉందంటే
ఈ మలయాళం కామెడీ మూవీ పేరు ‘జెర్రీ’ (Jerry). 2024 లో వచ్చిన ఈ సినిమాకి అనీష్ ఉదయ్ దర్శకత్వం వహించారు. ఇందులో కొట్టాయం నజీర్, రూత్ P జాన్, సన్నీ జోసెఫ్, అబిన్ పాల్, ప్రమోద్ వెలియనాడ్ ప్రధాన పాత్రలు పోషించారు. 1 గంట 56 నిమిషాల రన్ టైమ్ ఉండే ఈ సినిమాకి IMDbలో 7.0/10 రేటింగ్ ఉంది. సింప్లీ సౌత్ Simply South ఓటీటీలో ఈ సినిమా అందుబాటులో ఉంది.
Share
Nithin : 'తమ్ముడు' కోసం నితిన్ షాకింగ్ నిర్ణయం..?
OTT Movie : లాటరీలో కారు తగిలితే డిక్కీలో శవం వచ్చింది ... ఓటీటీలో అదరగొడుతున్న బ్లాక్ కామెడీ థ్రిల్లర్
