Crime Thriller Web Series : జియోహాట్స్టార్లో సరికొత్తగా విడుదలైన తమిళ్ గ్యాంగ్స్టర్ క్రైమ్ థ్రిల్లర్ సిరీస్ ‘లింగం’ (Lingam). ఒక కబడ్డీ ఆటగాడు ఎలా అండర్వరల్డ్ కింగ్పిన్ అయ్యాడు? సాధారణ యువకుడి జీవితం ఎలా ఒక్కసారిగా మారిపోయి, అతన్ని క్రూరమైన అండర్వరల్డ్ డాన్గా మార్చిందనే ఉత్కంఠభరితమైన కథే ఈ మూవీ. పగ, ప్రతీకారం, రాజకీయ కుట్రలు, యాక్షన్ నిండిన ఈ సిరీస్ తమిళ సినిమా ప్రేమికులను ఆకట్టుకుంటోంది. మరి ఈ సిరీస్ తెలుగులోనూ స్ట్రీమింగ్ అవుతోందా ? ఏ ఓటీటీలో చూడవచ్చు ? సిరీస్ కంప్లీట్ స్టోరీ ఏంటి ? అనే విషయాలను తెలుసుకుందాం పదండి.
లింగం (కతీర్) ఈ సినిమాలో ప్రధాన పాత్రధారి. అతని కన్యాకుమారి ప్రాంతానికి చెందిన యువకుడు. చిన్నప్పటి నుండి పోలీస్ ఆఫీసర్ అవ్వాలనేది అతని ఏకైక కల. అంతేకాకుండా అతను ఒక అద్భుతమైన కబడ్డీ ఛాంపియన్ కూడా. అతని పోలీస్ సెలక్షన్ కొద్దిగా ఆలస్యం కావడంతో, ఒక పెద్ద కబడ్డీ టోర్నమెంట్లో పాల్గొంటాడు. ఆ టోర్నమెంట్ కాస్తా తీవ్రమైన హింసకు దారి తీస్తుంది. ఆ గొడవలో ఒక షాకింగ్ హత్య జరుగుతుంది. ఆ నేరంతో ఎలాంటి సంబంధం లేకపోయినా, లింగంపై తప్పుడు నింద మోపి పోలీసులు అరెస్ట్ చేస్తారు.
జైల్లో అతన్ని దారుణంగా హింసిస్తారు. ఆ చిత్రహింసలు, సమాజం చేసిన అన్యాయం అతని మనసును పూర్తిగా మార్చేస్తాయి. శాంతంగా ఉండే ఒక క్రీడాకారుడు మెల్లగా ఒక క్రూరమైన, భావోద్వేగాలు లేని వ్యక్తిగా మారిపోతాడు. జైలు నుండి బయటకు వచ్చాక పోలీసులు అతడిని ప్రతి చిన్న నేరానికి టార్గెట్ చేస్తుంటారు. స్థానిక రౌడీలు కూడా అతడిని వాడుకోవాలని చూస్తారు. దాంతో విసిగిపోయిన లింగం, చెల్లపాండియన్ అనే వ్యక్తి అక్రమ మద్యం సామ్రాజ్యంలో చేరతాడు. తన తెలివితేటలతో ఆ బిజినెస్ను భారీగా విస్తరింపజేసి, తన బాస్ ను ఒక డేంజరస్ దాడి నుండి కాపాడి, అతని నమ్మకాన్ని గెలుచుకుంటాడు.
ఆ తర్వాత జరిగిన రాజకీయ కుట్రలు, ద్రోహాల వల్ల చెల్లపాండియన్ చనిపోతాడు. తన బాస్ మరణానికి కారణమైన వారిపై ప్రతీకారం తీర్చుకుంటూ, కన్యాకుమారి మొత్తానికి తిరుగులేని అండర్ వరల్డ్ డాన్గా లింగం ఎలా ఎదిగాడు ? అనేదే ఈ 8 ఎపిసోడ్ల సిరీస్ కథాంశం. కతీర్ అద్భుతమైన యాక్షన్, ఎమోషనల్ పర్ఫార్మెన్స్ ఆకట్టుకుంటుంది. గ్రామీణ నేపథ్యంలో సాగే ఈ గ్యాంగ్స్టర్ డ్రామాలో పగ, ప్రతీకారం, యాక్షన్ లు బాగుంటాయి. ‘లింగం’ ప్రస్తుతం JioHotstarలో అందుబాటులో ఉంది. తెలుగులో కూడా ఈ సిరీస్ ను హాట్ స్టార్ లో చూడవచ్చు.గ్యాంగ్స్టర్ రివెంజ్ డ్రామా ఇష్టపడేవారు ఈ వీకెండ్ సిరీస్ పై ఒక లుక్కేయండి. జియో హాట్స్టార్ లో ఈ సిరీస్ను ఒరిజినల్ తమిళ్ భాషతో పాటు తెలుగు, హిందీ, మలయాళం, కన్నడ, మరాఠీ, బెంగాలీ భాషల్లో ఒకేసారి స్ట్రీమింగ్ చేస్తున్నారు. కాబట్టి మీరు నేరుగా తెలుగు డబ్బింగ్ వర్షన్ను సెలెక్ట్ చేసుకుని ఈ గ్యాంగ్స్టర్ రివెంజ్ డ్రామాను వీక్షించవచ్చు.
Read Also : పని మనిషిగా వచ్చి ఇవేం పాడు పనులు… ఆస్కార్ విన్నింగ్ కొరియన్ డార్క్ కామెడీ థ్రిల్లర్
Share
రూపాయి ఖర్చు లేకుండా.. ఇంట్లోని గాజు వస్తువులను డైమండ్లా మెరిపించే సూపర్ ఐడియా!
సర్వీస్ సెంటర్కు వెళ్లడానికి ముందే.. ల్యాప్టాప్ రిపేర్ ఖర్చులను ఇంట్లోనే తెలుసుకోవచ్చు!
