Indonesian Horror Comedy: ఇండోనేషియా సినిమా నుండి వచ్చే హారర్ కంటెంట్ కి గ్లోబల్ వైడ్‌గా ఎలాంటి డిమాండ్ ఉందో మనందరికీ తెలిసిందే. హారర్ సినిమాల్లో ఇండోనేషియన్ డైరెక్టర్స్ మార్క్ చాలా డిఫరెంట్ గా, గగుర్పాటు కలిగించేలా ఉంటుంది. ప్రఖ్యాత హారర్ మేకర్ జోకో అన్వర్ దర్శకత్వంలో 2026 లో రిలీజ్ అయి, బెర్లిన్ ఇంటర్నేషనల్ ఫిల్మ్ ఫెస్టివల్ లో విమర్శకుల ప్రశంసలు అందుకున్న లేటెస్ట్ సూపర్ నేచురల్ కామెడీ హారర్ మూవీ ‘Ghost in the Cell’ (2026). థియేటర్ రన్ పూర్తి చేసుకున్న ఈ బాక్స్ ఆఫీస్ హిట్ మూవీ ప్రస్తుతం ఓటీటీ హారర్ ప్రియుల మైండ్స్ బ్లాక్ చేస్తోంది. మరి దీని కథ ఏమిటి ? ఏ ఓటీటీలో అందుబాటులో ఉంది ? అనే వివరాలపై ఓ లుక్ వేద్దాం పదండి.
ఈ సినిమా కథ అంతా ఒక అత్యంత ప్రమాదకరమైన, హై-సెక్యూరిటీ ప్రిజన్ (జైలు) బ్యాక్‌డ్రాప్‌లో నడుస్తుంది. ఆ జైల్లో క్రూరమైన ఖైదీలు, రౌడీ గ్యాంగులు, మరియు అవినీతిపరులైన గార్డులు ఉంటారు. అయితే, ఒకరోజు డిమాస్ అనే ఒక ఇన్వెస్టిగేటివ్ జర్నలిస్ట్ అక్రమంగా ఆ జైల్లోకి ఖైదీగా వస్తాడు. అతను వచ్చినప్పటి నుండి ఆ జైల్లో వరుసగా ఖైదీలు అత్యంత దారుణంగా, ఘోరమైన పద్ధతుల్లో హత్యకు గురవుతుంటారు. ఆ మృతదేహాలు జైలు గోడలపై ఒక వింత ఆర్ట్ లా డిస్ప్లే అవ్వడం అందరినీ షాక్ కి గురి చేస్తుంది.
ఇన్వెస్టిగేషన్ లో వారికి ఒక మైండ్ బ్లోయింగ్ నిజం తెలుస్తుంది. ఆ హత్యలు చేస్తుంది మనుషులు కాదు, ఆ జైలు లోపల తిరుగుతున్న ఒక అదృశ్య శక్తి (కనిపించని దెయ్యం). ఆ సూపర్ నేచురల్ ఎంటిటీ కేవలం జైల్లో కోపంతో, నెగెటివ్ ఎనర్జీతో ఉన్న ఖైదీలను మాత్రమే టార్గెట్ చేసి ఊచకోత కోస్తుందని వారు కనిపెడతారు. దాంతో ఆ చనిపోయే జైలు గదుల నుండి బ్రతికి బయటపడాలంటే, అక్కడ ఉన్న బద్ధశత్రువులైన గ్యాంగులు, ఖైదీలు, కరప్టెడ్ గార్డులు అందరూ తమ గొడవలు పక్కన పెట్టి కలిసికట్టుగా ఉండాల్సి వస్తుంది. కోపాన్ని తగ్గించుకోవడానికి వారు చేసే వింత డాన్స్-ఆఫ్స్, ప్రార్థనలు హారర్ తో పాటు అద్భుతమైన డార్క్ స్లాప్‌స్టిక్ కామెడీని జనరేట్ చేస్తాయి. ఎక్స్‌ట్రీమ్ బాడీ హారర్, నవ్వులు పూయించే ఈ ఇండోనేషియన్ హారర్ థ్రిల్లర్ ని అస్సలు మిస్ అవ్వకండి.
షాకింగ్ వయొలెన్స్ విత్ డార్క్ కామెడీ జోడించి ఇండోనేషియా స్టార్ మేకర్ జోకో అన్వర్ (Joko Anwar) తెరకెక్కించిన వినూత్న హారర్ కామెడీ మూవీ ‘గోస్ట్ ఇన్ ది సెల్’ (Ghost in the Cell). బెర్లిన్ ఇంటర్నేషనల్ ఫిల్మ్ ఫెస్టివల్‌లో ప్రశంసలు అందుకున్న ఈ మూవీ థియేట్రికల్ రన్ ముగించి ప్రస్తుతం అమెజాన్ ప్రైమ్ వీడియో (Amazon Prime Video) లో అఫీషియల్ గా స్ట్రీమింగ్ అవుతోంది. ఇంగ్లీష్ సబ్‌టైటిల్స్ తో పాటు గ్రిప్పింగ్ సౌండ్ ఎఫెక్ట్స్ తో ఈ సినిమా అందుబాటులో ఉంది. తెలుగు డబ్బింగ్ ప్రస్తుతానికి అవైలబుల్ గా లేదు.
Read Also: అయ్యబాబోయ్ అద్దంలో అరాచకం… చలికాలంలోనూ చెమటలు పట్టించే హారర్ మూవీ… స్ట్రీమింగ్ తెలుగులో
Share
ఏపీలో జడ్పిటిసి, ఎంపిటిసి ఎన్నికల పోలింగ్ వాయిదా!
12 ఏళ్లకే ఇంత కాన్ఫిడెన్సా? ప్రజ్వల్ మామూలోడు కాదు!
