OTT Movie : మలయాళ సినిమాలకి మనవాళ్లు అభిమానులుగా మారిపోయారు. ఈ సినిమాలను చక్కటి కథలతో తెరకెక్కిస్తున్నారు మేకర్స్. థియేటర్లలో, ఓటిటిలలో కూడా ఈ సినిమాలు అదరగొడుతున్నాయి. అన్ని భాషల్లో ఈ సినిమాలు రిలీజ్ అవుతున్నాయి. ఇప్పుడు మనం చెప్పుకునే యాక్షన్ క్రైమ్ థ్రిల్లర్ మూవీ సముద్ర తీరంలోనే ఎక్కువగా జరుగుతుంది. తమ్ముడి చావుకి ప్రతీకారం తీర్చుకునే అన్న చుట్టూ ఈ మూవీ స్టోరీ తిరుగుతుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుందో వివరాల్లోకి వెళితే ..
నెట్‌ఫ్లిక్స్‌ (Netflix) లో
ఈ యాక్షన్ క్రైమ్ థ్రిల్లర్ మూవీ పేరు ‘కొండల్’ (Kondal). 2024 లో విడుదలైన ఈ మలయాళ మూవీకి అజిత్ మాంపల్లి దర్శకత్వం వహించారు. ఆంటోనీ వర్గీస్ ప్రధాన పాత్రలో నటించారు. ఈ సినిమా కథ ఒక సముద్రతీర గ్రామంలో జరుగుతుంది. ఎక్కువగా ఒక చేపలు పట్టే బోట్‌లో స్టోరీ తిరుగుతుంది. ‘కొండల్’ ఒక సాధారణ ప్రతీకార సినిమానే అయినప్పటికీ, సముద్ర నేపథ్యం, యాక్షన్ సన్నివేశాలు దీనిని విభిన్నంగా నిలబెడతాయి. ఈ మూవీ 2024సెప్టెంబర్ 13 న థియేటర్లలో విడుదలైంది. అక్టోబర్ 13 నుంచి ఓటీటీ ఫ్లాట్ ఫామ్ నెట్‌ఫ్లిక్స్‌ (Netflix) లో అందుబాటులో ఉంది.
స్టోరీలోకి వెళితే
అంచుతెంగు అనే తీర గ్రామంలో మాన్యువెల్ అనే ఒక మత్స్యకారుడు నివసిస్తూ ఉంటాడు. మాన్యువెల్ ముక్కు సూటిగా, ధైర్యవంతుడైన వ్యక్తిగా ఉంటాడు. అతను శక్తివంతమైన వ్యక్తులను కూడా సవాలు చేయడానికి వెనుకాడడు. అయితే అతని ఈ స్వభావం కారణంగా గ్రామంలో ఒక సమస్యలో చిక్కుకుంటాడు. దీనివల్ల అతను తాత్కాలికంగా గ్రామాన్ని విడిచి వెళ్ళాలని నిర్ణయించుకుంటాడు. ఈ క్రమంలో అతను మరొక ఓడరేవులో చేపలు పట్టే బోట్‌లో పని చేయడానికి చేరతాడు. ఈ బోట్‌లో సుమారు 15 మంది సిబ్బంది వరకు ఉంటారు. వారు సముద్రంలో లోతుగా కూడా ప్రయాణిస్తారు. అయితే ఈ ప్రయాణంలో ఒక విషాదకర సంఘటన జరుగుతుంది. సముద్రంలో ప్రయాణం చేస్తున్న సిబ్బందిలో ఒకరు అనుకోకుండా మరణిస్తాడు. ఈ సంఘటనతో సిబ్బంది రెండు వర్గాలుగా విడిపోతారు. ఒక వర్గం ప్రయాణాన్ని కొనసాగించాలని కోరుకుంటుంది. మరొక వర్గం మాన్యువెల్ నాయకత్వంలో తీరానికి తిరిగి వెళ్లాలని కోరుకుంటుంది.
ఈ విభజన తీవ్రమైన ఉద్రిక్తతలకు దారితీస్తుంది. కథ లోతుగా వెళితే మాన్యువెల్ ఈ బోట్‌లో చేరడానికి ఒక రహస్య కారణం ఉందని తెలుస్తుంది. అతని సోదరుడు డానీ మరణానికి సంబంధించిన రహస్యాన్ని కనుగొని, వాళ్ళపై ప్రతీకారం తీర్చుకోవాలని అనుకొని ఇక్కడికి వస్తాడు. అదే బోట్‌లో కొందరు సిబ్బంది డానీ మరణంలో పాలుపంచుకున్న వారని మాన్యువెల్ సందేహిస్తాడు. ఈ నేపథ్యంలో బోట్‌లో హింసాత్మక సంఘటనలు చోటుచేసుకుంటాయి. మాన్యువెల్ తన ప్రతీకార ప్రయాణంలో ఎదుర్కొనే సవాళ్లతో కథ ముందుకు వెళ్తుంది. చివరికి మాన్యువెల్ తన తమ్ముడి చావుకి ప్రతీకారం తీర్చుకున్నాడా ? అనే విషయం తెలుసుకోవాలి అనుకుంటే, ఓటీటీ ఫ్లాట్ ఫామ్ నెట్‌ఫ్లిక్స్‌ (Netflix) లో స్ట్రీమింగ్ అవుతున్న ఈ ‘కొండల్’ (Kondal) అనే మూవీని చూడండి.
Share
GreenLand Usha Vance: వివాదం వేళ గ్రీన్ లాండ్‌కు ఉషా వాన్స్ పర్యటన.. తీవ్రంగా వ్యతిరేకించిన ఖనిజదేశం
Brahmamudi Serial Today March 25th: ‘బ్రహ్మముడి’ సీరియల్: యామిని అడ్రస్ తెలుసుకున్న అప్పు – కావ్యను కట్టడి చేసేందుకు రుద్రాణి ప్లాన్
