Dark Comedy Thriller OTT : అన్షుమాన్ ఝా దర్శకత్వం వహించిన బ్లాక్ కామెడీ థ్రిల్లర్ ‘లార్డ్ కర్జాన్ కి హవేలీ’ (Lord Curzon Ki Haveli) థియేటర్లలో విడుదలై, ప్రేక్షకుల నుంచి మంచి స్పందనను అందుకుంది. ఇప్పుడు ఈ సినిమా తాజాగా ఓటీటీలోకి వచ్చింది. అద్భుతమైన స్టోరీ లైన్ తో రూపొందిన ఈ మూవీ ఏ ఓటీటీలో ఉంది ? స్టోరీ ఏంటి ? అనే విషయాలను తెలుసుకుందాం పదండి.
‘లార్డ్ కర్జాన్ కి హవేలీ’ జియో హాట్‌స్టార్‌ (JioHotstar)లో అందుబాటులోకి వచ్చేసింది. కామెడీ, ఉద్రిక్త వాతావరణం, గుర్తింపు, అనుబంధం, అపరాధభావం వంటి లోతైన అంశాలతో తెరకెక్కిన ఈ చిత్రం ప్రేక్షకులను ఆకట్టుకుంది. స్టోరీ అంతా ట్రంకు పెట్టెలో ఉన్న శవం చుట్టూ తిరుగుతుంది.
ఇంగ్లాండ్‌ లో సెటిల్ అయిన ఇద్దరు భారతీయ జంటల చుట్టూ ఈ మూవీ స్టోరీ నడుస్తుంది. ఒక పాత గ్రామీణ హవేలీలో రాత్రి డిన్నర్‌ కు కలుస్తారు ఆ జంట. పరేష్ పహుజా పోషించిన డాక్టర్ బసుకినాథ్ ఆధిపత్య స్వభావం గల, కఠినమైన బ్రిటిష్-భారతీయ వైద్యుడు. అతని భార్య ఐరా (రసికా దుగల్)తో కలిసి అతను ఈ హవేలీకి వస్తాడు. అక్కడ వారు సాన్య (జోహా రెహమాన్), ఆమె ప్రియుడు రోహిత్ (అర్జున్ మాథుర్)ను కలుస్తారు. సరదాగా మొదలైన ఆ సాయంత్రం వేళ వేసిన ఒకే ఒక జోక్ కథను మలుపు తిప్పుతుంది. ట్రంకు పెట్టెలో లార్డ్ కర్జాన్ శవాన్ని దాచి పెట్టాము అని చెప్తారు సాన్యా జంట. ఆ జోక్ కాస్తా నెమ్మదిగా అనుమానం, ఉద్రిక్తతగా మారుతుంది. ఆ పెట్టెను తెరవాలన్న బసుకి పట్టుదల, ఆ రాత్రిని ఉద్రిక్తంగా, అసౌకర్యంగా మార్చేస్తుంది. ఈ క్రమంలో ఒక్కొక్కటిగా సీక్రెట్స్ అన్నీ బయట పడతాయి. ప్రతి డైలాగ్ షార్ప్ గా ఉంటుంది, పరిస్థితులు కలవరపరిచేలా ఉంటాయి.
Also Read : 2 గంటల 41 నిమిషాల సస్పెన్స్ థ్రిల్లర్… ఫహద్ ఫాజిల్ ను ఇలాంటి పాత్రలో ఎప్పుడూ చూసి ఉండరు
ఇందులో అర్జున్ మాథుర్, రసికా దుగల్, పరేష్ పహుజా, జోహా రెహమాన్ నటన అద్భుతంగా ఉంటుంది. ప్రేక్షకులు, విమర్శకుల నుంచి ఈ సినిమాపై ప్రశంసల వర్షం కురిసింది. అర్జున్ మాథుర్ రోహిత్ గా, రసికా దుగల్ ఐరాగా, పరేష్ పహుజా డాక్టర్ బసుకినాథ్ గా, జోహా రెహమాన్ సాన్యగా నటించారు. అన్షుమాన్ ఝా దర్శకత్వం వహించగా, బికాష్ రంజన్ మిశ్రా కథ అందించారు. ఫస్ట్ రే ఫిల్మ్స్, గోల్డెన్ రేషియో ఫిల్మ్స్, జేటీ ప్రొడక్షన్స్, ఆద్య ఫిల్మ్స్ సంయుక్తంగా నిర్మించారు. జూన్ 30న జియో హాట్‌స్టార్‌లో విడుదలైన ఈ చిత్రం డార్క్ కామెడీ, సస్పెన్స్ కలగలిపిన ఈ సస్పెన్స్ థ్రిల్లర్ క్లైమాక్స్ వరకు ఆకట్టుకుంటుంది.
Also Read : 25,21,00,000 వ్యూస్… నాలుగేళ్లుగా నెట్ ఫ్లిక్స్ ను ఊపేస్తున్న సిరీస్… ఇదేం పిచ్చి సామీ
Share
17 ఏళ్ల అమ్మాయి హత్య... ఓటీటీని ఊపేస్తున్న 6 ఎపిసోడ్‌ల మిస్టరీ థ్రిల్లర్
Jos Buttler: న‌న్ను నంబ‌ర్ 4లో పంపి, ఆశిష్ నెహ్రానే స‌ర్వ నాశ‌నం చేశాడు !
